ប្រទេសប្រេស៊ីល ៖ ក្មេងប្រុសជនជាតិប្រេស៊ីលដែលជាថ្នាលបាល់ទាត់ម្នាក់ កំពុងតែទទួលបានការចាប់អារម្មណ៍ខ្លាំងលើបណ្តាញទំនាក់ទំនងសង្គម តាមរយៈស្នាមសាក់ពេញរាយកាយ និងមុខមាត់របស់គេ អំឡុងពេលការប្រកួតពានរង្វាន់ក្នុងស្រុកមួយ។ ក្មេងប្រុសកំពុងទទួលបានការចាប់អាមរម្មណ៍ខ្លាំងពីមហាជនរូបនោះមានឈ្មោះ Bryan គឺជាថ្នាលបាល់ទាត់មកពីក្រុមអាយុក្រោម១០ឆ្នាំរបស់ក្លិប…
ប្រទេសប្រេស៊ីល ៖ ក្មេងប្រុសជនជាតិប្រេស៊ីលដែលជាថ្នាលបាល់ទាត់ម្នាក់ កំពុងតែទទួលបានការចាប់អារម្មណ៍ខ្លាំងលើបណ្តាញទំនាក់ទំនងសង្គម តាមរយៈស្នាមសាក់ពេញរាយកាយ និងមុខមាត់របស់គេ អំឡុងពេលការប្រកួតពានរង្វាន់ក្នុងស្រុកមួយ។
ក្មេងប្រុសកំពុងទទួលបានការចាប់អាមរម្មណ៍ខ្លាំងពីមហាជនរូបនោះមានឈ្មោះ Bryan គឺជាថ្នាលបាល់ទាត់មកពីក្រុមអាយុក្រោម១០ឆ្នាំរបស់ក្លិប Craques do Futuro កំពុងក្លាយជាប្រធានបទក្តៅលើបណ្តាញសង្គម តាមរយៈសិល្បៈសាក់លើដងខ្លួន និងមុខមាត់របស់គេ អំឡុងពេលការប្រកួតពានរង្វាន់ Capixabinha ក្នុងប្រទេសប្រេស៊ីល។
ទោះយ៉ាងណាក៏ដោយ បន្ទាប់ពីផ្ទុះការជជែកវែកញែកខ្លាំង ជុំវិញស្នាមសាក់ក្មេងប្រុសរូបនោះលើបណ្តាញសង្គម ប្រព័ន្ធផ្សព្វផ្សាយប្រេស៊ីលមួយចំនួនបានអះអាងថា តាមពិតទៅស្នាមសាក់លើដងខ្លួន និងមុខមាត់របស់ Bryan ពុំមែនជាការចាក់សាក់ពិតប្រាកដនោះទេ ដោយគ្រាន់តែជាការគូរគំនូរទឹកថ្នាំទម្រង់ជាសាក់ប្រពៃណី និងវប្បធម៌ជនជាតិដើមភាគតិចប្រេស៊ីលតែប៉ុណ្ណោះ។
ប្រភពពីគេហទំព័រ Bolavip Soccer, Inmortales ក៏ដូចជា Libre Prensa បានរាយការណ៍ថា ហេតុផលនៅពីក្រោយគំនូរសាក់របស់ Bryan គឺជាប់ទាក់ទងនឹងឫសគល់ឈាមជ័ររបស់ក្មេងប្រុសរូបនេះផ្ទាល់តែម្តង។ ក្មេងប្រុស Bryan មានដើមកំណើតមកពីភូមិ Pau Brazil នៃជនជាតិដើមភាគតិច Tupinikim ហើយគំនូរសាក់លើរាងកាយរបស់គេត្រូវបានបំផុសគំនិតការគោរពវប្បធម៌ដូនតា និងប្រើធាតុផ្សំផ្សេងៗគ្នានៃធម្មជាតិ ដើម្បីយកមកគូសលើរាងកាយរបស់គេ ដោយក្បូរក្បាច់នីមួយៗ សុទ្ធតែមានអត្ថន័យពិសេសសម្រាប់ Bryan និងគ្រួសាររបស់គេ ក៏ដូចជាតំណាងឱ្យសំឡេងដូនតា និមិត្តសញ្ញាធម្មជាតិ ការការពារខ្លួន និងតម្លៃកុលសម្ព័ន្ធ Tupinikim ផងដែរ។ ជារឿយៗ Bryan តែងតែគូរគំនូរនេះ លើរាយកាយនៅរាល់ពេលប្រកួត។
សូមរំលេចជូនបន្តិចថា Tupinikim ឬ Tupiniquim គឺជាជនជាតិដើមភាគតិចប្រស៊ីលនៃគ្រួសារ Tupi ក៏ជាជនជាតិដើមភាគតិចមួយក្នុងចំណោមជនជាតិដើមភាគតិចផ្សេងទៀតនៅក្នុងប្រទេសប្រេស៊ីល។ Tupinikim ឥឡូវនេះរស់នៅក្នុងទឹកដីជនជាតិដើមភាគតិចចំនួន ៣ ពោលទឹកដីជនជាតិដើមភាគតិច Caieiras Velhas, Pau-Brasil និង Comboios មានទីតាំងនៅទីក្រុង Santa Cruz និង Vila do Riacho នៃតំបន់ Aracruz ភាគខាងជើងរដ្ឋ Espírito Santo ភាគអាគ្នេយ៍ ប្រទេសប្រេស៊ីល។ ជំរឿនកាលពីឆ្នាំ២០១០ បានកំណត់ចំនួនប្រជាជននៃជនជាតិដើមភាគតិច Tupinikim នៅក្នុងទឹកដីជនជាតិដើមភាគតិចទាំង ៣ ចំនួន ២,៦៣០នាក់៕
ចែករំលែកព័តមាននេះ