រាជធានីភ្នំពេញ ៖ ម្កាក់ព្រៃមួយមានមែកធំ បានបាក់សង្កត់លើរថយន្តមួយគ្រឿង បណ្តាលអោយ រងការខូច ខណៈពេលពុំមានភ្លៀងនិងខ្យល់កន្ទ្រាក់ ហើយម្ចាស់បើកមកឈប់ចតដេក ក្រោមដើមឈើ ។…
រាជធានីភ្នំពេញ ៖ ម្កាក់ព្រៃមួយមានមែកធំ បានបាក់សង្កត់លើរថយន្តមួយគ្រឿង បណ្តាលអោយ រងការខូច ខណៈពេលពុំមានភ្លៀងនិងខ្យល់កន្ទ្រាក់ ហើយម្ចាស់បើកមកឈប់ចតដេក ក្រោមដើមឈើ ។
ហេតុការណ៍នេះ បានកើតឡើងកាលពីវេលាម៉ោង១១ និង០៩នាទីព្រឹកថ្ងៃទី២៤ ខែឧសភា ឆ្នាំ២០២៥ ស្ថិតតាមបណ្ដោយផ្លូវបុរីអង្គរ សង្កាត់ទួលសង្កែ០២ ខណ្ឌប្ញស្សីកែវ រាជធានីភ្នំពេញ ។ទោះបីជាយ៉ាងណា ពុំបង្កឲ្យមនុស្សរងរបួសឡើយ បណ្ដាលអោយរថយន្តម៉ាកតូយ៉ូតាព្រូសមួយគ្រឿងពណ៌ទឹកប្រាក់ ពាក់ផ្លាកលេខភ្នំពេញ 2BS- 3603 បានរងការខូចខាត។
តាមព័ព័ត៌មានបានអោយដឹងថា មុនពេលកើតហេតុ គេឃើញមានបុរសម្នាក់បានបើករថយន្ដម៉ាកតូយ៉ូតាព្រូសមួយគ្រឿងពណ៌ទឹកប្រាក់ខាងលើ បានធ្វើដំណើរតាមបណ្ដោយផ្លូវបុរីអង្គរទិសដៅពីជើងមកត្បូង ហើយបានមកចតក្រោមដើមម្កាក់ព្រៃដ៏ធំមួយដើម្បីសម្រាកបានមួយសន្ទុះក៏ស្រាប់តែមែកម្កាក់ព្រៃដ៏មួយបាក់ធ្លាក់មកសង្កត់លើរថយន្ដរបស់ខ្លួន បណ្ដាលអោយរងការខូចខាតយ៉ាងដំណំតែសំណាងល្អពុំបណ្តាលអោយរងរបួសនោះទេ។ នៅក្នុងហេតុការណ៍នេះដែលពុំមានភ្លៀងរឺមានខ្យល់កន្ត្រាក់នោះទេ។
តាមព័ត៌មានឱ្យដឹងទៀតថា មែកឈើដែលបាក់ធ្លាក់មានដង្កូវសុីនិងប្រហោងក្នុងជាហេតុធ្វើឱ្យបាក់ ធ្លាក់ទាំងជំហរតែម្តង។បន្ទាប់ពីកើតហេតុនគរបាលមូលដ្ឋានក៏បានចុះទៅដល់កន្លែងកើត ហេតុនិងទាក់ទងកម្លាំងសណ្ដាប់ធ្នាប់ ចុះមកកាត់មែកឈើនោះចេញរួចប្រគល់រថយន្តទៅឲ្យម្ចាស់យកទៅជួសជុលដោយខ្លួនឯង៕
ចែករំលែកព័តមាននេះ