បន្ទាយមានជ័យ ៖ កម្លាំងកងរាចអាវុធហត្ថឃាត់ខ្លួនជនសង្ស័យម្នាក់ ដែលប្រើហិ.ង្សាវ៉ៃប្អូនស្រី ព្រោះខឹងរឿងរអ៊ូច្រើន និងស្តីបន្ទោស ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២៨ ខែឧសភា ឆ្នាំ២០២៥…
បន្ទាយមានជ័យ ៖ កម្លាំងកងរាចអាវុធហត្ថឃាត់ខ្លួនជនសង្ស័យម្នាក់ ដែលប្រើហិ.ង្សាវ៉ៃប្អូនស្រី ព្រោះខឹងរឿងរអ៊ូច្រើន និងស្តីបន្ទោស ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២៨ ខែឧសភា ឆ្នាំ២០២៥ ។
លោកវរៈសេនីយ៍ត្រី សុខ ឡេង មេបញ្ជាការកងរាជអាវុធហត្ថ ក្រុងសិរីសោភ័ណ បានប្រាប់ថា ៖ ជនសង្ស័យមានឈ្មោះ លី ឡូយ ភេទប្រុស អាយុ៣៦ឆ្នាំ រស់នៅភូមិសូភី សង្កាត់កំពង់ស្វាយ ក្រុងសិរីសោភ័ណ ។
លោកបានបញ្ជាក់ថា ៖ ក្រោយទទួលបណ្តឹងឈ្មោះ លី ស្រីមុំ ភេទស្រី អាយុ៣២ឆ្នាំ រស់នៅភូមិជាមួយគ្នាបានប្តឹងឈ្មោះ លី ឡូយ (ត្រូវជាបងប្រុសបង្កើត) បានប្រើហិ.ង្សាវ៉ៃទៅលើខ្លួន បណ្តាលមានរបួសស្មងជើង កាលពីថ្ងៃទី២៦ ខែឧសភា ឆ្នាំ២០២៥នៅផ្ទះតែម្តង ។
លោកវរៈសេនីយ៍ត្រី សុខ ឡេង បានបញ្ជាក់ថា ៖ ក្រោយទទួលបណ្តឹងកម្លាំងមូលដ្ឋានកងរាជអាវុធហត្ថក្រុងសិរីសោភ័ណ បានស្រាវជ្រាវឃាត់ខ្លួនជនសង្ស័យឈ្មោះ លី ឡូយ ភ្លាមៗក្រោយធ្វើសកម្មភាពប្រើហិ.ង្សាលើប្អូនស្រីបង្កើត នាំយកសាកសួរតាមចម្លើយសារភាពខ្លួនពិតជាបានធ្វើសកម្មភាពវ៉ៃទៅលើប្អូនស្រីពិតមែន ព្រោះខឹងរឿងរអ៊ូនិងជេស្តីបន្ទោស ទើបយកឈើជ្រុងវ៉ៃចំស្មង ហើយប្រើប្រាស់គ្រឿងញៀ.ន៕
ចែករំលែកព័តមាននេះ