បន្ទាយមានជ័យ ៖ អាជ្ញាធរក្រុងប៉ោយប៉ែត នៅតែបន្តកាយស្តាប្រឡាយរំដោះទឹកបញ្ចៀសការកកស្ទះប្រព័ន្ធ បង្កអោយលិចលង់ជំនន់ទឹកភ្លៀង នៅថ្ងៃទី២៦ ខែឧសភា ឆ្នាំ២០២៥ នៅចំណុចសង្កាត់អូរជ្រៅ ក្រុងប៉ោយប៉ែត…
បន្ទាយមានជ័យ ៖ អាជ្ញាធរក្រុងប៉ោយប៉ែត នៅតែបន្តកាយស្តាប្រឡាយរំដោះទឹកបញ្ចៀសការកកស្ទះប្រព័ន្ធ បង្កអោយលិចលង់ជំនន់ទឹកភ្លៀង នៅថ្ងៃទី២៦ ខែឧសភា ឆ្នាំ២០២៥ នៅចំណុចសង្កាត់អូរជ្រៅ ក្រុងប៉ោយប៉ែត ។
លោក គាត ហ៊ុល អភិបាលក្រុងប៉ោយប៉ែត បានប្រាប់ថា ៖ ក្រុងប៉ោយប៉ែត ឆ្នាំ២០២៥នេះ ជំនន់ទឹកភ្លៀងបានជន់លិច បណ្តាលប៉ះពាល់ខូចខាតទ្រព្យសម្បត្តិប្រជាពលរដ្ឋនៅពេលមានទឹកលិចផ្លូវជាច្រើនខ្សែ ដែលបង្កអោយខូចខាតមានរថយន្ត និងម៉ូតូ ត្រូវបានលិចទឹក និងខូចខាតទ្រព្យសម្បត្តិ ដែលមានស្ថានភាពធ្ងន់ធ្ងរ ។
លោកបានបញ្ជាក់ថា ៖ ជាការណែនាំពីឯកឧត្តម ប៉ាន់ខែម ប៊ុនថន ប្រធានការងារចុះជួលមូលដ្ឋានក្រុងប៉ោយប៉ែត និងឯកឧត្តម អ៊ុ រាត្រី អភិបាលខេត្តបន្ទាយមានជ័យបានចុះពិនិត្យជាក់ស្តែង និងនាំយកគ្រឿងចក្រស្តាប្រឡាយកាយរំដោះទឹកបញ្ចៀសការជន់លិច ក្នុងភូមិសាស្ត្រសង្កាត់អូរជ្រៅ ។
លោក គាត ហ៊ុល បានបញ្ជាក់ថា ៖ ជំនន់ទឹកភ្លៀងដែលជន់លិចខ្លាំងរហូតពេលនេះ ទឹកមិនទាន់ស្រកអស់នៅឡើយទេ ប្រជាពលរដ្ឋជួបការលំបាកទៅមក ដែលផ្លូវលិចលង់ធ្ងន់ធ្ងរ មានផ្លូវចំនួន៣ខ្សែ មាន១.ផ្លូវអង់ទែន ដល់សាលាព្រហ្មនិមិត្ត ២.ផ្លូវសាលាបញ្ចៀសការលិចលង់ ៣.ផ្លូវផ្សារត្រីឆ្ពោះទៅផ្លូវជាតិលេខ៥ ផ្លូវទល់មុខ និងផ្លូវវត្តថ្មីឆ្ពោះទៅផ្លូវជាតិលេខ៥ ៕
ចែករំលែកព័តមាននេះ