រាជធានីភ្នំពេញ ៖ រដ្ឋមន្ត្រីក្រសួងការពារជាតិកម្ពុជា បានគូសបញ្ជាក់ថាកម្ពុជាបង្វែរកាណុងកាំភ្លើ.ងទៅភូមិដ្ឋាន និងបន្ទាយរបស់យោធាថៃជាយុទ្ធវិធីការពារជាតិរបស់កម្ពុជា ។ ឯកឧត្តម ទៀ សីហា ឧបនាយករដ្ឋមន្ត្រីក្រសួងការពារជាតិ…
រាជធានីភ្នំពេញ ៖ រដ្ឋមន្ត្រីក្រសួងការពារជាតិកម្ពុជា បានគូសបញ្ជាក់ថាកម្ពុជាបង្វែរកាណុងកាំភ្លើ.ងទៅភូមិដ្ឋាន និងបន្ទាយរបស់យោធាថៃជាយុទ្ធវិធីការពារជាតិរបស់កម្ពុជា ។
ឯកឧត្តម ទៀ សីហា ឧបនាយករដ្ឋមន្ត្រីក្រសួងការពារជាតិ បានលើកបណ្តាញសង្គមហ្វេសប៊ុក នៅថ្ងៃទី១៦ មិថុនា ឆ្នាំ២០២៥ ថា យោធាថៃចោទថា ៖ «កម្ពុជាបង្វែរកាណុងកាំភ្លើ.ងទៅភូមិដ្ឋាន និងបន្ទាយរបស់យោធាថៃ »។ នេះជាយុទ្ធវិធីការពារជាតិរបស់កម្ពុជា ពេលយើងបំពាក់សព្វាវុធ គឺដើម្បីការពារបូរណភាពទឹកដី ច្បាស់ណាស់គោលដៅគឺតម្រង់ទៅខ្មាំងសត្រូវ មិនដែលមានក្បួនទ័ពណាដែលបង្វែរកាណុង មកផ្ទះខ្លួនឯងនោះទេ ។
ឯកឧត្តមថា ឬមួយកងទ័ពថៃរៀនយុទ្ធវិធី ខុសពីកម្ពុជា??? ជម្រើសសន្តិវិធី គឺការចរចារវាងរដ្ឋាភិបាលទាំងពីរ ទាំងផ្នែកនយោបាយ ផ្នែកសេដ្ឋកិច្ច និងផ្នែកផ្សេងៗ ចំពោះផ្នែកយោធា គឺជម្រើសចុងក្រោយ។ យើងត្រៀមរួចជាស្រេចក្នុងការការពារទឹកដីកម្ពុជា ដោយគ្មានមហិច្ឆតាឈ្លានពានទៅប្រទេសជិតខាងឡើយ ៕
ចែករំលែកព័តមាននេះ