ជំងឺបេះដូង ជំងឺដាច់សរសៃឈា.ម ជំងឺមមហារីក ជំងឺលើសឈា.ម និងជំងឺទឹកនោមផ្អែម គឺជាជំងឺមិនឆ្លងដែលកំពុងបង្កគ្រោះថ្នាក់ខ្លាំងក្លាចំពោះប្រជាជនកម្ពុជាយើង ។ នៅពេលក្រលែកមើលជុំវិញខ្លួនយើងនោះយើងនឹងឃើញថា មានងបងប្អូន សាច់ញាតិ…
ជំងឺបេះដូង ជំងឺដាច់សរសៃឈា.ម ជំងឺមមហារីក ជំងឺលើសឈា.ម និងជំងឺទឹកនោមផ្អែម គឺជាជំងឺមិនឆ្លងដែលកំពុងបង្កគ្រោះថ្នាក់ខ្លាំងក្លាចំពោះប្រជាជនកម្ពុជាយើង ។ នៅពេលក្រលែកមើលជុំវិញខ្លួនយើងនោះយើងនឹងឃើញថា មានងបងប្អូន សាច់ញាតិ និង មិត្តភក្តិកើតជំងឺណាមួយក្នុងចំណោមជំងឺនេះជាមិនខាន ។
ជាមួយស្ថានភាពដ៏អាក្រក់នេះ វាតម្រូវអោយមានការួមគ្នាជាធ្លុងមួយមិនថា ប្រជាជន ឬក៏មន្ត្រីឡើយ ដើម្បីយុទ្ធនាការដ៏ខ្លាំងក្លាមួយ ដើម្បីកាត់បន្ថយចំនួនអ្នកកើតជំងឺ និងអ្នកស្លា.ប់ដោយសារជំងឺនេះ ។ ជំងឺមិនឆ្លងបានសម្លា.ប់មនុស្សវ័យកណ្តាលជាច្រើននៅកម្ពុជាយើង ដោយតម្រូវអោយយើងគ្រប់គ្នាយកចិត្តទុកដាក់ថែទាំសុខភាពចាប់តាំងពីក្មេងទៅ ។
ក្រសួងសុខាភិបាលក៏ទទួលស្គាល់ពីគ្រោះថ្នាក់ និងកំណើនស្លា.ប់ដោយសារជំងឺនេះផងដែរ ។ កន្លងមកមានរបាយការណ៍ថា ៦៤%នៃការស្លា.ប់របស់ប្រជាជនកម្ពុជា គឺបណ្ដាលពីជំងឺមិនឆ្លងក្នុងនោះមានជំងឺបេះដូង និងជំងឺដាច់សរសៃឈា.មនេះមានអត្រាស្លា.ប់ខ្ពស់ជាងគេ គឺប្រមាណជា២៤ភាគរយ ។
ចំណែកអង្គការសុខភាពពិភពលោកវិញបានអោយដឹងថា ជំងឺទាំងពីរនេះ គឺជាឃា.តករដ៏ចម្បងបំផុតរបស់ពិភពលោកដោយវាបានរួមចំណែកដល់ការស្លា.ប់របស់មនុស្សដល់ទៅ១៣ភាគរយ ពោល គឺមានចំនួនដល់ទៅ៩លាននាក់ ។
រឿងនេះ ជារឿងធ្ងន់ធ្ងរមួយដែលចាំបាច់គ្រប់គ្នាយកចិត្តទុកដាក់ថែទាំសុខភាព តាមរយ: ការបរិភោគអាហារមានសុខភាព ការហាត់ប្រាណ និង វិធានការថែទាំសុខភាពផ្សេងៗទៀត។ ទន្ទឹមនោះ វាក៏ចាំបាច់លើកកម្ពស់ការយល់ដឹងអំពីគ្រោះថ្នាក់ជំងឺនេះ និងវិធីបង្ការ ក្នុងចំណោមប្រជាជនកម្ពុជាផងដែរ ។
ក្រសួងសុខាភិបាលនិង រដ្ឋាភិបាលក៏បានបង្ហាញកិច្ចប្រឹងប្រែង និងការតាក់តែងគោលនយោបាយ និងផែនការដើម្បីប្រយុទ្ធប្រឆាំងនឹងជំងឺមិនឆ្លង ។ ជាពិសេសថ្មីៗនេះ រដ្ឋាភិបាល និងក្រសួងសុខាភិបាលបានប្រកាសផែនការជាតិប្រយុទ្ធប្រឆាំងនឹងជំងឺមហារីក ។ នេះជាផ្នែកនៃការប្រយុទ្ធប្រឆាំងនឹងជំងឺមិនឆ្លងដូចជា ជំងឺមហារីក ជំងឺបេះដូង ជំងឺដាច់សរសៃឈា.មខួរក្បាល ជំងឺទឹកនោមផ្អែម និងជំងឺលើសឈា.ម ។
បន្ថែមលើជំងឺមហារីកនោះ កម្ពុជាក៏ត្រូវការយុទ្ធសាស្ត្រដ៏រឹងមាំ និងទូលំទូលាយ ដើម្បីប្រយុទ្ធនឹងជំងឺមិនឆ្លងផ្សេងទៀតចំនួនបួន គឺជំងឺបេះដូង ជំងឺលើសឈា.ម ជំងឺទឹកនោមផ្អែម និងជំងឺដាច់សរសៃឈា.មខួរក្បាលផងដែរ ។ ចំណែកប្រជាជនកម្ពុជា ម្នាក់ក៏ត្រូវតែមានការយល់ដឹងថា ជំងឺមិនឆ្លងទាំងនេះ គឺសុទ្ធតែអាចការពារបានតាមរយ:សកម្មភាពរបស់យើងម្នាក់ៗក្នុងការរស់នៅ ការបំពេញការងារ និងការប្រកបមុខរបរចិញ្ចឹមជីវិតជាដើម ។
បុគ្គលម្នាក់ៗ ត្រូវចាប់ផ្តើមពីខ្លួនឯងទៅនៅក្នុងការប្រយុទ្ធប្រឆាំងនឹងជំងឺនេះ ។ យើងត្រូវចាំថា គ្មាននរណាម្នាក់អាចជួយយើងបានឡើយ បើសិនជាយើងមិនជួយខ្លួនឯង ។ ទ្រឹស្តីនេះ គឺមិនត្រឹមតែត្រឹមត្រូវក្នុងជីវិតរស់នៅប៉ុណ្ណោះទេ ។ វាក៏មានប្រសិទ្ធភាពផងដែរ ដើម្បីការពារយើងពីជំងឺកា.ចសាហា.វទាំង៥ ដែលលើកឡើងខាងលើ ។ យើងម្នាក់ៗអាចបង្ការការកើតជំងឺនេះ បានតាមរយ:ផ្លាស់ប្តូរទម្លាប់នៅក្នុងរស់នៅដូចជា ការទទួលទានអាហារដែលមានសុខភាព ការថ្លឹងថ្លែងការងារ និងសុខភាព និងការហាត់ប្រាណអោយបានកន្លះម៉ោងយ៉ាងតិច ក្នុងមួយថ្ងៃ និង៥ថ្ងៃក្នុងមួយសប្តាហ៍ ។
នៅកន្លែងការងារវិញ គេក៏គួរបង្កើនការយកចិត្តទុកដាក់ដល់សុខភាពរបស់បុគ្គលិក តាមរយ:ការបង្កើតបរិយាកាសការងារដ៏ល្អមួយ ដើម្បីកុំអោយសម្ពាធការងារក្លាយជាបញ្ហាស្ត្រេសធ្ងន់ធ្ងរ និងជំងឺផ្លូវចិត្តផ្សេងៗទៀត ។ ជាលក្ខណ:វេជ្ជសាស្ត្រ ជំងឺបេះដូង ជំងឺលើសឈា.ម និងជំងឺដា.ច់សរសៃឈា.មខួរក្បាលក៏មានទំនាក់ទំនងនឹងស្ត្រេស ព្រមទាំងជំងឺផ្លូវចិត្តផ្សេងទៀតដែរ ។
ចំណែកអ្នករកស៊ីចិញ្ចឹមជីវិតវិញ ត្រូវតែមានសីលធម៌នៅក្នុងការប្រកបរបរចិញ្ចឹមជីវិត ដោយមិនត្រូវរកស៊ីអ្វីដែលនាំដល់ការបំផ្លាញសុខភាព និងជីវិតរបស់អ្នកដទៃឡើយ ។ ឧទាហរណ៍ បើសិនជាលក់ម្ហូបអហារ អ្នកលក់ត្រូវតែលក់តែអាហារណា ដែលមិនខូចគុណភាព និងមានដាក់ថ្នាំគីមីឡើយ ។
នៅពេលដែលគ្រប់គ្នាផ្តល់តម្លៃដល់សុខភាព និងជីវិតដល់ខ្លួនឯង និងអ្នកដទៃ យុទ្ធនាការប្រឆាំងនឹងជំងឺមិនឆ្លងទាំង៥ខាងលើ នឹងកាន់តែមានប្រសិទ្ធភាព ។ ជាលទ្ធផល ប្រជាជនកម្ពុជាកាន់តែច្រើន អាចចាកឆ្ងាយពីជំងឺដ៏កាចសាហាវនេះ ហើយ ប្រទេសកម្ពុជាដ៏មានសុខភាពល្អមួយនឹងលេចជារូបរាងឡើង ៕
ចែករំលែកព័តមាននេះ