សង្គ្រាមអ៉ីរ៉ង់ ៖ អាមេរិកបានគំរាមពីផលវិបាកយោធាធ្ងន់ធ្ងរបំផុត សម្រាប់អ៉ីរ៉ង់ដែលខ្លួនសង្ស័យថា ដាក់រាលមីនក្នុងច្រកសមុទ្រORMUZ ជាផ្លូវយុទ្ធសាស្ត្រសម្រាប់ការដឹកជញ្ជូនប្រេងរបស់ពិភពលោក ។ ប្រធានាធិបតីអាមេរិក លោកដូណាល់ត្រាំអះអាង នាថ្ងៃទី១០…
សង្គ្រាមអ៉ីរ៉ង់ ៖ អាមេរិកបានគំរាមពីផលវិបាកយោធាធ្ងន់ធ្ងរបំផុត សម្រាប់អ៉ីរ៉ង់ដែលខ្លួនសង្ស័យថា ដាក់រាលមីនក្នុងច្រកសមុទ្រORMUZ ជាផ្លូវយុទ្ធសាស្ត្រសម្រាប់ការដឹកជញ្ជូនប្រេងរបស់ពិភពលោក ។
ប្រធានាធិបតីអាមេរិក លោកដូណាល់ត្រាំអះអាង នាថ្ងៃទី១០ មីនា ថា អ៉ីរ៉ង់នឹងជួបប្រទះផលវិបាកយោធាធ្ងន់ធ្ងរបំផុត ពុំធ្លាប់មានពីមុនមក ប្រសិនបើហ៊ានដាក់រាយគ្រាប់មីនក្នុងច្រកសមុទ្រORMUZ ដែលតាមពិតទៅគ្រប់គ្រងដោយអ៉ីរ៉ង់។ បន្ទាប់ពីនេះបន្តិច កងទ័ពអាមេរិកប្រកាសថា បានកម្ទេចនាវាដាក់រាយមីនអ៉ីរ៉ង់១៦គ្រឿង នៅជិតច្រកសមុទ្រនេះ ។
រដ្ឋាភិបាលអាមេរិក ត្រូវបានគេជម្រុញឲ្យបើកចរាចរណ៍សមុទ្រ ក្នុងក្ដីសង្ឃឹមធ្វើឲ្យតម្លៃប្រេងមានស្ថិរភាពឡើងវិញ ពេលដែលសាធារណជនកំពុងមានការច្រួលច្របល់ខ្លាំងលើតម្លៃប្រេង។ កងឆ្មាំបដិវត្តន៍អ៉ីរ៉ង់អបអរសាទរចំពោះការវិវត្តន៍ក្នុងការបិទច្រកសមុទ្រយុទ្ធសាស្ត្រនោះដោយថា ការត្រួតត្រាច្រកសមុទ្រORMUZ អាចឲ្យអ៉ីរ៉ងមានទម្ងន់ក្នុងទំនាក់ទំនងសេដ្ឋកិច្ចអន្តរជាតិ។
ទីភ្នាក់ងារថាមពលអន្តរជាតិAIE អះអាងថា ត្រៀមបញ្ចេញប្រេងបម្រុងដ៏ច្រើនពុំធ្លាប់មានក្នុងប្រវត្តិសាស្ត្ររបស់ខ្លួន ដើម្បីឲ្យតម្លៃប្រេងឆៅចុះថោកវិញ ។ ក្នុងន័យនេះ ប្រធានាធិបតីបារាំងលោកអេមម៉ានុយអែលម៉ាក្រុង រៀបចំធ្វើនាថ្ងៃទី១១មីនា នូវវីដេអូខេនហ្វេរេនមួយរបស់ប្រមុខរដ្ឋនិងប្រមុខរដ្ឋាភិបាកក្រុមប្រទេសអ្នកមានG7 ស្ដីពីផលវិបាកនៃសេដ្ឋកិច្ច ដោយសារសង្គ្រាមនៅ
អ៉ីរ៉ង់ ពិសេស សភាពការណ៍ថាមពល និងវិធានការដើម្បីកាត់បន្ថយជម្លោះ ៕
ចែករំលែកព័តមាននេះ