ខេត្តបន្ទាយមានជ័យ ៖ ស្ថានភាពព្រំដែនទិសទី១បន្ទាយមានជ័យ មានសភាពជាធម្មតាដោយកម្លាំងកម្ពុជាដែលកំពុងឈរជើងមានភាពទន់ភ្លន់ ប៉ុន្តែម៉ឺងម៉ាត់ការពារអធិបតេយ្យរបស់ខ្លួន គិតត្រឹមថ្ងៃទី២៩ ឧសភា ឆ្នាំ២០២៥ ស្ថិតក្នុងភូមិសាស្ត្រខេត្តបន្ទាយមានជ័យ ។…
ខេត្តបន្ទាយមានជ័យ ៖ ស្ថានភាពព្រំដែនទិសទី១បន្ទាយមានជ័យ មានសភាពជាធម្មតាដោយកម្លាំងកម្ពុជាដែលកំពុងឈរជើងមានភាពទន់ភ្លន់ ប៉ុន្តែម៉ឺងម៉ាត់ការពារអធិបតេយ្យរបស់ខ្លួន គិតត្រឹមថ្ងៃទី២៩ ឧសភា ឆ្នាំ២០២៥ ស្ថិតក្នុងភូមិសាស្ត្រខេត្តបន្ទាយមានជ័យ ។
លោកឧត្តមសេនីយ៍ទោ ឈុន ម៉ៅ មេបញ្ជាការរងយោធភូមិភាគទី៥ និងជាមេបញ្ជាការទិសទី១បន្ទាយមានជ័យបានប្រាប់ថា ស្ថានភាពព្រំដែនទិសទី១ បន្ទាយមានជ័យក្នុងភូមិសាស្គ្រខេត្តបន្ទាយមានជ័យ ដែលឈមខេត្តស្រៈកែវ ប្រទេសថៃ ឃើញថាស្ថានភាពជាធម្មតា តែកម្លាំងដែលឈរជើងតាមបន្ទាត់ព្រំដែនមានភាពទន់ភ្លន់ តែម៉ឹងម៉ាត់ដើម្បីការពារអធិបតេយ្យភាព និងបូរណៈភាពទឹកដីរបស់ខ្លួន ដោយមិនអោយប្រទេសជិតខាងណាមួយមកឈ្លានពានដាច់ខាត ។
លោកបានបញ្ជាក់ថា រយៈកន្លងមក កម្លាំងដែលកំពុងឈរជើងជួរមុខត្រូវបានជួបជជែកជាមួយកម្លាំងយោធាភាគីថៃ ដើម្បីបង្កើនការទំនាក់ទំនងគ្នាល្អ រួមគ្នាទប់ស្កាត់បទល្មើសឆ្លងដែន និងពង្រឹងចំណងមិត្តភាព សាមគ្គីភាព សម្ព័ន្ធមេត្រីភាព ដើម្បីជាប្រយោជន៍រួមនិងរក្សាបាននូវសន្តិភាពសន្តិសុខ និងស្ថិរភាពនៃភាគីទាំងពីរដែលមានភូមិផងរបងជាមួយគ្នា។
លោកវរសេនីយ៍ទោ ឈុន ម៉ៅ បានបញ្ជាក់ថា ព្រំដែនកម្ពុជា-ថៃក្នុងភូមិសាស្គ្រខេត្តន្ទាយមានជ័យ និងខេត្តស្រៈកែវ ប្រទេសថៃ មានប្រវែង១៥៣គីឡូម៉ែត្រ ដែលកម្ពុជាមានស្រុក/ក្រុងចំនួន៥ ជាប់ព្រំដែនថៃ មាន១-ស្រុកម៉ាឡៃ មានច្រកទ្វារតំបន់ព្រំដែនម៉ាឡៃ ២-ក្រុងប៉ោយប៉ែត មានច្រកទ្វារអន្តរជាតិប៉ោយប៉ែត និងច្រកទ្វារអន្តរជាតិស្ទឹងបត់ ៣-ស្រុកអូរជ្រៅ ៤-ស្រុកស្វាយចេក ៥-ស្រុកថ្មពួក មានច្រកទ្វាតំបន់បឹងត្រកួន រហូតពេលនេះស្ថានភាពជាធម្មតា ។
ចែករំលែកព័តមាននេះ