មួយថ្ងៃៗ មន្ទីពេទ្យគន្ធបុប្ផាសៀមរាប ពិនិត្យផ្ទៃពោះដល់ស្ត្រី ពី៣០០ ទៅ៥០០នាក់ និងសម្រាលកូន ពី៦០ និង៨០នាក់
រាជធានីភ្នំពេញ ៖ មន្ទីរពេទ្យគន្ធបុប្ផាសៀមរាប ទទួលពិនិត្យផ្ទៃពោះដល់ស្ត្រី ពី ៣០០ ទៅ ៥០០នាក់ និងសម្រាលកូន ពី…
រាជធានីភ្នំពេញ ៖ មន្ទីរពេទ្យគន្ធបុប្ផាសៀមរាប ទទួលពិនិត្យផ្ទៃពោះដល់ស្ត្រី ពី ៣០០ ទៅ ៥០០នាក់ និងសម្រាលកូន ពី ៦០ និង ៨០នាក់ ក្នុងមួយថ្ងៃៗ ដោយក្នុងនោះមាន ១០ និង ១៥ករណី ជាស្ត្រី ដែលមានហានិភ័យ ដូចជាកូនខ្សោយ បញ្ហាលើសសម្ពោធឈាម និងជំងឺបង្រុងក្រឡាភ្លើង ជាដើម នេះបើតាមមូលនិធិគន្ធបុប្ផាកម្ពុជា ។
ប្រភពថា ចាប់តាំងពីបើកដំណើរការផ្នែកសម្ភពនៅឆ្នាំ២០០១មក រហូតមកដល់បច្ចុប្បន្ន មន្ទីរពេទ្យជ័យវរ្ម័នទី៧ ឬមន្ទីរពេទ្យគន្ធបុប្ផាសៀមរាប បានដើរតួយ៉ាងសំខាន់ ក្នុងការជួយសង្គ្រោះម្ដាយ និងទារក ។
ការព្យាបាលប្រកបដោយគុណភាព ក្រមសីលធម៌ និងវិជ្ជាជីវៈ បានធ្វើឱ្យមន្ទីរពេទ្យនេះ ក្លាយជាមន្ទីរពេទ្យសម្ភពឈានមុខមួយ ដែលជាទីទុកចិត្តបំផុតសម្រាប់ពលរដ្ឋ ជាពិសេសសម្រាប់ស្ត្រីមានផ្ទៃពោះទាំងអស់ នៅកម្ពុជា ។
ដើម្បីចូលរួមគាំទ្រ យុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥, សូមបរិច្ចាគតាមរយៈគណនីរបស់មូលនិធិគន្ធបុប្ផាកម្ពុជា នៅធនាគារអេស៊ីលីដា លេខ ០០០១-០៣៤១២៧៣៨១៣ សម្រាប់ប្រាក់រៀល និង ០០០១-០៣៤១២៧៣៨២៤ សម្រាប់ប្រាក់ដុល្លារអាម៉េរិក ឬតាមរយៈ QR Code ដូចមានក្នុងរូបភាពខាងលើ ។
ការបរិច្ចាគរបស់លោកអ្នកពិត ជាមានតម្លៃណាស់ ក្នុងជួយសង្គ្រោះជីវិត ទារក និងកុមារនៅកម្ពុជា ៕
ចែករំលែកព័តមាននេះ