រាជធានីភ្នំពេញ ៖ ផ្ទះបិតស្គុតឡាននិងម៉ូតូមួយកន្លែងត្រូវបានអគ្គិភ័យឆាបឆេះយ៉ាងសន្ធោសន្ធៅខណះពេលដែលម្ចាស់ចាក់សោបិតទ្វារទុកចោល។
អគ្គិភ័យនេះបានកើតឡើងកាលពីវេលាម៉ោង១២និង២០នាទីថ្ងៃត្រង់ទី១៨ខែឧសភាឆ្នាំ២០២៥នៅចំណុចផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ។
តាមសាក្សីបានអោយដឹងថា នៅមុនពេលកើតហេតុគេឃើញផ្ទះបិតស្គុតឡាននិងម៉ូតូខាងលើបានចាក់សោទុកចោល ស្រាប់តែភ្លើងបានឆាបឆេះផ្សែងហុយទ្រលោមនិងមានអណ្តាតភ្លើងឆាបឆេះយ៉ាងសន្ធោសន្ធៅបង្កអោយមានការភ្ញាក់ផ្អើលដល់អ្នកជិតខាងនិងម្ចាស់ផ្ទះជួលនាំគ្នាទំលុះទ្វារយកបំពង់បាញ់ពន្លត់និងទាក់ទងហៅរថយន្តពន្លត់អគ្គិភ័យទៅអន្តរាគមន៍បាញ់ពន្លត់ហើយភ្លើងបានរលត់ទៅវិញពុំបណ្តាលអោយឆេះរាលដាល់ធ្ងន់ធ្ងរឡើយ។
តាមម្ចាស់ផ្ទះជួលបានឲ្យដឹងថា នៅព្រឹកថ្ងៃកើតហេតុ ភ្លើងបានដាច់។លុះមុនពេលកើតហើយស្រាប់តែភ្លើងបានឆេះវិញបានប្រមាណជា១០ នាទីស្រាប់តែឃើញផ្សែងហុយចេញពីខាងក្រោមផ្ទះដែលគាត់ជួលអោយគេបិតស្គុតឡានម៉ូតូក៍បង្កអោយមានការភ្ញាក់ផ្អើលហៅរថយន្តពន្លត់អគ្គិភ័យទៅជួយអន្តរាគមន៍។
តាមនគរបាលការិយាល័យបង្ការ ពន្លត់អគ្គិភ័យនិងសង្គោះនៃស្នងការនគរបាលរាជធានីភ្នំពេញបានអោយដឹងថា នៅក្នុងហេតុការណ៍នេះរថយន្តពន្លត់អគ្គិភ័យចំនួន១គ្រឿងបានទៅអន្តរាគមន៍បាញ់ពន្លត់។
តាមនគរបាលអោយដឹងទៀតថា អគ្គិភ័យនេះបណ្តាលអោយសម្ភារះមួយចំនួនបានរងការខូចខាតពុំបណ្តាលអោយឆេះរាលដាលឡើយ។អគ្គិភ័យនេះបណ្តាលមកពីឆ្លងចរន្តអគ្គិសនី ៕
ចែករំលែកព័តមាននេះ