រាជធានីភ្នំពេញ ៖ នគរបាលខណ្ឌដូនពេញ ស្រាវជ្រាវប្រើពេលជាង១២ថ្ងៃ ទើបឃាត់បានជនសង្ស័យ០២នាក់ ដែលបានធ្វើសកម្មភាពវាយទៅលើបុរសម្នាក់ ជាអ្នករត់កង់បី បណ្ដាលឲ្យធ្លាក់ចូលទឹកទន្លេ ក្បែរកំពង់ចម្លងភ្នំពេញ-អរិយក្សត្រ ។…
រាជធានីភ្នំពេញ ៖ នគរបាលខណ្ឌដូនពេញ ស្រាវជ្រាវប្រើពេលជាង១២ថ្ងៃ ទើបឃាត់បានជនសង្ស័យ០២នាក់ ដែលបានធ្វើសកម្មភាពវាយទៅលើបុរសម្នាក់ ជាអ្នករត់កង់បី បណ្ដាលឲ្យធ្លាក់ចូលទឹកទន្លេ ក្បែរកំពង់ចម្លងភ្នំពេញ-អរិយក្សត្រ ។
ការឃាត់ខ្លួនជនសង្ស័យទាំង០២នាក់ខាងលើនេះ ធ្វើឡើងកាលពីវេលាម៉ោង០១រសៀល ថ្ងៃទី២៦ ខែឧសភា ឆ្នាំ២០២៥ ដោយកម្លាំងនគរបាលទទួលផែនការងារព្រហ្មទណ្ឌ បានស្រាវជ្រាវរហូតឈានរកឃើញជនសង្ស័យទាំង០២ ឃាត់ខ្លួននាំយកមកសួរនាំ នៅប៉ុស្តិ៍ចតុមុខ ។
ប្រភពពីនគរបាលទទួលផែនការងារព្រហ្មទណ្ឌ បានអោយដឹងថា កម្លាំងបានបើកការស្រាវជ្រាវរយៈពេលជាង១២ថ្ងៃមកហើយ ទើបកំណត់នៅអត្តសញ្ញាណជនបង្កបានច្បាស់ លុះរហូតមកដល់ថ្ងៃទី២៦ ខែឧសភា ឆ្នាំ២០២៥ វេលាម៉ោង០១រសៀល កម្លាំងផ្នែកជំនាញក៏បានធ្វើការឃាត់ខ្លួនជនបង្កទាំង២នាក់ នាំមកកាន់ប៉ុស្តិ៍នគរបាលរដ្ឋបាលចតុមុខ ដើម្បីធ្វើការសាកសួរ ។
បច្ចុប្បន្ន ជនសង្ស័យខាងលើ ត្រូវបាននគរបាលជំនាញ នៃអធិការដ្ឋាននគរបាលខណ្ឌដូនពេញ ដើម្បីចាត់តាមនីតិវិធីច្បាប់ ។
គួរបញ្ជាក់ផងដែរ កាលពីថ្ងៃទី៥ ខែឧសភា ឆ្នាំ២០២៥ វេលាម៉ោង១០និង៥០នាទីយប់ ស្ថិតនៅចំណុចកំពង់ចម្លងភ្នំពេញ-អរិយក្សត្រ មានជនសង្ស័យចំនួន០២នាក់ ទាស់ពាក្យសម្តីគ្នា រហូតដល់ប្រើប្រាស់ហិ.ង្សាព្រួតវាយទៅលើបុរសអ្នករត់កង់បីម្នាក់ បណ្តាលអោយធ្លាក់ចូលទឹកទន្លេ រងរបួសស្រាល។ ភ្លាមៗ ក្រុមជនសង្ស័យបានរត់គេចខ្លួនបាត់ស្រមោល តែម្តង ។
ក្រោយមានការផ្សព្វផ្សាយតាមបណ្តាញសង្គមករណីហិ.ង្សាទៅវិញទៅមកនៅកំពង់ចម្លងអរិយក្សត្រត្រើយភ្នំពេញ ដែលបណ្តាលឲ្យបុរសម្នាក់ បើកម៉ូតូរ៉ឺម៉កកង់បី រងរបួសស្រាលនោះហើយ គឺជនរងគ្រោះ មិនបានមកដាក់ពាក្យប្តឹងនៅកន្លែងសមត្ថកិច្ចនោះទេ លុះនៅរសៀលថ្ងៃទី០៦ ខែឧសភា ឆ្នាំ២០២៥ កម្លាំងប៉ុស្តិ៍នគរបាលរដ្ឋបាលចតុមុខ នៃអធិការដ្ឋាននគរបាលខណ្ឌដូនពេញ បានចុះស្រាវជ្រាវ និងបានទំនាក់ទំនងជនរងគ្រោះមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចតុមុខ ហើយសមត្ថកិច្ច បានស្រាវជ្រាវស្វែងរកជនបង្ក០២នាក់ ដែលជិះម៉ូតូ០១គ្រឿង រហូតឈានដល់ឃាត់ខ្លួន យកមកចាត់ការតាមផ្លូវច្បាប់ ៕
ចែករំលែកព័តមាននេះ