ខេត្តបាត់ដំបង ៖ បុរសម្នាក់ដែលគេអះអាងថា មានសតិមិនគ្រប់ទឹក បូកផ្សំនិងការប្រើប្រាស់គ្រឿងញៀនជាប្រចាំផង ស្ទើរក្លាយជាមនុស្ស «ឆ្កួត» នៅសុខៗក៏នឹកឃើញស្ទុះទៅទាញដំបង ដើរទៅសំពងក្បាលម្ដាយដែលកំពុងអង្គុយនៅក្នុងផ្ទះបាយ បណ្ដាលឲ្យគាត់ដួលប្រកាច់ដាច់ខ្យល់ស្លាប់យ៉ាងអាណោចអធ័ម…
ខេត្តបាត់ដំបង ៖ បុរសម្នាក់ដែលគេអះអាងថា មានសតិមិនគ្រប់ទឹក បូកផ្សំនិងការប្រើប្រាស់គ្រឿងញៀនជាប្រចាំផង ស្ទើរក្លាយជាមនុស្ស «ឆ្កួត» នៅសុខៗក៏នឹកឃើញស្ទុះទៅទាញដំបង
ដើរទៅសំពងក្បាលម្ដាយដែលកំពុងអង្គុយនៅក្នុងផ្ទះបាយ បណ្ដាលឲ្យគាត់ដួលប្រកាច់ដាច់ខ្យល់ស្លាប់យ៉ាងអាណោចអធ័ម កាលពីវេលាម៉ោងជាង១០ព្រឹកថ្ងៃទី ១៦ ឧសភា នៅចំណុចភូមិព្រៃអម្ពាន់ ឃុំស្ដុកប្រវឹក ស្រុករុក្ខគិរី តែត្រូវបានកម្លាំងកងរាជអាវុធហត្ថតាមចាប់ខ្លួនបានភ្លាមៗដែរ នៅពេលជនតិរច្ឆាននេះព្យាយាមរត់គេចខ្លួន។
មន្ត្រីកងរាជអាជអាវុធហត្ថបានឲ្យដឹងថា កូនប្រុសមហាចង្រៃនេះ ឈ្មោះ គង់ គួន អាយុ៣៧ឆ្នាំ រីឯម្ដាយដែលស្លាប់ឈ្មោះ ភឹម ផន អាយុ៧៥ឆ្នាំ រស់នៅចំណុចកើតហេតុ។ ពុំមានប្រភពជាក់លាក់ទេ អំពីអំពើ«ឃាតកម្ម»ដែលបង្កឡើងដោយជនឡប់សតិវាយសម្លាប់ម្ដាយរបស់ខ្លួនខាងលើនេះ។
ប៉ុន្តែបើតាមព័ត៌មានបឋមពីកន្លែងកើតហេតុ បានឲ្យដឹងថា ជនដៃដល់ជាមនុស្សមានសតិមិនគ្រប់តាំងពីកំណើត តែប៉ុន្មានឆ្នាំកន្លងមកនេះ ជននេះ មានប្រើប្រាស់គ្រឿងញៀនយ៉ាងសកម្មផង ជាមួយប្អូនប្រុសរបស់ខ្លួនម្នាក់ទៀត។ ស្របពេលដែលជននេះ បែកថ្នាំដល់កំរិតបង្ករឿងមិនឈប់ជាមួយម្ដាយខ្លួន។
ពេលខ្លួនបញ្ចេកចរិតដូចមនុស្ស«ឆ្គួត» ពេលខ្លះមានចរិតដូចមនុស្សបែកថ្នាំ សូម្បីតែត្រូវសមត្ថកិច្ចឃាត់ខ្លួនបាន នាំយកទៅសួរនាំ ក៏ជននេះផ្ដល់ចម្លើយប្រៀបដូចជាមនុស្សឆ្កួត ឬ វិកលចរិត» ដែរ។ ពោល និយាយលែងដឹងខុសត្រូវទៅហើយ។ ចំពោះការឈានដល់ការទាញដំបងទៅបាយសម្លាប់ម្ដាយវិញ បើតាមសម្ថកិច្ច ដែលបានធ្វើការស្រាវជ្រាវ និងអ្នកភូមិបានបំភ្លឺប្រហាក់ប្រហែលគ្នាថា «មុនពេលកើតហេតុ ពុំមានរឿងអ្វីកើតឡើងទេ រវាងកូនឡប់សតិ ជាមួយម្ដាយ»។
សមត្ថកិច្ចបានប្រាប់ថា តាមចម្លើយមួយដង មួយកាល ដែលជនដៃដល់នេះបាននិយាយ គឺខ្លួនស្ទុះទៅទាញដំបងវាយសម្លាប់ម្ដាយ តាមការនឹកឃើញប៉ុណ្ណោះ។ សមត្ថកិច្ចបានបញ្ជាក់ថា ពេលដែលត្រូវកូនប្រុសតិរច្ឆានទាញដំបងទៅវាយគាត់ គឺស្ត្រីជាម្ដាយរូបនេះកំពុងមិនដឹងខ្លួននៅក្នុងផ្ទះបាយ។ គាត់ត្រូវចំកញ្ចឹងករមួយដំបងពេញទំហឹងបណ្ដាលឲ្យដួលប្រកាច់ស្លាប់នៅលើដីយ៉ាងអាណោចអធម៏បំផុត។
ដោយឡែក កូនប្រុសតិរច្ឆាននេះ បានព្យាយាមរត់គរចខ្លួន ក្រោយសម្លាប់អ្នកមានគុណ តែបន្តិចក្រោយមកក៏ត្រូវកម្លាំងមូលដ្ឋាន កងរាជអាវុធហត្ថ ស្រុករុក្ខគិរី ដេញតាមរហូតចាប់ខ្លួនបាន។ គ្រោយពីចាប់ខ្លួនបាននាំយកមកសួរនាំ នៅចំពោះមុខសមត្ថកិច្ច ជននេះត្រូវជាប់ខ្នោះដៃក្រពាត់ទៅក្រោយ។ ជននេះ មិននិយាយអ្វីទាំងអស់ បង្ហាញសកម្មភពដូចជាមនុស្ស«ឆ្កួត ឬ បែកថ្នាំ» ដល់កំរិតមែន។ ពេលនេះ សមត្ថកិច្ចកំពុងព្យាយាមសួរនាំ ក្រែងទទូលបានចម្លើយល្អខ្លះ ដែលអាច
យកជាការបាន ដើម្បីកសាងសំណុំរឿងបញ្ជូនទៅតុលាការ៕
ចែករំលែកព័តមាននេះ