បន្ទាយមានជ័យ ៖ ជនជាតិថៃ៥នាក់ ដែលពាក់ព័ន្ធបទល្មើសលួចឆ្លងដែន និងស្នាក់នៅដោយខុសច្បាប់ត្រូវបានកម្លាំងជំនាញប្រគល់ជូនសមត្ថកិច្ចថៃ កាលពីថ្ងៃទី១៧ ខែឧសភា ឆ្នាំ២០២៥ តាមច្រកទ្វារអន្តរាយជាតិប៉ោយប៉ែត ។…
បន្ទាយមានជ័យ ៖ ជនជាតិថៃ៥នាក់ ដែលពាក់ព័ន្ធបទល្មើសលួចឆ្លងដែន និងស្នាក់នៅដោយខុសច្បាប់ត្រូវបានកម្លាំងជំនាញប្រគល់ជូនសមត្ថកិច្ចថៃ កាលពីថ្ងៃទី១៧ ខែឧសភា ឆ្នាំ២០២៥ តាមច្រកទ្វារអន្តរាយជាតិប៉ោយប៉ែត ។
លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែតបានប្រាប់ថា ៖ កម្លាំងនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍សហការជាមួយកម្លាំងនគរបាលច្រកទ្វារអន្តរជាតិប៉ោយប៉ែត បានប្រគល់ជនជាតិថៃ ចំនួន៥នាក់ ទៅអោយកម្លាំងសមត្ថកិច្ចថៃមកទទួលយកច្រកទ្វារអន្តរជាតិប៉ោយប៉ែត ។
លោកបានបញ្ជាក់ថា ៖ ជនជាតិថៃ៥នាក់ ដែលត្រូវបានបណ្តេញចេញពីកម្ពុជា គឺកម្លាំងការិយាល័យអនុវត្តន៍នីតិវិធី និងគ្រប់គ្រងកន្លែងត្រៀមបណ្តេញចេញ នាយកដ្ឋានស៊ើបអង្កេត និងអនុវត្តន៍នីតិវិធីនៃនាយកដ្ឋានអន្តោប្រវេសន៍បានឃាត់ខ្លួនជនជាតិថៃ ចំនួន៥នាក់ ដែលពាក់ព័ន្ធបទល្មើសលួចឆ្លងដែនខុសច្បាប់ គ្មានលិខិតឆ្លងដែន និងធ្វើការងារខុសច្បាប់នៅក្នុងប្រទេសកម្ពុជា ។
លោកឧត្តសេនីយ៍ត្រី អ៊ី ចំរើន បានបញ្ជាក់ថា ៖ ការបណ្តេញជនជាតិថៃ ចេញពីកម្ពុជា ក្រោយពាក់ព័ន្ធបទល្មើសនៅកម្ពុជា ត្រូវបានប្រគល់អោយសមត្ថកិច្ចថៃមកទទួលជាច្រើនករណីមកហើយ ហើយកម្លាំងការិយាល័យអនុវត្តន៍នីតិវិធី និងគ្រប់គ្រងកន្លែងត្រៀមបណ្តេញចេញនាយកដ្ឋានស៊ើបអង្កេត និងអនុវត្តន៍នីតិវិធីនៃនាយកដ្ឋានអន្តោប្រវេសន៍នៅបន្តស្រាវជ្រាវបង្ក្រាបជាបន្តទៀត ៕
ចែករំលែកព័តមាននេះ