រាជធានីភ្នំពេញ ៖ កម្លាំងជំនាញអគ្គិភ័យ បន្តការចុះផ្សព្វផ្សាយតាមស្តង់លក់ដូរ នៅតំបន់ Walk Street ដែលជាតំបន់មានភ្ញៀវទេសចរណ៍ ដើរកម្សាន្តច្រើននាចុងសប្តាហ៍ ។…
រាជធានីភ្នំពេញ ៖ កម្លាំងជំនាញអគ្គិភ័យ បន្តការចុះផ្សព្វផ្សាយតាមស្តង់លក់ដូរ នៅតំបន់ Walk Street ដែលជាតំបន់មានភ្ញៀវទេសចរណ៍ ដើរកម្សាន្តច្រើននាចុងសប្តាហ៍ ។
ជាក់ស្តែង នាល្ងាចថ្ងៃទី២៥ ខែឧសភា ឆ្នាំ២០២៥នេះ ការិយាល័យពន្លត់អគ្គិភ័យ បន្តផ្សព្វផ្សយ និងត្រួតពិនិត្យបច្ចេកទេសកំប៉ុងហ្គាស នឹង ធុងហ្គាសរបស់អ្នកលក់ដូរតាមស្តង់ នៅតំបន់ Walk Street ស្ថិតក្នុងមូលដ្ឋានខណ្ឌដូនពេញ រាជធានីភ្នំពេញ ។
អាជីវករលក់ដូរម្ហូបអាហារ នៅតំបន់ Walk street បានសារទរ និងសរសើរមន្ត្រីនគរបាលជំនាញអគ្គិភ័យទាំងអស់ ដែលយកចិត្តទុកដាក់ លើប្រជាពលរដ្ឋ ក្នុងការចុះមកផ្សព្វផ្សាយណែនាំ ពីរបៀបត្រួតពិនិត្យបច្ចេកទេស ចង្ក្រាន្តហ្គាស រួមជាមួយការបង្រៀន សង្គ្រោះបឋម ដើម្បីបង្ការការពារនូវពេលមានគ្រោះថ្នាក់ ទាន់ពេលវេលា ។
លោកវរសេនីយ៍ទោ ពៅ វុទ្ធី នាយរងការិយាល័យបង្ការ និងពន្លត់អគ្គិភ័យ បានអោយដឹងថា ដោយមានការអនុញ្ញាតពីលោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការរាជធានីភ្នំពេញ រួមជាមួយមន្ត្រីជំនាញចំនួន០៥រូប ចុះផ្សព្វផ្សាយ អប់រំណែនាំការងារបង្ការពន្លត់អគ្គិភ័យ និងសង្គ្រោះ ដល់បងប្អូនជាអាជីវករលក់ដូរ នៅតាមតំបន់កម្សាន្ត Walk Street និងឲ្យបានយល់ដឹងពីគ្រោះថ្នាក់អគ្គិភ័យ ក៏ដូចជាណែនាំអំពីវិធីបង្ការ នឹងវិធីសង្គ្រោះបឋម ដូចជារបៀបប្រើប្រាស់បំពង់ពន្លត់អគ្គិភ័យ និងត្រួតពិនិត្យបំពង់ពន្លត់អគ្គិភ័យ ណែនាំប្រជាពលរដ្ឋអំពីការប្រើប្រាស់ហ្គាស នឹងប្រព័ន្ធអគ្គិសនី ឬសារធាតុផ្សេងៗ ។
ក្នុងនោះ លោកបាន ក្រើនរំលឹកអាជីវករដែលប្រកបរបរ ទាំងអស់ គ្រប់ស្តង់នីមួយៗ នៅតំបន់ Walk Street ចាំបាច់ត្រូវតែមានបំពង់ពន្លត់អគ្គិភ័យ ក្នុងទីតាំងលក់ដូររបស់ខ្លួន ជៀសវាងមានបញ្ហាកើតឡើងផងដែរ ហើយប្រសិនបើមិនទាន់មានបំពង់ពន្លត់ គឺត្រូវស្វែងរកទីតាំងដែលជិតខ្លួនបំផុត ដើម្បីទិញទុកប្រើប្រាស់ពេលមានអាសន្ន ៕
ចែករំលែកព័តមាននេះ