រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ លោក អូន ព័ន្ធមុនីរ័ត្ន និងមន្ត្រីការទូតជាន់ខ្ពស់អាមេរិកបានជួបពិភាក្សាគ្នាទៅលើបញ្ហាសេដ្ឋកិច្ច និងពាណិជ្ជកម្មរវាងប្រទេសទាំងពីរ ។ នេះបើតាមការផ្សាយរបស់ស្ថានទូតអាមេរិកប្រចាំនៅកម្ពុជា នៅថ្ងៃទី២៨ ខែឧសភានេះ…
រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ លោក អូន ព័ន្ធមុនីរ័ត្ន និងមន្ត្រីការទូតជាន់ខ្ពស់អាមេរិកបានជួបពិភាក្សាគ្នាទៅលើបញ្ហាសេដ្ឋកិច្ច និងពាណិជ្ជកម្មរវាងប្រទេសទាំងពីរ ។ នេះបើតាមការផ្សាយរបស់ស្ថានទូតអាមេរិកប្រចាំនៅកម្ពុជា នៅថ្ងៃទី២៨ ខែឧសភានេះ ។
ជំនួបនេះកើតមាន នៅពេលដែលកម្ពុជាកំពុងព្យាយាមចរចាអោយអាមេរិកទម្លាក់ពន្ធលើទំនិញរបស់កម្ពុជា ដែលចូលទីផ្សារអាមេរិក បន្ទាប់ពីអាមេរិកបានដំឡើងរហូតដល់៤៩ភាគរយ ប៉ុន្តែទុកពេលបីខែសម្រាប់ការចរចា ។
ស្ថានទូតអាមេរិកនិយាយថា លោកស្រីភារធារី Bridgette Walker និងលោកឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ អូន ព័ន្ធមុនីរ័ត្ន បានពិភាក្សាអំពីបញ្ហាសេដ្ឋកិច្ច និងពាណិជ្ជកម្មទ្វេភាគី ជាពិសេសបញ្ហា ដែលមានឥទ្ធិពលទៅលើអាជីវកម្មអាមេរិក ដែលដំណើរការនៅកម្ពុជា ក្នុងកិច្ចប្រជុំមួយកាលពីថ្ងៃទី២៧ ខែឧសភា ។
សហរដ្ឋអាមេរិក សូមស្វាគមន៍សហប្រតិបត្តិការជាមួយកម្ពុជា ដើម្បីសម្រេចបាននូវយុត្តិធម៌ និងតុល្យភាពក្នុងទំនាក់ទំនងពាណិជ្ជកម្មរបស់យើង និងដើម្បីការពារសន្តិសុខជាតិ និងសន្តិសុខផ្នែកសេដ្ឋកិច្ចរបស់សហរដ្ឋអាមេរិក ៕
ចែករំលែកព័តមាននេះ