ខេត្តកណ្តាល ៖ គ្រោះថ្នាក់ចរាចរណ៍មួយបានកើតឡើងដោយរថយន្តចំនួន៣គ្រឿងបានបុកគ្នាពេញទំហឹងជាបន្តបន្ទាប់នៅលើមហាវិថីស៊ីជីពីង រហូតមានការឆាបឆេះទាំង៣គ្រឿងយ៉ាងសន្ធោសន្ធៅតែម្តង ផ្អើលខ្លាំងដល់អ្នកដំណើរ និងរថយន្តពន្លត់អគ្គិភ័យជាច្រើនគ្រឿងចុះមកអន្តរាគមន៍បាញ់ពន្លត់ ។ ហេតុការណ៍នេះបានកើតឡើងនៅវេលាម៉ោង៨ និង៣០នាទីយប់ថ្ងៃទី ១៤…
ខេត្តកណ្តាល ៖ គ្រោះថ្នាក់ចរាចរណ៍មួយបានកើតឡើងដោយរថយន្តចំនួន៣គ្រឿងបានបុកគ្នាពេញទំហឹងជាបន្តបន្ទាប់នៅលើមហាវិថីស៊ីជីពីង រហូតមានការឆាបឆេះទាំង៣គ្រឿងយ៉ាងសន្ធោសន្ធៅតែម្តង ផ្អើលខ្លាំងដល់អ្នកដំណើរ និងរថយន្តពន្លត់អគ្គិភ័យជាច្រើនគ្រឿងចុះមកអន្តរាគមន៍បាញ់ពន្លត់ ។
ហេតុការណ៍នេះបានកើតឡើងនៅវេលាម៉ោង៨ និង៣០នាទីយប់ថ្ងៃទី ១៤ ខែឧសភាឆ្នាំ ២០២៥ លើផ្លូវក្រវាត់ក្រុងទី៣ គីឡូម៉ែត្រ ២១-២២ (មហាវិថីស៊ីជីពីង) ស្ថិតក្នុងភូមិអំពៅព្រៃ ឃុំកណ្ដោក ស្រុកកណ្ដាលស្ទឹង ខេត្តកណ្ដាល។
សមត្ថកិច្ចបានឲ្យដឹងថា បើតាមប្រភពពត៌មានពីប្រជាពលរដ្ឋជុំវិញកន្លែងកើតហេតុបានអោយដឹងថា មុនពេលកើតហេតុវេលាម៉ោងប្រហែល៤និង៣០នាទីល្ងាច គេឃើញ មានរថយន្ត ១គ្រឿងម៉ាក lexus rx 470 ពាក់ផ្លាកលេខ ភ្នំពេញ 2B-1887 បានខូចនិងឈប់ចតលើផ្លូវ(មិនឃើញម្ចាស់ទេ)ក្នុងទិសដៅពីកើតទៅលិច បន្ទាប់មកក៏មានរថយន្តម៉ាកស្ដារិច ពណ៌ស (ឆេះផ្លាកលេខអស់) មកជួយសណ្តោងចេញ ក្នុងទិសដៅស្របទិសគ្នា មកឈប់ចតពីក្រោយ ដើម្បីជួសជុលរថយន្តខាងមុខ ម៉ាកLexus Rex 470នោះ ។
លុះដល់ម៉ោង៨និង៣០នាទីយប់ ក៏មានរថយន្ត ១គ្រឿងទៀតម៉ាក អាល់ហ្វាត ពណ៌ស ពាក់ផ្លាកលេខ ភ្នំពេញ2BC-2558 បើកបរដោយឈ្មោះ ឡោ គឹមសឿន ភេទប្រុស អាយុ ៣៨ឆ្នាំ មានទីលំនៅភូមិរកាទី១ ឃុំរកាជន្លឹង ស្រុកខ្សាច់កណ្ដាល ខេត្តកណ្ដាល បើកបរស្របទិសគ្នា មកបុកពីក្រោយរថយន្តស្តារិចបន្តទៀត ដែលជាហេតុបង្ករអោយមានអគ្គីភ័យឆាបឆេះតែម្ដង ។
តាមការសន្និដ្ឋានរបស់សមត្ថកិច្ច ករណីនេះបណ្ដាលមកពីរថយន្តម៉ាកlexus rx470 ពណ៌ស ពាក់ផ្លាកលេខភ្នំពេញ 2B-1887 ឈប់ចតលើគន្លងផ្លូវល្បឿនលឿន មិនមានដាក់ភ្លើង រឺ សញ្ញា អោយបានត្រឹមត្រូវពេលយប់ងងឹត ខ្វះការប្រុងប្រយ័ត្ន ទើបបង្ករជាគ្រោះថ្នាក់ ដោយអគ្គិភ័យនេះបានឆាបឆេះរថយន្តទាំងគ្រឿង តែទោះបីជាយ៉ាងណាមិនបណ្តាលឲ្យមានរណាម្នាក់ រងរបួសអ្វីនោះទេ ដោយប្រើប្រាស់រថយន្តពន្លត់អគ្គិភ័យអស់ចំនួន៣គ្រឿង ៕
ចែករំលែកព័តមាននេះ