ខេត្តកំពង់ស្ពឺ៖ ក្រុមក្មេងទំនើងចំនួន៤នាក់ត្រូវបានកម្លាំងនគរបាលស្រុកសំរោងទងធ្វើការឃាត់ខ្លួន ខណៈដែលជិះម៉ូតូធ្វើសកម្មភាពគប់កញ្ចក់រថយន្តអ្នកធ្វើដំណើរ ហើយព្យាយាមគេចខ្លួន ប៉ុន្តែត្រូវបានកម្លាំងនគរបាលស្រុកធ្វើការល្បាតឃាត់ខ្លួនបានតែម្តង។ ការឃាត់ខ្លួនក្រុមក្មេងទំនើងគប់កញ្ចក់រថយន្តអ្នកធ្វើដំណើរបានកាលពីវេលាម៉ោង១១និង៥០នាទីរំលងអាធ្រាត្រ ថ្ងៃទី២៨ ខែឧសភា ឆ្នាំ២០២៥ ។…
ខេត្តកំពង់ស្ពឺ៖ ក្រុមក្មេងទំនើងចំនួន៤នាក់ត្រូវបានកម្លាំងនគរបាលស្រុកសំរោងទងធ្វើការឃាត់ខ្លួន ខណៈដែលជិះម៉ូតូធ្វើសកម្មភាពគប់កញ្ចក់រថយន្តអ្នកធ្វើដំណើរ ហើយព្យាយាមគេចខ្លួន ប៉ុន្តែត្រូវបានកម្លាំងនគរបាលស្រុកធ្វើការល្បាតឃាត់ខ្លួនបានតែម្តង។
ការឃាត់ខ្លួនក្រុមក្មេងទំនើងគប់កញ្ចក់រថយន្តអ្នកធ្វើដំណើរបានកាលពីវេលាម៉ោង១១និង៥០នាទីរំលងអាធ្រាត្រ ថ្ងៃទី២៨ ខែឧសភា ឆ្នាំ២០២៥ ។
មន្ត្រីនគរបាលស្រុកសំរោងទងបាននិយាយឱ្យដឹងថា កម្លាំងជំនាញនគរបាលយុត្តិធម៌ស្រុកសំរោងទង អន្ដរាគមន៍បង្ក្រាប ក្រុមក្មេងទំនើង ដែលបានធ្វើសកម្មភាព គប់កញ្ចក់រថយន្តអ្នកធ្វើដំណើរបានចំនួន៤នាក់ និងដកហូតវត្ថុតាង ម៉ូតូចំនួន២គ្រឿង។
បន្ទាប់ពីទទួលបានព័ត៌មានមកថាមានករណីគប់កញ្ចក់រថយន្តនៅផ្លូវជាតិលេខ៤ ចន្លោះគីឡូម៉ែត្រ លេខ៣៨-ទៅលេខ៣៩ ត្រង់ចំណុចភូមិអូរក្រាំងអំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ។
ក្រោយពីទទួលបានព័ត៌មាននេះភ្លាមៗ កម្លាំងព្រហ្មទណ្ឌស្រុកបានចេញអន្តរាគមន៍ទាន់ពេលវេលា ធ្វើការស្រាវជ្រាវរហូតឃាត់ខ្លួនបានជនសង្ស័យចំនួន៤នាក់ ទី១- ឈ្មោះ ពេជ្រ ផានិត ភេទប្រុស អាយុ ២៥ឆ្នាំ ជាម្ចាស់ម៉ូតូ អ្នកបើក
ទី២- ឈ្មោះ មាន សូយទ្រី (ហៅទ្រី) ភេទប្រុស អាយុ ១៨ឆ្នាំ អ្នកគប់
ទី៣- ឈ្មោះ ភូ ចាន់ដា (ហៅចយ) ភេទប្រុស អាយុ ២១ឆ្នាំ អ្នកបើក
និងទី៤- ឈ្មោះ សូត្រ ស៊ីធួន ភេទប្រុស អាយុ ២០ឆ្នាំ ជិះពីក្រោយ ទាំង៤នាក់ រស់នៅក្នុងភូមិសំរោងទងលើ ឃុំសំរោងទង ស្រុកសំរោងទង ខេត្តកំពង់ស្ពឺ ។
ក្រោយឃាត់ខ្លួននគរបាលដកហូតវត្ថុតាងម៉ូតូចំនួន ០២គ្រឿងដែលជាមធ្យោបាយធ្វើដំណើរ។ពេលធ្វើការសួរនាំ ក្រុមក្មេងទំនើង បានឆ្លើយសារភាពថា ពួកខ្លួនពិតជាបានគប់កញ្ចក់រថយន្តអ្នកធ្វើដំណើរខាងលើពិតប្រាកដមែន ។
បច្ចុប្បន្នក្រុមក្មេងទំនើងទាំង៤នាក់នគរបាល ជំនាញបានធ្វើការសួរនាំ និងកសាងសំណុំរឿងបញ្ជូនទៅកាន់ការិយាល័យជំនាញខេត្តកំពង់ស្ពឺ ដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ