ធនាគារជាតិនៃកម្ពុជា បានប្រកាសជាចំហរនាពេលថ្មីៗនេះ ពាក់ព័ន្ធនឹងបុគ្គលមួយចំនួនបានប្រើប្រាស់រូបក្រដាសប្រាស់រៀល ដែលជារូបិយវត្ថុជាតិខ្មែរ ទៅក្នុងកម្មវត្ថុរចនាក្រាហ្វិក ឬបំប្លែងរូបភាព សម្រាប់គោលបំណងផ្សេងៗដោយសង្កត់ធ្ងន់ថា សកម្មភាពនេះប្រយ័ត្នមានទោស ។ ប្រភពដដែលបានបន្តថា…
ធនាគារជាតិនៃកម្ពុជា បានប្រកាសជាចំហរនាពេលថ្មីៗនេះ ពាក់ព័ន្ធនឹងបុគ្គលមួយចំនួនបានប្រើប្រាស់រូបក្រដាសប្រាស់រៀល ដែលជារូបិយវត្ថុជាតិខ្មែរ ទៅក្នុងកម្មវត្ថុរចនាក្រាហ្វិក ឬបំប្លែងរូបភាព សម្រាប់គោលបំណងផ្សេងៗដោយសង្កត់ធ្ងន់ថា សកម្មភាពនេះប្រយ័ត្នមានទោស ។
ប្រភពដដែលបានបន្តថា យោងតាមមាត្រា៥៣ នៃច្បាប់ស្តីពីការរៀបចំ និងការប្រព្រឹត្តិទៅនៃធនាគារជាតិនៃកម្ពុជា ក្រដាសប្រាក់ គឺជាទម្រង់មួយនៃទ្រព្យសម្បត្តិ ហើយបុគ្គលដែលកាន់មានកាតព្វកិច្ចក្នុងការថែរក្សាឱ្យបានល្អ ដើម្បីប្រើប្រាស់ក្នុងប្រតិបត្តិការ ហើយការខូចខាតទ្រង់ទ្រាយ ឬបាត់លក្ខណៈដើម នៃក្រដាសអាចធ្វើឱ្យក្រដាសប្រាក់នេះបាត់តម្លៃ ឬត្រូវបានដកហូតចេញពីចរាចរណ៍ ។
ប្រភពដដែលបានបន្តថា បើយាងតាមមាត្រា៦៥ ចែងថា អ្នកក្លែងក្រដាសប្រាក់ដែលជារូបិយវត្ថុមានតម្លៃនីត្យានុកូល នៅលើដែនដីនៃព្រះរាជាណាចក្រកម្ពុជា ឬនៅលើដែនដីនៃរដ្ឋដទៃទៀតនឹងត្រូវបានផ្តន្ទាទោសដាក់ពន្ធនាគារពី២០ឆ្នាំ ដល់អស់មួយជីវិត ។
ធនាគារជាតិនៃកម្ពុជាបានប្រកាសថា សកម្មភាពបែបនេះបង្កផលប៉ះពាល់ អវិជ្ជមានយ៉ាងខ្លាំងដល់តម្លៃជាតិ ។
ប្រភពដដែលបានអះអាងថា តាមរយៈនិមិត្តសញ្ញា និងរូបភាពនានានៅលើក្រដាសប្រាក់ រូបិយវត្ថុជាតិឆ្លុះបញ្ចាំងអំពីឯកភាពជាតិ កេរ្តិ៍ដំណែលប្រវត្តិសាស្ត្រ វប្បធម៌ និងមោទនភាពជាតិ ។
ប្រភពដដែលបានសង្កត់ធ្ងន់ថា ការបំប្លែងរូបភាពលើក្រដាសប្រាក់រៀល ការសរសេរ ផាត់ពណ៌ ឬទុកដាក់ក្រដាសប្រាក់រៀលមិនត្រឹមត្រូវ ជាការប្រមាថដល់ប្រទេស និងប្រជាជាតិកម្ពុជាទាំងមូល ៕
ចែករំលែកព័តមាននេះ