ខេត្តមណ្ឌលគិរី ៖ ផ្លូវកៅស៊ូនិងបេតុងជាច្រើនគីឡូម៉ែត្រ និងត្រូវស្ថាបនាជូនដល់ប្រជាពលរដ្ឋ ដើម្បីសម្រួលការធ្វើដំណើរពីប្រជុំជនខេត្តមណ្ឌលគិរីទៅតាមបណ្តាលភូមិឃុំនានា ដែលតែងជួបប្រទះការលំបាកអស់ជាច្រើនឆ្នាំ ជាពិសេសគឺការដឹកជញ្ជួនកសិផលរបស់ប្រជាកសិករ។ លោក យន់ សារ៉ោម…
ខេត្តមណ្ឌលគិរី ៖ ផ្លូវកៅស៊ូនិងបេតុងជាច្រើនគីឡូម៉ែត្រ និងត្រូវស្ថាបនាជូនដល់ប្រជាពលរដ្ឋ ដើម្បីសម្រួលការធ្វើដំណើរពីប្រជុំជនខេត្តមណ្ឌលគិរីទៅតាមបណ្តាលភូមិឃុំនានា ដែលតែងជួបប្រទះការលំបាកអស់ជាច្រើនឆ្នាំ ជាពិសេសគឺការដឹកជញ្ជួនកសិផលរបស់ប្រជាកសិករ។
លោក យន់ សារ៉ោម ប្រធានមន្ទីរអភិវឌ្ឍន៍ជនបទខេត្តមណ្ឌលគិរី កាលពីល្ងាចថ្ងៃទី២៦ ខែឧសភា ឆ្នាំ២០២៥ បានឲ្យដឹងថា សម្រាប់គម្រោងឆ្នាំ២០២៥-២០២៦ មន្ទីរបានរៀបចំសំណើរថវិការួចរាល់ជាស្រាច់ ដើម្បីស្ថាបនាផ្លូវកៅស៊ូជូនបងប្អូនប្រជាពលរដ្ឋរស់នៅតាមមូលដ្ឋានឃុំសង្កាត់ឆ្ងាយៗពីប្រជុំជន ហើយផ្លូវទៅកាន់ភូមិឋានរបស់ពួកគាត់មានការលំបាកធ្វើដំណើរ ។
លោកប្រធានមន្ទីរបន្តថា សម្រាប់គម្រោងដែលមន្ទីរអភិវឌ្ឍន៍ជនបទខេត្ត ទើបទទួលបានការអនុញ្ញាតធ្វើការសាងសង់ជាផ្លូវកៅស៊ូ ជូនអ្នកភូមិមាននេះជាង៥០គីឡូម៉ែត្រ បែងចែកទៅបីក្រុងស្រុក រួមមាន ផ្លូវពីក្រុងសែនមនោរម្យ ឆ្ពោះទៅឃុំមេម៉ង់និងឃុំចុងផ្លាស់ ស្រុកកែវសីមា សង់ដំណាក់កាលទីមួយ២០គីឡូម៉ែត្រ(ពីភូមិពូត្រុំទៅត្រឹមភូមិស្រែអ៊ី) ។ចំែនកស្រុកកែវសីមា ភ្ជាប់ពីផ្លូវជាតិលេខ៧៦ឆ្ពោះទៅឃុំស្រែព្រះប្រវែង ៨ ៧០០ម៉ែត្រ ជាផ្លូវកៅស៊ូនិងផ្លូវបេតុងលាយចូលគ្នា។ ដោយឡែកនៅស្រុកកោះញែក ឃុំស្រែសង្គម ភ្ជាប់ពីផ្លូវជាតិលេខ៧៦ទៅដល់ភូមិកែ.រពៅ ក៏ទទួលបានផ្លូវកៅស៊ូថ្មីជាង២០គីឡូម៉ែត្រផងដែរ។
ជាមួយគ្នានេះសម្រាប់គម្រោងផ្លូវខេត្តមណ្ឌលគិរី ដែលលោកប្រធានមន្ទីរប្រឹងប្រែងតស៊ូកន្លងមកនិងបន្សល់ទុកឲ្យខេត្តនិងអ្នកបន្តវេន មានគម្រោងកូរ៉េ សម្រាប់អនុវត្តឆ្នាំចុងឆ្នាំ២០២៥ដើមឆ្នាំ២០២៦។គម្រោងមួយទៀត ជាគម្រោងពិពិធកម្ម មាន២គម្រោង ថែមទៀត គម្រោងទី១ ពីឃុំស្រែអំពូម ទៅឃុំក្រងតេះប្រវែង១០គ.ម កៅស៊ូ ៦ ៥០០ម ក្នុងនោះមានបេតុង ២ ៥០០ម។គម្រោងទី២ ផ្លូវបេតុងប្រវែង ២ ៧០០ម៉ែត្រ នៅឃុំពូជ្រៃ ពីផ្លូវជាតិ៧៦ វត្តអូរឆែល ដល់ក្រុមហ៊ុនDTC ។
លោក យន់ សារ៉ោម ប្រធានមន្ទីរអភិវឌ្ឍន៍ជនបទខេត្តមណ្ឌលគិរី បានសំនូមពរដល់បងប្អូនប្រជាពលរដ្ឋ អ្នកប្រើប្រាស់ផ្លូវទាំងអស់ នៅពេលទទួលបវានសមិទ្ឋផលថ្មី សូមជួយថែរក្សាការពារ មិនត្រូវដឹកលើកទម្ងន់កំណត់ កាប់កាយគាស់ បង្កឲ្យផ្លូវមានការខូចខាត ដែលនាំឲ្យខាតបង់ថវិកាជាតិ និងដើម្បីប្រើប្រាស់បានយូរអង្វែង៕
ចែករំលែកព័តមាននេះ