ខេត្តស្វាយរៀង៖សមត្ថកិច្ចបើកកិច្ចប្រតិបត្តិការបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន និងកាន់កាប់អាវុធដោយខុសច្បាប់មចាប់ឃាត់ខ្លួនជនសង្ស័យជាឧក្រិដ្ឋជនជនជាតិវៀតណាមវៀតណាម០៨នាក់និងជនជាតិចិន០២នាក់ដកហូតវត្ថុតាងគ្រឿងញៀនមួយចំនួននិងអាវុធខ្លីK59ចំនួន១ដើមគ្រាប់២៩គ្រាប់នៅក្រុងបាវិត ។
បើតាមសមត្ថកិច្ចបានឲ្យដឹងថា ការឈានដល់ការបង្ក្រាបបាននេះដោយអនុវត្តតាមបទបញ្ជាដ៍មុឺងម៉ាត់របស់លោកឧត្តមសេនីយ៍ទោ ពេជ្រ វីរ: ស្នងការនគរបាលខេត្ត និងដឹកនាំបញ្ជាផ្ទាល់ពីលោកឧត្តមសេនីយ៍ត្រី កែវ សុថា ស្នងការរងទទួលផែនការងារប្រឆាំងគ្រឿងញៀន កាលពីថ្ងៃទី១៤ ខែឧសភា ឆ្នាំ២០២៥កម្លាំងជំនាញការិយាល័យប្រឆាំងគ្រឿងញៀនខេត្ត សហការជាមួយកម្លាំងអធិការដ្ឋាននគរបាលក្រុងបាវិត ដោយមានការសម្របសម្រួលនីតិវិធីពីលោក ហួត វិចិត្រ ព្រះរាជអាជ្ញារងអមសាលាដំបូងខេត្តស្វាយរៀងបានបើកប្រតិបត្តិការបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន ដោយបានធ្វើការឃាត់ខ្លូនជនសង្ស័យចំនួន១០នាក់ ជនជាតិវៀតណាម០៨នាក់ ស្រី០១នាក់និងជនជាតិចិនចំនួន០២ នាក់ ប្រុស។
+ចាប់យកនិងដកហូតសម្ភារះវត្ថតាងរួមមាន:
-សារធាតុញៀនសរុបទម្ងន់ ៧៧.៨១ ក្រាម
-សារធាតុមិនច្បាស់ទម្ងន់ ២៤១.៥៣ ក្រាម
-កញ្ឆារក្រៀម ទម្ងន់ ០.៧១ ក្រាម
-ជញ្ជីងថ្លឹងថ្នាំញៀន ០៣ គ្រឿង
-អាវុធខ្លីម៉ាកK59 មួយដើម គ្រាប់២៩ គ្រាប់
-ទូរសព្ទ័ចំនួន ១៧ គ្រឿង
-ម៉ូតូ ០២ គ្រឿង ព្រមទាំងឧបករណ៍ សម្ភារមួយចំនួនទៀត។
បច្ចប្បន្នជនសង្ស័យរួមជាមួយវត្ថុតាងត្រូវបានបញ្ជួនទៅកាន់សាលាដំបូងខេត្តដើម្បីចាត់ការបន្តតាមច្បាប់លោកចៅក្រមបានចេញដិកាឃុំខ្លួននៅពន្ធនាគារខេត្តស្វាយរៀងរួចហើយ ៕
ចែករំលែកព័តមាននេះ