ខេត្តកណ្តាល ៖ ជនសង្ស័យ២នាក់ ត្រូវបានកម្លាំងនគរបាលស្រុកកៀនស្វាយ ធ្វើការឃាត់ខ្លួនបាន ដែលជាមុខសញ្ញាជួញដូរ និងរក្សាទុកដោយខុសច្បាប់ នូវសារធាតុញៀន(ម៉ាទឹកកក) និងអនុវត្តន៍ដីកាបង្គាប់ឲ្យចាប់ខ្លួន។ ការបង្ក្រាបនេះ…
ខេត្តកណ្តាល ៖ ជនសង្ស័យ២នាក់ ត្រូវបានកម្លាំងនគរបាលស្រុកកៀនស្វាយ ធ្វើការឃាត់ខ្លួនបាន ដែលជាមុខសញ្ញាជួញដូរ និងរក្សាទុកដោយខុសច្បាប់ នូវសារធាតុញៀន(ម៉ាទឹកកក) និងអនុវត្តន៍ដីកាបង្គាប់ឲ្យចាប់ខ្លួន។ ការបង្ក្រាបនេះ បានធ្វើឡើងកាលពីវេលាម៉ោង១០ និង៤០នាទីព្រឹកថ្ងៃទី២៦ ខែឧសភា ឆ្នាំ២០២៥ នៅចំណុចភូមិគគីរ ឃុំគគីរ ស្រុកកៀនស្វាយ ខេត្តកណ្តាល ។
លោកវរសេនីយ៍ឯក ព្រុំ សំណាង អធិការស្រុកកៀនស្វាយ បានឲ្យដឹងថា ជនសង្ស័យចំនួន០២នាក់ ៖
១.ឈ្មោះ ផាន់ សុភស្ស័ (ហៅទក) ភេទប្រុស អាយុ៤០ឆ្នាំ មុខរបរ មិនពិតប្រាកដ មានទីលំនៅ ភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាល (មានដីកាបង្គាប់អោយចាប់ខ្លួន ចំនួន២ គឺទី១ លេខ ៖ ដកបចខ/២៣ ចុះថ្ងៃទី០៤/០៧/២០១៧ ចេញដោយ សាយ សម្ផស្សសេរី ចៅក្រមស៉ើបសួរនៃសាលាតំបូងខេត្តកណ្តាល ។ និងទី២ លេខ ៧៣២ ចុះថ្ងៃទី ២០/១២/២០១៧ ចេញដោយ ផូង វណ្ណ ប្រធានក្រុមប្រឹក្សាជំនុំជម្រះនៃសាលាដំបូងខេត្តកណ្តាល ។
២.ឈ្មោះ អ៊ិន ប្រាស្នា ភេទប្រុស អាយុ ២៩ឆ្នាំ មុខរបរ មិនពិត មានទីលំនៅស្នាក់នៅបណ្តោះអាសន្ន ភូមិក្បាលជ្រោយ សង្កាត់ព្រែកឯង ខណ្ឌ័ច្បារអំពៅ រាជធានីភ្នំពេញ ។
ក្នុងនោះសមត្ថកិច្ចដកហូត វត្ថុតាងចាប់យករួមមាន ៖
១/ម្សៅក្រាមពណ័សថ្លាសង្សយ័សារធាតុញៀន (ម៉ាទឹកកក) ចំនួន១៤កញ្ចប់ (តូច៧ មធ្យម២ ធំ៥) (ទំងន់ ៩៧,៧២ក្រាម)
២/សម្ភារៈវេចខ្ចប់ប្រើប្រាស់ថ្នាំញៀនមួយចំនួន
៣/ជញ្ជីងសម្រាប់ថ្លឹងថ្នាំញៀនមួយចំនួន
៤/ទូរសព្ទចំនួន២គ្រឿង (ម៉ាកTecno ពណ័ទឹកមាស១ ម៉ាកvivoពណ័ទឹកសមុទ្រ១)
៥/ក្រដាសវេរលុយវីងចំនួន១សន្លឹក។
លោកវរសេនីយ៍ឯក ព្រុំ សំណាង បានបន្តថា នៅមុនពេលកើតហេតុខាងលើកម្លាំងប៉ុស្តិ៍នគរបាលរដ្ឋបាលគគីរ សហការណ៍ជាមួយកម្លាំងជំនាញគ្រឿងញៀនអធិការដ្ឋាននគរបាលស្រុកកៀនស្វាយ បានចុះស្រាវជ្រាវរកមុខសញ្ញា ដែលមានដីកាបង្គាប់ឲ្យចាប់ខ្លួនរបស់សាលាដំបូងខេត្តកណ្តាល ពេលជិះមកដល់ចំណុចមុខផ្សារគគីរ ស្ថិតនៅភូមិគគីរឃុំគគីរស្រុកកៀនស្វាយខេត្តកណ្ដាល ក៏ជួបប្រទះមុខសញ្ញាឈ្មោះ ផាន់ សុភស្ស័ ហៅ (ទក) ភេទប្រុស (មានដីកាបង្គាប់ឲ្យចាប់ខ្លួន) កំពុងឈរនៅមុខផ្សារគគីរ ភ្លាមៗកម្លាំងសមត្ថកិច្ច ក៏បានចុះទៅឃាត់ខ្លួន ហើយសមត្ថកិច្ចបានធ្វើការត្រួតពិនិត្យនៅក្នុងហោប៉ៅខោ រកឃើញម្សៅក្រាមសថ្លាសង្សយ័សារធាតុញៀន(ម៉ាទឹកក)ចំនួន១កញ្ចប់មធ្យម បន្ទាប់មកកំលាំងសមត្ថកិច្ចបាននាំខ្លួនជនសង្ស័យយកមកផ្នែកប្រឆាំងគ្រឿងញៀនស្រុកដើម្បីធ្វើការសាកសួរ ។
ក្រោយពីបានចំលើយសារភាពរបស់ឈ្មោះ ផាន់ សុភស្ស័(ទក) នៅវេលាម៉ោង ០២ និង០៧នាទីរសៀល កម្លាំងផ្នែកប្រឆាំងគ្រឿងស្រុកកៀនស្វាយសហការជាមួយប៉ុស្តិ៍គគីរ ដឹកនាំដោយលោកវរសេនីឯក ព្រុំ សំណាង អធិការនគរបាលស្រុកកៀន បន្តចុះទៅដល់ចំនុចបន្ទប់ជួលរបស់ឈ្មោះ អ៊ិន ប្រាស្នា ភេទប្រុស ស្ថិតនៅភូមិក្បាលជ្រោយ សង្កាត់ព្រែកឯងខណ្ឌច្បារអំពៅ ធ្វើការឆ្មក់បង្ក្រាប ដកហូតបានម្សៅក្រាមសថ្លា សង្សយ័សារធាតុញៀន(ម៉ាទឹកកក) ចំនួន១៣កញ្ចប់( តូចចំនួន៧កញ្ចក់ មធ្យមចំនួន០១កញ្ចក់ ធំចំនួន៥កញ្ចក់ ) ជញ្ជីងសម្រាប់ថ្លឹងថ្នាំញៀនចំនួន១ សម្ភារៈវេចខ្ចប់ថ្នាំញៀនមួយចំនួន បន្ថែមទៀត ក្រោយត្រួតពិនិត្យរួចកម្លាំងសមត្ថកិច្ចបាននាំខ្លួនឈ្មោះ អុិន ប្រាស្នា មកផ្នែកប្រឆាំងគ្រឿងញៀនស្រុកដើម្បីសួរនាំបន្ត ។
នៅចំពោះមុខសមត្ថកិច្ចឈ្មោះ អ៊ិន ប្រាស្នា បានសារភាពថា ខ្លួនពិតជាបានលក់ថ្នាំញៀនទៅអោយឈ្មោះ ផាន់ សុភស្ស័ (ទក) ចំនួន១កញ្ចប់មធ្យម តំលៃ ១០០.០០០រៀលប្រាកដមែន ។ ចំពោះថ្នាំញៀនដែលសមត្ថកិច្ចដកហូតបានពិតជារបស់ខ្លួនប្រាកដមែន គឺខ្លួនបានទិញពីមនុសប្រុសម្នាក់(មិនស្គាល់ឈ្មោះ) ចំនួន១កញ្ចប់ធំ តំលៃ៧០០$(ប្រាំពីររយដុល្លា) កន្លងមកខ្លួនធ្លាប់ទិញថ្នាំញៀនចំនួន៦ដងមកហើយ ក្នុងម្តងៗ៧០០$ (ប្រាំពីររយដុល្លា) ។
បច្ចុប្បន្ន ជនសង្ស័យរួមជាមួយវត្ថុតាង ត្រូវបានសមត្ថកិច្ចជំនាញនគរបាលស្រុកកៀនស្វាយ កំពុងកសាងសំណុំបញ្ចូនខ្លួនទៅកាន់តុលាការចាតនីតិវិធីច្បាប់ ៕
ចែករំលែកព័តមាននេះ