រាជធានីភ្នំពេញ ៖ កាលពីព្រឹកថ្ងៃទី២២ ខែឧសភា ឆ្នាំ២០២៥ សាលាដំបូងរាជធានីភ្នំពេញ បានលើកសំណុំរឿងអ្នករត់ម៉ូតូកង់បី(ផាស្អាប់)ដែលបានដឹកស្ត្រីជនជាតិកូរ៉េម្នាក់ យកទៅកន្លែងស្ងាត់ដើម្បីឲ្យបក្ខពួកធ្វើសកម្មភាពប្លន់ លុយកាក់មាសប្រាក់និងទ្រព្យសម្បត្តិជាប់ខ្លួនជនរងគ្រោះ មកបើកសវនាការជំនុំជម្រះ…
រាជធានីភ្នំពេញ ៖ កាលពីព្រឹកថ្ងៃទី២២ ខែឧសភា ឆ្នាំ២០២៥ សាលាដំបូងរាជធានីភ្នំពេញ បានលើកសំណុំរឿងអ្នករត់ម៉ូតូកង់បី(ផាស្អាប់)ដែលបានដឹកស្ត្រីជនជាតិកូរ៉េម្នាក់ យកទៅកន្លែងស្ងាត់ដើម្បីឲ្យបក្ខពួកធ្វើសកម្មភាពប្លន់ លុយកាក់មាសប្រាក់និងទ្រព្យសម្បត្តិជាប់ខ្លួនជនរងគ្រោះ មកបើកសវនាការជំនុំជម្រះ ទោសលើជនជាប់ចោទ ប៉ុន្តែក្រោយពីបញ្ចប់ការសាកសួរដេញ ដោល ប្រធានក្រុមប្រឹក្សាជំនុំជម្រះបានលើកពេលប្រកាសសាលក្រមទៅថ្ងៃទី២៤ ខែមិនា ឆ្នាំ២០២៥ ខាងមុខ ។
សំណុំរឿងនេះមានជនត្រូវចោទឈ្មោះ តាត វណ្ណៈ ភេទប្រុស អាយុ៣៥ ឆ្នាំ មុខរបរ អ្នករត់ម៉ូតូកង់បី ទីលំនៅផ្ទះគ្មានលេខ ផ្លូវលំ ភូមិបារាជ ឃុំស្វាយជ្រុំ ស្រុកខ្សាច់កណ្តាល ខេត្តកណ្តាល ។ ជនជាប់ត្រូវបានលោក សំម ឫទ្ធីវាសនា ព្រះរាជអាជ្ញារងតំណា ងអយ្យការអមសាលាដំបូងរាជធានីភ្នំពេញ សម្រេចតម្កល់ការចោ ទប្រកាន់ពីបទ”អំពើលួចមានស្ថានទម្ងន់ទោស (ប្លន់) និងបង្កឲ្យមានរបួសដោយអចេតនា” ដោយទុកជាបានការ និងស្នើសុំចៅ ក្រមក្រុមប្រឹក្សាជំនុំជម្រះ ផ្តន្ទាទោសជនត្រូវចោទឲ្យបានធ្ងន់ធ្ងរបំផុត ។
សូមរម្លឹកថា នៅថ្ងៃទី១ ខែសីហា ឆ្នាំ២០២៤ វេលាម៉ោងប្រហែល១៤ និង០០ នាទី កម្លាំងការិយាល័យជំនាញព្រហ្មទណ្ឌ កម្រិតស្រាលរាជធានីភ្នំពេញ ដឹកនាំដោយលោកវរៈសេនីយ៍ឯក ម៉ម សាវន នាយការិយាល័យ បានចុះទៅសហការជាមួយសមត្តកិច្ចប៉ុស្តិ៍នគរបាលរដ្ឋបាលបឹងត្របែក ខណ្ឌចំការមន ធ្វើការឃាត់ ខ្លួនជនសង្ស័យម្នាក់ ពាក់ព័ន្ធប្រព្រឹត្តបទល្មើស អំពើលួចមានស្ថានទម្ងន់ទោស និងបង្កឲ្យមានរបួសដោយអចេតនា (បើកម៉ូតូកង់បីដឹកជនរងគ្រោះទៅកន្លែងស្ងាត់ក្នុងគោលបំណង(ប្លន់) ខណៈដែលជនរងគ្រោះបានប្រាប់ឲ្យឈប់ តែអ្នករត់កង់បីមិនព្រ មឈប់ទេ ដោយមានការភ័យជនរងគ្រោះបានលោតចុះពីលើម៉ូតូកង់បី បណ្តាលឲ្យរងរបួស ហើយក៏ត្រូវបក្ខពួកអ្នករត់ម៉ូតូកង់បី១ក្រុមនៅចាំទីនោះ បានធ្វើសកម្មភាពលួចយកសម្ភារៈរបស់ជនរងគ្រោះតែម្តងទៅ) ។
ហេតុការខាងលើនេះប្រព្រឹត្តនៅចំណុចផ្លូវ០៥ ភូមិ១៤ ភូមិទួលរកា សង្កាត់ចាក់អង្រែក្រោម ខណ្ឌមាន ជ័យរាជធានីភ្នំពេញ កាលពីថ្ងៃទី៣១ ខែកក្កដា ឆ្នាំ២០២៤ វេលាម៉ោងប្រហែល០៤ និង០០ នាទី ។ ពេលឃាត់ខ្លួនជនសង្ស័យសមត្តកិច្ចបានធ្វើការដកហូតវត្ថុតាងរួមមាន ៖
-ម៉ូតូកង់បី១គ្រឿងម៉ាក BAJAJ 3W RE 4S LPG ពណ៌ក្រហម សេរីឆ្នាំ២០១៧ លេខតួ៣៨៨២៤ លេខម៉ាស៊ីន៨២៧៤៣ ពាក់ផ្លាកលេខកណ្តាល១Z-៨៨៨៩ ។
-ទូរសព្ទ័ដៃម៉ាកវីវ៉ូ ពណ៌ទឹកមាស ១ គ្រឿង
-ទូរសព្ទ័ដៃម៉ាកសាំសុង ពណ៌ខ្មៅ ១ គ្រឿង ។
ជនរងគ្រោះមានឈ្មោះ P H N ភេទស្រីជនជាតិកូរ៉េ កាន់លិខិត ស្នាក់នៅសណ្ឋាគារយូតៃផ្លូវលេខ២១៤ ភូមិ២ សង្កាត់បឹងរាំង ខណ្ឌដូនពេញ រាជធានីភ្នំពេញ
សម្ភារៈបាត់បង់ ៖
-ទូរសព្ទ័ដៃម៉ាកអាយហ្វូន១២ ចំនួន០១ គ្រឿង
-កាតធនាគារ និងកូនសោសណ្ឋាគារ ។
យោងតាមពាក្យបណ្តឹងរបស់ជនរងគ្រោះ និងស្តាប់ចម្លើយជន សង្ស័យមានភាពស៊ីសង្វាក់ពាក់ពន្ធបទល្មើស”លួចមានស្ថានទម្ងន់ទោស” សមត្តកិច្ចបានកសាងសំណុំរឿងបញ្ជូនជនសង្ស័យ និងវត្ថុតាង ទៅសាលដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ