រាជធានីភ្នំពេញ ៖ តុលាការ បានសម្រេចឃុំខ្លួនមន្ត្រីនគរបាលឈ្មោះ ហ៊ុន ហេង ហើយពីបទ បើកបរបង្កគ្រោះថ្នាក់ចរាចរណ៍បណ្តាលឲ្យរបួស និងស្លាប់អ្នកដទៃ នេះបើយោងតាមសេចក្តីប្រកាសព័ត៌មានរបស់អ្នកនាំពាក្យ…
រាជធានីភ្នំពេញ ៖ តុលាការ បានសម្រេចឃុំខ្លួនមន្ត្រីនគរបាលឈ្មោះ ហ៊ុន ហេង ហើយពីបទ បើកបរបង្កគ្រោះថ្នាក់ចរាចរណ៍បណ្តាលឲ្យរបួស និងស្លាប់អ្នកដទៃ នេះបើយោងតាមសេចក្តីប្រកាសព័ត៌មានរបស់អ្នកនាំពាក្យ នៃអយ្យការអមសាលារាជធានីភ្នំពេញ នៅថ្ងៃទី១៧ ខែឧសភានេះ ។
សេចក្តីប្រកាសព័ត៌មានោះ និយាយថា ក្រោយពីបានសាកសួរ និងពិនិត្យភស្តុតាង តំណាងអយ្យការសម្រេចចោទប្រកាន់ឈ្មោះ ហ៊ុន ហេង ជា នគរបាលជាតិ ពីបទបើកបរបង្កគ្រោះថ្នាក់ចរាចរណ៍ បណ្តាលអោយរបួស និងស្លា.ប់អ្នកដទៃ តាមច្បាប់ ស្តីពីចរាចរណ៍ផ្លូវគោក ។
កាលពីថ្ងៃទី១៥ ខែឧសភា លោក ហ៊ុន ហេង បានបើកបរក្នុងស្ថានភាពស្រវឹង និងបានបុករះពីក្រោយ យានយន្តចំនួន៥គ្រឿង បណ្តាលអោយមានមនុស្សស្លាប់ និងរបួស ព្រមទាំងខូចខាតទ្រព្យសម្បត្តិមួយចំនួន ។
ករណីនេះបានធ្វើអោយមានការតាមដានខ្លាំង ហើយនាយករដ្ឋមន្ត្រី បានប្រកាសថា ត្រូវចាត់ការទៅតាមច្បាប់ អោយបានម៉ឺងម៉ាត់ ៕
ចែករំលែកព័តមាននេះ