ខេត្តព្រៃវែង ៖ ក្នុងបរិយាកាសដ៏សប្បាយរីករាយ និងពោរពេញដោយស្មារតីសាមគ្គីជាតិ នាព្រឹកថ្ងៃទី៥ ខែមករា ឆ្នាំ២០២៦ ឯកឧត្ដមអភិសន្តិបណ្ឌិត ស សុខា…
ខេត្តព្រៃវែង ៖ ក្នុងបរិយាកាសដ៏សប្បាយរីករាយ និងពោរពេញដោយស្មារតីសាមគ្គីជាតិ នាព្រឹកថ្ងៃទី៥ ខែមករា ឆ្នាំ២០២៦ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតី ដឹកនាំមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋជាយុវជន រត់ចម្ងាយ ៥គីឡូម៉ែត្រ ដើម្បីអបអរសាទរខួបអនុស្សាវរីយ៍លើកទី៤៧ នៃទិវាជ័យជម្នះ ៧មករា (៧ មករា ១៩៧៩ – ៧ មករា ២០២៦) នៅក្នុងខេត្តព្រៃវែង។
ក្នុងឱកាសនោះ ឯកឧត្ដមអភិសន្តិបណ្ឌិត ស សុខា មានប្រសាសន៍ថា ព្រឹត្តិការណ៍កីឡាដើម្បីសុខភាព និងសន្តិភាពនេះ មិនត្រឹមតែជាការហាត់ប្រាណដើម្បីសុខុមាលភាពប៉ុណ្ណោះទេ ប៉ុន្តែគឺជាការរំលឹកនូវស្មារតីចងចាំមិនអាចបំភ្លេចបាន នូវគុណូបការៈដ៏ថ្លៃថ្លារបស់ថ្នាក់ដឹកនាំគណបក្សប្រជាជនកម្ពុជា ដែលបានរំដោះប្រទេសជាតិឱ្យរួចផុតពីរបបប្រល័យពូជសាសន៍ ប៉ុល ពត។
ឯកឧត្ដមអភិសន្តិបណ្ឌិត បន្តថា សន្តិភាព និងការអភិវឌ្ឍបានធ្វើឲ្យប្រជាពលរដ្ឋអាចជួបជុំគ្នារត់កម្សាន្ត និងធ្វើសកម្មភាពនានាដោយគ្មានការភ័យខ្លាច គឺជាសក្ខីភាពនៃ «ផ្លែផ្កានៃសន្តិភាព»ដែលបានមកពីថ្ងៃជ័យជម្នះ ៧ មករា។
ឯកឧត្ដមអភិសន្តិបណ្ឌិត បានសម្តែងនូវការកោតសរសើរ និងវាយតម្លៃខ្ពស់ចំពោះរដ្ឋបាលខេត្តព្រៃវែង និងសមត្ថកិច្ចពាក់ព័ន្ធទាំងអស់ ដែលបានសហការគ្នាបង្កើតកម្មវិធីដ៏មានសារ
សំខាន់នេះឡើង ដែលយើងអាចមកជួបជុំគ្នា ដើម្បីអបអរថ្ងៃ ជ័យជំនះ ៧មករា ខួបលើកទី៤៧ ៕
ចែករំលែកព័តមាននេះ