រាជធានីភ្នំពេញ ៖ នាយនគរបាលម្នាក់បើករថយន្តបុ.ករះម៉ូតូ០២គ្រឿង កង់បីឥណ្ឌា០២គ្រឿង និងរថយន្តព្រូស០១គ្រឿង បណ្តាលអោយមនុស្សម្នាក់ដេកស្លា.ប់ លើថ្លុកឈា.ម និងរបួសធ្ងន់ស្រាលជាច្រើននាក់ ។ ហេតុការណ៍នេះ…
រាជធានីភ្នំពេញ ៖ នាយនគរបាលម្នាក់បើករថយន្តបុ.ករះម៉ូតូ០២គ្រឿង កង់បីឥណ្ឌា០២គ្រឿង និងរថយន្តព្រូស០១គ្រឿង បណ្តាលអោយមនុស្សម្នាក់ដេកស្លា.ប់ លើថ្លុកឈា.ម និងរបួសធ្ងន់ស្រាលជាច្រើននាក់ ។
ហេតុការណ៍នេះ បង្កភ្ញាក់ផ្អើល កាលពីវេលាម៉ោង០២រសៀល ថ្ងៃទី ១៥ ខែឧសភា ឆ្នាំ២០២៥ នៅតាមបណ្តោយផ្លូវ ព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ជនបង្កមានឈ្មោះ ហ៊ុន ហេង មានឋានន្តរសក្តិវរសេនីយ៍ឯក ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ ។
បើតាមការបញ្ជាក់ពីប្រជាពលរដ្ឋបានអោយដឹងថា គេឃើញ បុរសមានវ័យចំណាស់ម្នាក់បើករថយន្តឡិចស៊ីស 400h ពណ៍ទឹកមាស ពាក់ស្លាកលេខ ភ្នំពេញ 2AQ-2188 បើកបរចុះពីលើស្ពានអាកាសក្បាលថ្នល់ ទិសដៅសំដៅទៅវិមានឯករាជ្យ ខណៈពេលបើករថយន្តចុះពីលើស្ពានបានបន្តិចរថយន្តខាងលើបានរេចង្កូតទៅបុ.កម៉ូតូ០២គ្រឿង និងរថយន្តព្រូស បណ្តាលអោយរងការខូចខាតធ្ងន់ធ្ងរ ហើយបង្កអោយមានមនុស្សរងរបួសធ្ងន់ស្រាលជាច្រើននាក់ ។
ប្រភពដដែលបន្តថា ភ្លាមៗរថយន្តបានបន្តទៅបុ.កកង់បីឥណ្ឌា០២គ្រឿងទៀតធ្វើអោយបុរសជាអ្នកបើកកង់បីស្លា.ប់០១នាក់ ភ្លាមៗបែកក្បាលហូរឈា.មពេញផ្លូវ ។
ដោយរថយន្តមិនទាន់អស់ល្បឿនបន្តទៅបុ.កបង្គោលដែកសម្រាប់បាំងម៉ាស៊ីនភ្លើងនិងដើមឈើ០១ ដើម ធ្វើរថយន្តខ្ទេចមួយកំណាត់មុខ ទៅមុខលែងរួច ។
ក្រោយកើតហេតុ សមត្ថកិច្ចបានឃាត់ជនបង្កទៅកាន់អធិការដ្ឋាននគរបាលខណ្ឌចំការមន ដើម្បីសាកសួរចាត់តាមនីតិវិធី ។ ចំណែកឯស.ព ត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ