រាជធានីភ្នំពេញ ៖ រថយន្តកងដឹកជញ្ជូន (M70) មួយគ្រឿងពាក់ស្លាកលេខខេមរភូមិន្ទ ដឹកទូកុងតឺន័រហើយមានផ្ទុកប្រេងម៉ាស៊ីនម៉ាក G2000 រាប់សិបកេសពីលើដំបូលទូកុងតឺន័រនោះថែមទៀត ។ ខណៈពេលកំពុងបើកបរក្នុងល្បឿនលឿនទៅដល់ត្រង់ចំណុចរង្វង់មូលគល់ផ្លូវល្បឿនលឿន…
រាជធានីភ្នំពេញ ៖ រថយន្តកងដឹកជញ្ជូន (M70) មួយគ្រឿងពាក់ស្លាកលេខខេមរភូមិន្ទ ដឹកទូកុងតឺន័រហើយមានផ្ទុកប្រេងម៉ាស៊ីនម៉ាក G2000 រាប់សិបកេសពីលើដំបូលទូកុងតឺន័រនោះថែមទៀត ។
ខណៈពេលកំពុងបើកបរក្នុងល្បឿនលឿនទៅដល់ត្រង់ចំណុចរង្វង់មូលគល់ផ្លូវល្បឿនលឿន ពុំដឹងជា យ៉ាងម៉េច ស្រាប់ឃ្លេងឃ្លោងរួចក៏ក្រឡា.ប់ភី.ងចា.ក់ប្រេងចោលពេញផ្លូវតែម្ដង ។
ក្នុងពេលនោះ មហាវិថីឈ្នះឈ្នះនេះមានការធ្វើចរាចរដ៏មមាញឹកពីសំណាក់យានយន្តតូចធំគ្រប់ប្រភេទ ប៉ុន្តែសំណាងល្អណាស់ដែលរថយន្តនេះពុំបានបង្កឲ្យមានគ្រោះថ្នាក់ដល់អ្នកដទៃឡើយ ។ ដោយឡែក អ្នកបើកបររថយន្តខាងលើបាននិយាយថា ខ្លួនបើកគេចចេញពីម៉ូតូសណ្ដោងរ៉ឺម៉ក១គ្រឿងនៅខាងមុខទើបក្រឡា.ប់បែបនេះ ។
ហេតុការណ៍ខាងលើនេះ បានកើតឡើងបង្កឲ្យមានការភ្ញាក់ផ្អើល កាលពីវេលាម៉ោងជិត១០ព្រឹក ថ្ងៃទី១៨ ខែឧសភា ឆ្នាំ២០២៥ នៅតាមមហាវិថីឈ្នះឈ្នះ ហៅផ្លូវអូរដឹមកប់ស្រូវ ត្រង់ចំណុចរង្វង់មូលគល់ផ្លូវល្បឿនលឿន ភ្នំពេញ-ព្រះសីហនុ ស្ថិតនៅក្នុងភូមិចែងម៉ែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
រថយន្តខាងលើនោះម៉ាកហ៊ីណូ ពណ៌ត្រេអ៊ី ក្បាលពាក់ស្លាកលេខខេមរភូមិន្ទ 02-3-2365 ចំណែកកន្ទុយរ៉ឺម៉កដឹកទូកុងតឺន័រពាក់ស្លាកលេខ 1590 ភព៤ ជាកងរបស់ដឹកជញ្ជូន (M70) ហើយមានផ្ទុកប្រេងម៉ាស៊ីនម៉ាក G2000 រាប់សិបកេសពីលើដំបូលទូកុងតឺន័រនោះ ហើយគ្របក្រណាត់កៅស៊ូតង់ជិតថែមទៀតផង ។
ប្រជាពលរដ្ឋ បាននិយាយថា នៅមុនពេលកើតហេតុរថយន្ត១គ្រឿងខាងលើ បានបើកបរធ្វើដំណើរតាមមហាវិថីឈ្នះឈ្នះក្នុងទិសដៅពីជើងទៅត្បូងក្នុងល្បឿនលឿន លុះពេលទៅដល់ត្រង់ចំណុចកើតហេតុ ពុំដឹងថា យ៉ាងម៉េចទេ ស្រាប់តែមានសភាពឃ្លេងឃ្លោង រួចក៏ក្រឡា.ប់ភឺ.ងចា.ក់ប្រេងម៉ាស៊ីនដែលផ្ទុកនៅពីលើដំបូលទូកុងតឺន័រនោះចោលពេញដីតែម្ដង ។
ពេលនោះ នៅតាមផ្លូវខាងលើ មានយានយន្តតូច និងធំធ្វើដំណើរជាប់មិនដាច់ ប៉ុន្តែសំណាងល្អខ្លាំងណាស់ ដោយរថយន្តនេះក្រឡា.ប់ខ្លួនឯង ពុំបានសង្កត់លើអ្នកជិះម៉ូតូ ឬរថយន្តផ្សេងបណ្ដាលឲ្យមានគ្រោះថ្នាក់ ។ ពុំមាននរណាបានដឹងថា នៅក្នុងទូកុងតឺន៍រនោះ មានផ្ទុកទំនិញអ្វីខ្លះនោះទេ ប៉ុន្តែបើតាមបុរសដែលជាអ្នកបើកបររថយន្តខាងលើ បានប្រាប់គេឯងថា នៅក្នុងទូកុងតឺន័រនោះពុំមានអីវ៉ាន់ឡើយ គឺមានតែសំបកទូទទេប៉ុណ្ណោះ តែបានផ្ទុកប្រេងម៉ាស៊ីននៅពីលើដំបូលទូកុងតឺន័រ ។
នៅមុនពេលកើតហេតុ ខ្លួនបានបើកបររថយន្តនេះ ចេញពីច្រកព្រំដែនកម្ពុជា ថៃ លុះពេលមកដល់ចំណុចកើតហេតុ បានគេចចេញពីម៉ូតូសណ្ដោងរ៉ឺម៉ក១គ្រឿង ដែលនៅខាងមុខ រួចក៏បណ្ដាលឲ្យឃ្លេងឃ្លោងហើយក្រឡា.ប់បែបនេះតែម្ដងទៅ ។
ក្រោយពេលកើតហេតុ កម្លាំងនគរបាលខណ្ឌពោធិ៍សែនជ័យ និងខាងតំណាងក្រុមហ៊ុនផ្លូវល្បឿនលឿនបានចុះទៅពិនិត្យមើលជាក់ស្ដែង និងរាយការណ៍បន្តទៅកាន់នគរបាលការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ឲ្យចុះទៅកាន់ទីនោះ ។ ប៉ុន្តែពុំបានដឹងថា ដោះស្រាយរបៀបណានោះទេ ចំណែកខាងកងដឹកជញ្ជូន(M)ខាងលើបានយករថយន្តពាក់ស្លាកលេខខេមរភូមិន្ទតូចធំផ្សេងទៀត ទៅដឹកយកប្រេងម៉ាស៊ីននោះចេញពីកន្លែងកើតហេតុភ្លាមៗផងដែរ ៕
ចែករំលែកព័តមាននេះ