ខេត្តព្រៃវែង ៖ យ៉ាងហោចណាស់ មនុស្សម្នាក់បានស្លា.ប់ភ្លាមៗនៅហ្នឹងកន្លែងកើតហេតុនិង៤នាក់ទៀតបានរងរបួសធ្ងន់ ដោយសារតែគ្រោះថ្នាក់ចរាចរណ៍ដ៏គួរឲ្យរន្ធត់មួយ ដោយរថយន្តពីរគ្រឿងបានបុកគ្នាពេញទំហឹងក្នុងពេលកំពុងធ្វើដំណើរតាមដងផ្លូវ ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៨ និង៣៥នាទីយប់ថ្ងៃទី២៥…
ខេត្តព្រៃវែង ៖ យ៉ាងហោចណាស់ មនុស្សម្នាក់បានស្លា.ប់ភ្លាមៗនៅហ្នឹងកន្លែងកើតហេតុនិង៤នាក់ទៀតបានរងរបួសធ្ងន់ ដោយសារតែគ្រោះថ្នាក់ចរាចរណ៍ដ៏គួរឲ្យរន្ធត់មួយ ដោយរថយន្តពីរគ្រឿងបានបុកគ្នាពេញទំហឹងក្នុងពេលកំពុងធ្វើដំណើរតាមដងផ្លូវ ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៨ និង៣៥នាទីយប់ថ្ងៃទី២៥ ឧសភា នៅលើកំណត់ផ្លូវជាតិលេខ៣១២ ក្នុងភូមិពោធ៍ ឃុំជៃកំពក ស្រុកព្រះស្ដេចខេត្តព្រៃវែង ។
រថយន្តដែលបុកព្រលះគ្នាទាំងពីរគ្រឿងនេះ ម្ខាងជាប្រភេទរថយន្តហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3A-4122 បើកបរដោយឈ្មោះ ឡេង វិច្ឆិកា ភេទប្រុស អាយុ២១ឆ្នាំ មានទីលំនៅក្នុងភូមិអង្គរអង្គ ឃុំអង្គរអង្គស្រុកពាមជរ ខេត្តព្រៃវែង ដោយឡែករថយន្តម្ខាងទៀតម៉ាកហ៊ីយ៉ាន់ដាយ ( ឡានក្រុងខ្នាតតូច២៤កៅអី ) ពណ៌ទឹកដោះគោ ពាក់ស្លាកលេខ តាកែវ 3D-5216 បើកបរដោយឈ្មោះលាង ភាព ភេទប្រុស អាយុ44ឆ្នាំ រស់នៅភូមិស្មាយព្រឹម ឃុំសេនារាជ្យឧត្តម ស្រុកព្រះស្ដេច ខេត្តព្រៃវែង។
យោងតាមរបាយការណ៍របស់សមត្ថកិច្ចបានបញ្ជាក់ថា រថយន្តទាំងពីរគ្រឿងនេះ បានបើកបរក្នុងទិសដៅបញ្ច្រាសទិសគ្នា លុះពេលមកដល់ចំណុចកើតហេតុ រថយន្តទាំងពីរបានបុកគ្នាពេញកំហឹង បណ្ដាលឱ្យអ្នកបើកបររថយន្តហ៊ីយ៉ាន់ដាយ ពណ៌ទឹកដោះគោឈ្មោះ លាង ភាព បានស្លាប់បាត់បង់ជីវិតភ្លាមៗនៅនឹងកន្លែង និងអ្នករួមដំណើរក្នុងរថយន្តចំនួន 3នាក់ផ្សេងទៀតបានរងរបួសធ្ងន់ ដោយឡែក ភាគីរថយន្តម្ខាងទៀត អ្នកបើកបរឈ្មោះ ឡេង វិច្ឆិកា បានរងរបួសធ្ងន់ដូចគ្នា ( ជិះម្នាក់ឯង) ។
ចំពោះមូលហេតុដែលបណ្ដាលឲ្យកើតមានគ្រោះថ្នាក់ចរាចរណ៍នេះ ពុំទាន់មានប្រភពណាមួយអាចបញ្ជាក់ឲ្យបានច្បាស់នោះទេ ដោយគេបានត្រឹមដឹងថា ក្រោយពីកើតហេតុមួយសន្ទុះសមត្ថកិច្ចក៏បានចុះទៅដល់កន្លែងកើតហេតុ ជួយអន្តរាគមន៍សម្រួលចរាចរណ៍ និងនាំយកជនរងគ្រោះទាំងអស់ទៅសង្គ្រោះនៅមន្ទីរពេទ្យបង្អែកស្រុកព្រះស្ដេចភ្លាមៗ។
បច្ចុប្បន្ន រថយន្តទាំងពីរគ្រឿងត្រូវសមត្ថកិច្ចអូសយកទៅរក្សាទុក នៅអធិការដ្ឋាននគរបាលស្រុកព្រះស្ដេច ចំណែកជនរងគ្រោះកំពុងសម្រាកព្យាបាលក្នុងមន្ទីរពេទ្យបង្អែកស្រុកហើយអ្នកស្លាប់ត្រូវបានសាច់ញាតិនាំយកទៅធ្វើបុណ្យតាមប្រពៃណីហើយ។
ចែករំលែកព័តមាននេះ