រាជធានីភ្នំពេញ ៖ មានការភ្ញាក់ផ្អើលមួយបានកើតឡើង កាលពីវេលាម៉ោង៦ព្រឹកថ្ងៃទី២៣ ខែឧសភា ឆ្នាំ២០២៥ ក្រោយពីបានប្រទះឃើញមានបុរសជាសន្តិសុខម្នាក់ដេកស្លាប់ផ្ងារពោះ នៅក្បែរសុីទែនទឹកមួយកន្លែងនៅក្នុងបរិវេណរោងចក្រ ខេ ហ្វាញ(ខេមបូឌា)…
រាជធានីភ្នំពេញ ៖ មានការភ្ញាក់ផ្អើលមួយបានកើតឡើង កាលពីវេលាម៉ោង៦ព្រឹកថ្ងៃទី២៣ ខែឧសភា ឆ្នាំ២០២៥ ក្រោយពីបានប្រទះឃើញមានបុរសជាសន្តិសុខម្នាក់ដេកស្លាប់ផ្ងារពោះ នៅក្បែរសុីទែនទឹកមួយកន្លែងនៅក្នុងបរិវេណរោងចក្រ ខេ ហ្វាញ(ខេមបូឌា) ហ្គាម៉ិន ឯ.ក ។ ស្ថិតនៅក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ហើយសមត្ថកិច្ចបានបញ្ជាក់ថា ជនរងគ្រោះរូបនោះស្លាប់ដោយចរន្តអគ្គិសនីឆក់ ។
បុរសរងគ្រោះខាងលើឈ្មោះ អម ពិសិដ្ឋ អាយុ៣៧ឆ្នាំ មុខរបរសន្តិសុខ ស្នាក់នៅក្នុងរោងចក្រកេីតហេតុខាងលើ និងមានស្រុកកំណើតនៅភូមិកប៉ាស់ ឃុំឈេីតុំ ស្រុកក្រគរ ខេត្តពោធិសាត់ ។
សាក្សីម្នាក់ឈ្មោះ សរ សារិទ្ធ អាយុ៥៧ឆ្នាំ មុខរបរសន្តិសុខបម្រើការងារជាមួយបុរសរងគ្រោះបានប្រាប់នគរបាលថា នៅថ្ងៃទី២២ ខែឧសភា ឆ្នាំ២០២៥ បុរសរងគ្រោះបានយាមវេនថ្ងៃ ហើយរហូតដល់វេលាម៉ោង៦ល្ងាចថ្ងៃដដែលគាត់បានចូលដូរវេនយាមបន្តពីជនរងគ្រោះ ។
ក្រោយមកពេលដែលកម្មករចេញពីរោងចក្រអស់ ជនរងគ្រោះបានចេញទៅក្រៅរោងចក្រ រហូតដល់វេលាម៉ោង៨និង១០នាទីយប់ថ្ងៃដដែល ទើបត្រលប់ចូលដល់រោងចក្រវិញ ជាមួយបុរសម្នាក់ទៀតឈ្មោះ សោម ភាព ហៅតាឡ (កម្មករដុតឡ)។
សាក្សីដដែលបានប្រាប់ឲ្យដឹងបន្តទៀតថា ខណៈនោះគាត់ក៏បានសួរថា តើទើមមកពីណា ? ជនរងគ្រោះក៏បានឆ្លេីយថា ខ្ញុំមកពីទិញម្ហូប ឆ្លើយរួចជនរងគ្រោះនិងតាឡ ក៏បានដេីរទៅទៅអង្គុយផឹកស្រាថ្នាំ ជាមួយគ្នាបាត់ទៅ ។ ចំណែករូបគាត់ក៏បាននៅយាមបន្ត រហូតវេលាម៉ោង៩និង៥០នាទី យប់ថ្ងៃដដែល ទើបចាក់សោទ្វាររោងចក្រ រួចក៏បានចូលបន្ទប់យាម ហើយដេកលក់រហូតដល់ម៉ោង៦និង០០នាទីព្រឹកថ្ងៃទី២៣ ខែឧសភា ឆ្នាំ២០២៥ទើបក្រោយដេីរទៅបិទភ្លេីងរោងចក្រ ។
លោកសរ សារិទ្ធ បានបញ្ជាក់ប្រាប់ឲ្យនគរបាលដឹងបន្ថែមទៀតថា បន្ទាប់មកគាត់បានដេីរទៅលុបមុខនៅន្លែងស៉ីទែនទឹក ហើយពេលដេីរទៅដល់ស្រាប់តែឃេីញ បុរសរងគ្រោះដេកស្លាប់ផ្ងារពោះនៅទីតាំងស៉ីទែនទឹកនោះបាត់ទៅហើយ ។ ពេលនោះគាត់មានការតក់ស្លុតយ៉ាងខ្លាំង ហើយក៏បានរត់ទៅប្រាប់ចុងភៅ រួចឲ្យជួយមើលបង្កឲ្យមានការភ្ញាក់ផ្អើល រួចរាយការណ៍ប្រាប់ឲ្យមេសន្តិសុខបានដឹង ដើម្បីរាយការណ៍បន្តទៅកាន់សមត្ថកិច្ចឲ្យចុះទៅពិនិត្យភ្លាមៗផងដែរ ។
ក្រោយពេលកើតហេតុនគរបាលប៉ុស្តិ៍ដង្កោ សហការណ៍ជាមួយនគរបាលខណ្ឌដង្កោ ព្រមទាំងនគរបាលការិយាល័យបច្ចេកទេសនិងវិទ្យាសាស្ត្រ នៃស្នងការដ្ឋាននគរបាលរាជធានីភ្នំពេញ ។ លោកឧកញ៉ាវេជ្ជបណ្ឌិត នង សុវណ្ណារត្ន័ លោកគ្រូពេទ្យអមសាលាដំបូងរាជធានីភ្នំពេញ បានចុះទៅពិនិត្យកោសល្យវិច័យ ហើយបញ្ជាក់ថាជនរងគ្រោះស្លាប់ដោយសារឆក់ចរន្តអគ្គិសនី មិនពាក់ព័ន្ធករណីឃាតកម្មឡើយ ៕
ចែករំលែកព័តមាននេះ