ឈានចេញពីបញ្ហាតានតឹងនៅព្រំដែន រហូតដល់មានការលេចធ្លា.យសំឡេងសន្ទនាជាមួយនឹងមេដឹកនាំនៅកម្ពុជា-ថៃ បានកំពុងតែព្យាយាមយកបញ្ហាឧក្រិ.ដ្ឋកម្មតាមអ៊ីនធឺណិត មកសង្កត់កម្ពុជា ខណៈដែលថៃខ្លួនឯងក៏កំពុងតែប្រឈមមុខនឹងឧក្រិ.ដ្ឋកម្មនេះធ្ងន់ធ្ងរផងដែរ ។ ការធ្វើការចោទប្រកាន់បែបនេះ មកលើប្រទេសកម្ពុជា គឺនឹងធ្វើអោយមានភាពតានតឹងកាន់តែខ្លាំងឡើងៗរវាងប្រទេសជិតខាងទាំងពីរដោយបង្កើតជាសំនួរថា តើថៃមានឆន្ទៈពិតប្រាកដ…
ឈានចេញពីបញ្ហាតានតឹងនៅព្រំដែន រហូតដល់មានការលេចធ្លា.យសំឡេងសន្ទនាជាមួយនឹងមេដឹកនាំនៅកម្ពុជា-ថៃ បានកំពុងតែព្យាយាមយកបញ្ហាឧក្រិ.ដ្ឋកម្មតាមអ៊ីនធឺណិត មកសង្កត់កម្ពុជា ខណៈដែលថៃខ្លួនឯងក៏កំពុងតែប្រឈមមុខនឹងឧក្រិ.ដ្ឋកម្មនេះធ្ងន់ធ្ងរផងដែរ ។
ការធ្វើការចោទប្រកាន់បែបនេះ មកលើប្រទេសកម្ពុជា គឺនឹងធ្វើអោយមានភាពតានតឹងកាន់តែខ្លាំងឡើងៗរវាងប្រទេសជិតខាងទាំងពីរដោយបង្កើតជាសំនួរថា តើថៃមានឆន្ទៈពិតប្រាកដ នៅក្នុងការដោះស្រាយទំនាស់ព្រំដែនជាមួយកម្ពុជា ឬទេ?
បើថៃចេះតែបង្កើតភាពតានតឹងនោះបញ្ហាព្រំដែនរវាងប្រទេសទាំងពីរនឹងកាន់តែពិបាកទៅៗហើយធ្វើអោយប្រជាជននៃប្រទេសទាំងពីរក្លាយជាអ្នករងគ្រោះដ៏ពិតប្រាកដ ។ ចំណែកប្រវត្តិសាស្ត្រនឹងចារទុករាល់ការទទួលខុសត្រូវទាំងនេះ ។
សារព័ត៌មាន The Nation របស់ថៃ បានរាយការណ៍ថា អង្គការសហប្រជាជាតិ ទាមទារអោយថៃឆ្លើយតបចំពោះចំណុចសំខាន់ទាក់ទងនឹងរឿងឧក្រិ.ដ្ឋកម្មអនឡាញនេះផងដែរ ។ ប៉ុន្តែនាយករដ្ឋមន្ត្រីថៃ លោកស្រី ផៃថងថា ស៊ីណាវ៉ាត្រា បែរជាបានត្រូវប្រព័ន្ធផ្សព្វផ្សាយថៃ ដកស្រង់សម្តី កាលពីថ្ងៃទី២៤ ខែមិថុនា ដោយចោទប្រកាន់កម្ពុជាថា គឺជាមូលដ្ឋាននៃមជ្ឈមណ្ឌលឆបោក ឬឧក្រិ.ដ្ឋកម្មតាមអ៊ីនធឺណិតដ៏ធំមួយនៅលើពិភពលោក ហើយបានចាត់ទុកចំណាត់ការបិទព្រំដែន និងបញ្ហាដែលថៃបង្កឡើងដោយឯកតោភាគីជាមួយនឹងកម្ពុជា ដោយសារតែបញ្ហាព្រំដែនទៅជារឿងនេះទៅវិញ ។
ការលើកឡើងរបស់លោកស្រី នាយករដ្ឋមន្ត្រីបែបនេះ គឺជាការផ្សារភ្ជាប់រឿងពីរផ្សេងគ្នាទៅជារឿងតែមួយ ហើយព្យាយាមយកបញ្ហាមួយទៅបិទខ្ចប់បញ្ហាដ៏រសើប ដែលកំពុងតែកើតមានរវាងថៃ និងកម្ពុជា ។
នៅពេលនេះ សភាពការណ៍នៅព្រំដែនកំពុងតែតានតឹង ហើយកងកម្លាំងប្រដាប់អាវុធប្រទេសទាំងពីរបានកំពុងតែប្រឈមមុខដាក់គ្នា ដែលឥឡូវនេះវាបានវិវត្តន៍ចេញពីការតានតឹងរឿងព្រំដែន ទៅជាភាពតានតឹងខាងសេដ្ឋកិច្ច ហើយក៏តានតឹងខាងការទូត ឥឡូវមកយកកម្ពុជាទៅឡូកឡំនឹងរឿងដែលពិបាកនឹងទទួលមួយទៀត គឺរឿងឧក្រិ.ដ្ឋកម្មតាមអ៊ីនធឺណិតនេះ ។
រឿងដែលថៃបានលើកឡើងនេះ វាមិនមែនជារឿងដែលកើតមានឡើង តែនៅក្នុងប្រទេសកម្ពុជានោះទេ នៅថៃខ្លួនឯងក៏មាន ។ ឧក្រិ.ដ្ឋកម្មប្រភេទនេះ បានកំពុងតែរីកដុះដាលជាច្រើននៅលើពិភពលោកពីព្រោះក្រុមឧក្រិ.ដ្ឋជនគេអាចធ្វើរឿងនេះ បានយ៉ាងងាយឲ្យតែកន្លែងណាមានអ៊ីនធឺណិត ។
រឿងឧក្រិ.ដ្ឋកម្មប្រភេទនេះ វា គឺជារឿងសាកលដែលទាមទារកិច្ចសហប្រតិបត្តិការ និងធ្វើការរួមគ្នាជាសាកល ។ ពាក់ព័ន្ធនឹងបញ្ហានេះ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍បានបញ្ជាក់រួចហើយថា ឧក្រិ.ដ្ឋកម្មប្រភេទនេះ ត្រូវបានប្រព្រឹត្តនៅក្នុងប្រព័ន្ធអេកូឡូស៊ីដ៏ស្មុគស្មាញ និងវិវត្តន៍ជាប្រចាំដែលរួមបញ្ចូលបច្ចេកវិទ្យា តួអង្គពាក់ព័ន្ធ និងមានលក្ខណៈងាយរងគ្រោះ ។
ឧក្រិ.ដ្ឋកម្មប្រភេទនេះ មានលក្ខណៈឆ្លងដែន និងជាឧក្រិ.ដ្ឋកម្មជាប្រព័ន្ធទើបធ្វើឱ្យការប្រយុទ្ធប្រឆាំងនឹងឧក្រិ.ដ្ឋកម្មទាមទារឱ្យមានកិច្ចសហការ ប្រកបដោយនិរន្តរភាព ជាពិសេសរវាងរដ្ឋាភិបាលមួយទៅកាន់រដ្ឋាភិបាលមួយទៀត ។ ឧក្រិ.ដ្ឋកម្មឆ្លងដែន គឺជាបញ្ហាប្រឈមរួមគ្នាដែលទាមទារឱ្យមានការទទួលខុសត្រូវរួម ជាជាងការកេងចំណេញនយោបាយដោយការរុញដាក់គ្នា ឬបាចទឹកដាក់គ្នា ។
ដើម្បីឲ្យកិច្ចការនេះទទួលបានជោគជ័យ អាជ្ញាធរថៃ គួរតែផ្តោតលើការប្រយុទ្ធប្រឆាំងបណ្តាញឧក្រិ.ដ្ឋកម្មតាមអនឡាញ ឬតាមអ៊ីនធឺណិត នៅក្នុងដែនសមត្ថកិច្ចរបស់ខ្លួន និងចូលរួមក្នុងកិច្ចសហការគ្នា ជាជាងការចោទប្រកាន់គ្នាដោយមិនមានការទទួលខុសត្រូវ ។
ពាក់ព័ន្ធនឹងរឿងឧក្រិ.ដ្ឋកម្មប្រភេទនេះ កម្ពុជាមិនមែនទើបតែធ្វើដូចថៃនោះទេ ។ ប្រទេសកម្ពុជា បានចាប់ផ្តើមអនុវត្តកិច្ចការនេះ តាំងតែពីមុនកូវីដ១៩ រីករាលដាលមកម្ល៉េះ ។ ហើយមានឧក្រិ.ដ្ឋជន ជាច្រើនរូបដែលកម្ពុជាបានចាប់បញ្ជូនទៅកាន់ប្រទេសចិន ក្រោមកិច្ចសហការជាមួយនឹងអាជ្ញាធរមានសមត្ថកិច្ចចិន ។
ចំណែកថៃ គឺទើបតែបានផ្អើលចាត់វិធានការនេះ គឺក្រោយពេលដែលតារាសម្តែងចិនឈ្មោះ វ៉ាវ ស៊ីង (Wang Xing) ដែលត្រូវបានជនឆបោ.កជួញដូរពីអាកាសយានដ្ឋានសុវណ្ណភូមិ ទៅកាន់ទីតាំងប្រតិបត្តិការឧក្រិ.ដ្ឋកម្មដែលនាំឱ្យមានការធ្លាក់ចុះយ៉ាងខ្លាំងនៃទេសចរចិនមកកាន់ប្រទេសថៃតែប៉ុណ្ណោះ ។
ការចោទប្រកាន់ដែលថា កម្ពុជាជាមូលដ្ឋាននៃឧក្រិ.ដ្ឋកម្មបែបនេះមិនអាចទទួលយកបានឡើយ ។ រឿងឧក្រិ.ដ្ឋកម្ម នេះ គឺជាបញ្ហាគំរា.មកំហែ.ងដ៏ស្មុគស្មាញបំផុត និងគ្មានព្រំដែន ។ ដើម្បីបង្ក្រាប និងប្រយុទ្ធប្រឆាំងនឹងឧក្រិ.ដ្ឋកម្មនេះវាទាមទារយុទ្ធសាស្ត្រ និងតម្លាភាព ហើយជាពិសេស គឺកិច្ចសហប្រតិបត្តិការហើយធ្វើការជាមួយគ្នា ហើយខិតខំប្រឹងប្រែងប្រយុទ្ធទាំងអស់គ្នា ។
នៅក្នុងករណីដែលយើងរវល់តែបាចទឹកដាក់គ្នា នោះ គឺជាពេលវេលាដែលឧក្រិ.ដ្ឋជនកាន់តែបានចិត្ត ហើយកាន់តែមានឱកាសទូលំទូលាយនៅក្នុងការប្រពឹត្តឧក្រិ.ដ្ឋកម្មនេះបន្តនិងកាន់តែសាហា.វ ៕
ចែករំលែកព័តមាននេះ