រាជធានីភ្នំពេញ ៖ ស្ត្រីម្នាក់មានជំងឺសរសៃប្រសាទ ហើយផឹកស្រាថែមទៀត លុះពេលស្រវឹងបានរករឿងឈ្លោះកូនចៅ បន្ទាប់មក បានយករថយន្តរបស់កូន១គ្រឿងបើកចេញពីផ្ទះ ហើយក៏ជ្រុលទៅបុករថយន្ត១គ្រឿងទៀតកំពុងឆ្លងផ្លូវ បណ្ដាលឲ្យខូចខាត ។…
រាជធានីភ្នំពេញ ៖ ស្ត្រីម្នាក់មានជំងឺសរសៃប្រសាទ ហើយផឹកស្រាថែមទៀត លុះពេលស្រវឹងបានរករឿងឈ្លោះកូនចៅ បន្ទាប់មក បានយករថយន្តរបស់កូន១គ្រឿងបើកចេញពីផ្ទះ ហើយក៏ជ្រុលទៅបុករថយន្ត១គ្រឿងទៀតកំពុងឆ្លងផ្លូវ បណ្ដាលឲ្យខូចខាត ។
បន្ទាប់មក គាត់អត់ព្រមឈប់ទេ ក៏បានបើកបើករត់គេចចេញពីកន្លែងកើតហេតុ ដោយបើកបញ្ច្រាសទិសដៅចរាចរណ៍ រួចក៏ជ្រុលទៅបុកបង្គោលស្លាកលេខកំណត់ល្បឿនបាក់១ដើមបណ្ដាលឲ្យបាក់ ហើយព្យាយាមបើករត់បន្ត ក៏ជ្រុលទៅបុកម៉ូតូសណ្ដោងរ៉ឺម៉កលក់ទឹកសុទ្ធនិងកាហ្វេ១គ្រឿងទៀត បណ្ដាលឲ្យក្មេងស្រីម្នាក់រងរបួសធ្ងន់ ។
ឧប្បត្តិហេតុនេះ បានកើតឡើងកាលពីវេលាម៉ោង១០និង៣០នាទីព្រឹកថ្ងៃទី១៥ ខែឧសភា ឆ្នាំ២០២៥ នៅតាមមហាវិថីសហព័ន្ធរុស្ស៊ី ស្ថិតនៅក្នុងភូមិក្បាលរី១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
ប្រជាពលរដ្ឋបាននិយាយថា នៅមុនពេលកើតហេតុ ពួកគាត់បានឃើញស្ត្រីរូបនោះបើកបររថយន្ត១គ្រឿងម៉ាកតូយ៉ូតាព្រូស ពណ៌.ស ពាក់ស្លាកលេខភ្នំពេញ2BD-2132 ធ្វើដំណើរក្នុងតាមមហាវិថីសហព័ន្ធរុស្ស៊ី ទិសដៅពីកើតទៅលិច ។ ខណៈពេលទៅដល់ត្រង់ចំណុចកើតហេតុ បានបុកចំកាងមុខរថយន្ត១គ្រឿងទៀតម៉ាកឡិចស៊ីRX-300 ពណ៌ខ្មៅ ពាក់ស្លាកលេខភ្នំពេញ2AN-1292 មួយគ្រឿងទៀត កំពុងឆ្លងផ្លូវក្នុងទិសដៅពីជើងទៅត្បូង បណ្ដាលឲ្យរងការខូចខាតរួចបើករត់គេចខ្លួន ។
ប្រជាពលរដ្ឋបាននិយាយបន្តទៀតថា ពេលនោះ ស្ត្រីដែលជាអ្នកបើកវររថយន្តម៉ាកឡិចស៊ីសRX-300 និងអ្នកដំណើរតាមផ្លូវបាននាំគ្នាដេញតាមឃាត់ ប៉ុន្តែស្ត្រីរូបនោះមិនព្រមឈប់រថយន្តនោះឡើយ និងបានបើករត់បញ្ច្រាសទិសដៅចរាចរណ៍តាមផ្លូវលេខ២០១១ ។
លុះទៅដល់ត្រង់ចំណុចមុខបុរីអ័រគីដេ សង្កាត់ក្រាំងធ្នង់ ខណ្ឌសែនសុខ បានជ្រុលទៅបុកបង្គោលស្លាកលេខកំណត់ល្បឿនផ្លូវបាក់១ដើម ហើយរថយន្តនៅតែលឿនទៅមុខរួចបុកម៉ូតូសណ្ដោងរ៉ឺម៉កដឹកទឹកសុទ្ធនិងកាហ្វេ១គ្រឿងទៀត បណ្ដាលឲ្យក្មេងស្រីអាយុ១៤ឆ្នាំម្នាក់រងរបួសធ្ងន់ ។ រថយន្តព្រូសនោះបានរងការខូចខាតខ្ទេចមុខ យ៉ាងដំណំ ប៉ុន្តែស្ត្រីខាងលើនៅតែព្យាយាមបើករត់ទៅមុខ ហើយបានចម្ដាយ១០០ម៉ែត្រទៀត ទើបឈប់រួចបើកទ្វារចុះយួរកូនកាបបូប១រត់គេចខ្លួន ហើយគាត់បាននិយាយថា អត់មានលុយដោះស្រាយ គាត់ទៅរកលុយយកមកដោះស្រាយ ។
ក្រោយពេលកើតហេតុ កូនៗរបស់ស្ត្រីអ្នកបើកបររថយន្តព្រូសនេះ បាននាំគ្នាធ្វើដំណើរទៅកាន់កន្លែងកើតហេតុ ដើម្បីដោះស្រាយជាមួយភាគីរងគ្រោះទាំងអស់ ហើយនិយាយថា ម្ដាយខ្លួនមានជំងឺសរសៃប្រសាទ ហើយផឹកស្រាទៀត ។
ក្រោយពីផឹកស្រាស្រវឹង ក៏បានរករឿងឈ្លោះនិងជេរកូនៗ បន្ទាប់មក ក៏បានយករថយន្តម៉ាកតូយ៉ួតាព្រូស១គ្រឿងខាងលើចេញពីផ្ទះ ហើយក្រោយមកក៏ជួបគ្រោះថ្នាក់ចរាចរណ៍បែបនេះតែម្ដង៕
ចែករំលែកព័តមាននេះ