ខេត្តព្រះវិហារ ៖ ព្រះសង្ឃមួយអង្គគង់នៅវត្តតាព្រហ្ម លើខ្នងភ្នំត្បែងមានជ័យ ឃុំឈានមុខ ស្រុកត្បែងមានជយ័ ខេត្តព្រះវិហារ កាលពីថ្ងៃទី១៨ ខែឧសភា ឆ្នាំ២០២៥…
ខេត្តព្រះវិហារ ៖ ព្រះសង្ឃមួយអង្គគង់នៅវត្តតាព្រហ្ម លើខ្នងភ្នំត្បែងមានជ័យ ឃុំឈានមុខ ស្រុកត្បែងមានជយ័ ខេត្តព្រះវិហារ កាលពីថ្ងៃទី១៨ ខែឧសភា ឆ្នាំ២០២៥ បានផ្តាច់សង្ខាដោយអង្គឯងនៅជាប់ដើមឈើ មិនទាន់ដឹងពីមូលហេតុឲ្យពិតប្រាកដនៅឡើយទេ គ្រាន់តែដំបូងគេបានឃើញព្រះសង្ឃអង្គនោះ គង់ធ្វើរបៀបដូចសមាធិសើចម្នាក់ឯង មួយសន្ធុះស្រាប់តែចងកធ្វើអត្តឃាតជាប់ស្តោកនៅដើមឈើ ។
ព្រះសង្ឃព្រះនាម កន ខែរ៉ាត់ ព្រះជន្មាយុ២៦ ព្រះវស្សា មានទី លំនៅភូមិត្រពាំងរាំង ឃុំព្រៃពួច ស្រុកអង្គស្នួល ខេត្កណ្ដាល បានទៅបួសរៀននៅវត្តតាព្រហ្ម លើកំពូលភ្នំត្បែង ។
បន្ទាប់ពីមានហេតុការនោះកើតឡើង កម្លាំងសមត្តកិច្ចជំនាញនៃអធិការដ្ឋាននគរបាលស្រុកត្បែងមានជ័យ សហការជាមួយប៉ុស្តិ៍នគរបាលរដ្ឋបាលមូលដ្ឋាន និងជំនាញខេត្ត បង្កើតគណកម្មការចុះពិនិត្យនិងធ្វើកោសលវិច្ច័យលើសាកសព ក្រោមការសម្របសម្រួលពីស្ថាបន័អយ្យការអមសាលាដំបូងខេត្ត ដោយតាមការបំភ្លឺពីសាក្សីជំវិញកន្លែងកើតហេតុ ព្រះសង្ឃអង្គនោះពិតជាធ្វើអត្តឃាតដ ចងកសម្លាប់ព្រះកាយខ្លួនឯងប្រាកដមែន ប៉ុន្តែពុំទាន់ដឹងព័ត៌មានពីមូលហេតុ ដែលព្រះសង្ឃនោះធ្វើអត្តឃាត ផ្តើមចេញពីរឿងអ្វីឡើយ ។
ក្រោយពេលសមត្តកិច្ចជំនាញពិនិត្យ និងធ្វើកោសលវិច្ច័យរួចរាល់ សពព្រះសង្ឃនោះត្រូវបានសមត្តកិច្ចប្រគល់ជូនគណកម្មការ អាចារ្យវត្ត ធ្វើបុណ្យបូជាតាមប្រពៃណី ៕
ចែករំលែកព័តមាននេះ