រាជធានីភ្នំពេញ ៖ លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងនៅព្រឹកថ្ងៃទី២១ ខែឧសភា ឆ្នាំ២០២៥…
រាជធានីភ្នំពេញ ៖ លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងនៅព្រឹកថ្ងៃទី២១ ខែឧសភា ឆ្នាំ២០២៥ នេះថា សំណុំរឿងពុករលួយប្រធានផ្សារទួលពង្រ២នា ក់ប្តីប្រពន្ធនិងសន្តិសុខ២នាក់ តំណាង អយ្យការអមសាលាដំបូងរាជធានីភ្នំពេញ សម្រេចបើកការស៊ើប សួរ ពីបទ ការប្រមូលចំណូលសារពើពន្ធដោយគ្មានសិទ្ធិ និងអំពើសមគំនិតក្នុងការប្រមូលចំណូលសារពើពន្ធដោយគ្មានសិទ្ធិ បទ ល្មើសដែលមានចែង និងផ្តន្ទាទោសតាមមាត្រា ៨៩ នៃច្បាប់គ្រប់ គ្រងចំណូលមិនមែនសារពើពន្ធ និងមាត្រា២៩នៃក្រមព្រហ្មទណ្ឌ ។
សូមជម្រាបថា កាលពីរសៀលថ្ងៃទី២០ ខែឧសភា ឆ្នាំ២០២៥ អង្គភាពប្រឆាំងអំពើពុករលួចបានបញ្ជូនជនសង្ស័យ៤នាក់ទៅសាលាដំបូងរាជធានីភ្នំពេញ ពាក់ព័ន្ធករណីដើរប្រមូលលុយពីអាជីវករលក់ដូរលើបណ្តាយផ្លូវមុខរោងចក្រ ហុង វ័ន ស្ថិតក្នុងសង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ។
ជនសង្ស័យទាំង៤ នាក់មាន ៖
១-ឈ្មោះ ណៃ ដាណែត ភេទស្រី អាយុ៣៩ ឆ្នាំ មុខរបរ ប្រធានផ្សារទួលពង្រ ។
២-ឈ្មោះ ប៊ុន ស៊ិន ភេទប្រុស អាយុ៣៩ ឆ្នាំ (ប្តី) ។
៣-ឈ្មោះ ម៉ី សាផាត ភេទប្រុស អាយុ៤១ឆ្នាំ មុខរបរ សន្តិសុខផ្សារទួលពង្រ ។
៤-ឈ្មោះ សាម៉ាក់ ឆាន ភេទប្រុស អាយុ៤២ឆ្នាំ មុខរបរសន្តិសុខផ្សារទួលពង្រ ។
អង្គហេតុដែលបណ្តាលឲ្យមានការឃាត់ខ្លួនជនសង្ស័យទាំង៤នាក់ បញ្ជូនទៅសាលាដំបូងរាជធានីភ្នំពេញ កាលពីថ្ងៃទី១៣ ខែ ឧសភា កន្លងទៅអាជ្ញាធរខណ្ឌ ពោធិ៍សែនជ័យ សហការជាមួយកម្លាំងសមត្តកិច្ចនគរបាលប៉ុស្តិ៍ចោមចៅទី១ បានចុះស្រាវជ្រាវ និងឃាត់ខ្លួនសន្តិសុខ២ នាក់ កំពុងដើរប្រមូលលុយពីអ្នកលក់ដូរ នៅតាមបណ្ដោយផ្លូវមុខរោងចក្រ ហុង វ័ន ស្ថិតនៅភូមិត្រពាំងថ្លឹង៤ សង្កាតចោមទី១ ខណ្ឌពោធិ៍សែនជ័យ រាជធានីភ្នំពេញ ។
ក្រោយពីឃាត់ខ្លួនសន្តិសុខ២នាក់រួចមក ពួកគេបានសារភាពទម្លាក់កំហុសទៅលើប្រធានផ្សារទួលពង្រ ជាអ្នកបង្គាប់បញ្ជាឲ្យពួកគេដើរប្រមូលលុយពីអាជីវករក្នុងម្នាក់ចាប់ពី ១៥ដុល្លារ ទៅ ៣០ដុល្លារ ជារៀងរាល់ខែ ។ បន្ទាប់ពីមានចម្លើយពាក់ពន្ធប្រធានផ្សារទួលពង្រ សមត្តកិច្ចបានឈានទៅដល់ការឃាត់ប្តីប្រពន្ធ២ នោះទៀត ហើយសំណុំរឿងនេះក៏បានប្រគល់ទៅឲ្យអង្គភាពប្រឆាំងអំពើពុកចាត់ការបន្ត ៕
ចែករំលែកព័តមាននេះ