រាជធានីភ្នំពេញ ៖ ជនសង្ស័យលួច ឆក់ ប្លន់ គាស់ផ្ទះ ហិង្សាដោយចេតនា ,កាន់កាប់អាវុធដោយខុសច្បាប់និងផ្សំគំនិត ចំនួនចំនួន៣៦នាក់រួមនិងវត្ថុតាងជាច្រើន ត្រូវបានកម្លាំងនគរបាលជំនាញនៃស្នងការនគរបាលរាជធានីភ្នំពេញនិងនៅតាមបណ្ដាខណ្ឌនានាយកមកបង្ហាញមុខជាសាធារណៈរួមគ្នាកាលពីព្រឹកថ្ងៃទី១៥ខែឧសភាឆ្នាំ២០២៥…
រាជធានីភ្នំពេញ ៖ ជនសង្ស័យលួច ឆក់ ប្លន់ គាស់ផ្ទះ ហិង្សាដោយចេតនា ,កាន់កាប់អាវុធដោយខុសច្បាប់និងផ្សំគំនិត ចំនួនចំនួន៣៦នាក់រួមនិងវត្ថុតាងជាច្រើន ត្រូវបានកម្លាំងនគរបាលជំនាញនៃស្នងការនគរបាលរាជធានីភ្នំពេញនិងនៅតាមបណ្ដាខណ្ឌនានាយកមកបង្ហាញមុខជាសាធារណៈរួមគ្នាកាលពីព្រឹកថ្ងៃទី១៥ខែឧសភាឆ្នាំ២០២៥ បន្ទាប់ពីស្រាវជ្រាវបង្ក្រាបបានជាបន្តបន្ទាប់ចំនួន១២ករណីក្នុងរយៈពេល៣ថ្ងៃនេះ។
លោកឧត្តមសេនីយ៍ត្រី ប៊ុត សត្យា ស្នងការរងនគរបាលរាជធានីភ្នំពេញទទួលផែនការងារព្រហ្មទណ្ឌ បានអោយដឹងថា ដោយទទួលបទបញ្ជាដ៍ម៉ឺងម៉ាត់ពីលោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ,កម្លាំងនគរបាលការិយាល័យព្រហ្មទណ្ឌកម្រិតធ្ងន់និងការិយាល័យព្រហ្មទណ្ឌកម្រិតស្រាលបានសហការជាមួយអធិការដ្ឋានខណ្ឌទាំង១៤ធ្វើការស្រាវជ្រាវបង្ក្រាប បង្ក្រាបបទល្មើសជាក់ស្តែងជាបន្តបន្ទាប់។
តាមរបាយការណ៍របស់នគរបាលព្រហ្មទណ្ឌនៃស្នងការនគរបាលរាជធានីភ្នំពេញបានឱ្យដឹងថា នៅក្នុង រយះពេល៣ថ្ងៃគិតពីថ្ងៃ ១៣ដល់ថ្ងៃទី១៥ ឧសភា ឆ្នាំ២០២៥ ជាលទ្ធផលបង្ក្រាប សរុប ១២ករណី ដោយឃាត់ខ្លួនជនសង្ស័យ ៣៦នាក់ ។នៅក្នុងនោះជនសង្ស័យដែលមានសារធាតុញៀន ០៧នាក់, ជនជាតិចិន ០១នាក់,ស្រី ០១នាក់ និងជាមុខសញ្ញាចាស់០១នាក់ ។
តាមរបាយការណ៍បានឲ្យដឹងទៀតថា នៅក្នុងចំណោមជនសង្ស័យទាំង៣៦ នាក់ក្នុងនោះមាន-ករណីហិង្សាដោយចេតនាមានស្ថានទម្ងន់ទោស -០២ករណីឃាត់ខ្លួន១៤នាក់ (ក្មេងទំនើងក្រុមឈ្មោះក្រុមយើងស្រលាញ់គ្នានិងក្រុមអេលាន) ,ករណីលួច០៥ករណីឃាត់ខ្លួន ០៩នាក់(មានសារធាតុញៀន០៧នាក់) ,ករណីគាស់ផ្ទះ០១ករណីឃាត់ខ្លួន០២នាក់ ,ករណីឆក់០១ករណីឃាត់ខ្លួន០១នាក់(មុខសញ្ញាចាស់ចេញពីពន្ធនាគារ),.ករណីកាន់កាប់អាវុធខុសច្បាប់(កាំបិត,ដាវកែច្នៃ និងអាវុធ)០២ករណីឃាត់ខ្លួន០៥នាក់ (ក្មេងទំនើងឈ្មោះក្រុមទឹកញ្ចប់TKJ)មានជនជាតិចិន១នាក់,ករណីកាប់ប្លន់យកម៉ូតូនិងផ្សំគំនិតនិងទទួលផលចំនួន០១ករណីឃាត់ខ្លួន០៥នាក់ ។
តាមនគរបាលបានឱ្យដឹងទៀតថា នៅក្នុងចំណោមជនសង្ស័យទាំងនោះនគរបាលការិយាល័យព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញបង្ក្រាបបានចំនួន ១ករណី ឃាត់ខ្លួន ១០នាក់ ករណីហិង្សាដោយចេតនាមានស្ថានទម្ងន់ទោស (ក្មេងទំនើងក្រុមឈ្មោះ ក្រុមយើងស្រលាញ់គ្នា និងក្រុមអេលាន),។
នគរបាលខណ្ឌដូនពេញបង្ក្រាបបាន ០២ករណី ឃាត់ខ្លួន ០២នាក់ ,ស្រី១នាក់ លួចទូរស័ព្ទដៃ និងលួចគ្រឿងអលង្ការសរុបទឹកប្រាក់ចំនួន៤០០០$។នគរបាលខណ្ឌសែនសុខសហការជាមួយនគរបាលការិយាល័យព្រហ្មទណ្ឌកម្រិតធ្ងន់បង្ក្រាបបាន ០១ករណី ឃាត់ខ្លួន ០២នាក់ (លួចមានស្ថានទម្ងន់ទោសគាស់ផ្ទះលួចយកទ្រព្យសម្បត្តិ និងកាន់កាប់ អាវុធខុសច្បាប់) ។
នគរបាលខណ្ឌ៧មករាបង្ក្រាបបាន០១ ករណីឃាត់ខ្លួន ០១នាក់ កាន់កាប់អាវុធដោយគ្មានការអនុញ្ញាត(ផ្ទុះគ្រាប់អាវុធចំនួន០២គ្រាប់ (ជនជាតិចិន) ។នគរបាលខណ្ឌពោធិសែនជ័យបង្ក្រាបបាន០១ ករណីឃាត់ខ្លួន០១នាក់ ឆក់ទូរស័ព្ទដៃ (មុខសញ្ញាចាស់ចេញពីពន្ធនាគារ),។នគរបាលខណ្ឌទួលគោកបង្ក្រាបបាន ០២ករណីឃាត់ខ្លួនចំនួន០៨នាក់ក្នុងនោះមាន៖ករណីហិង្សាដោយចេតនាមានស្ថានទម្ងន់ទោស ១ករណី ចំនួន៤នាក់ (ក្មេងទំនើង),ករណីលួចទូរស័ព្ទដៃ ១ករណីចំនួន ៤នាក់ ។
នគរបាលខណ្ឌច្បាប់អំពៅបង្ក្រាបបាន ០១ករណីឃាត់ខ្លួន ០១នាក់ (លួចកុងទ័រទឹក)។នគរបាលខណ្ឌដង្កោបង្ក្រាបបាន ០២ករណីឃាត់ខ្លួន ០៦នាក់ក្នុងនោះមាន ករណីកាន់កាប់អាវុធខុសច្បាប់(កាំបិត និងដាវកែច្នៃ) ១ករណីចំនួន ៤នាក់ (ក្មេងទំនើងឈ្មោះក្រុមទឹក កញ្ចប់TKJ) ,ករណីលួច (ឆ្កឹះសោទ្វារផ្ទះលួចយកទ្រព្យសម្បត្តិ) ចំនួន១ករណី ២នាក់និងនគរបាលខណ្ឌព្រែកព្នៅ បង្ក្រាបបាន០១ករណីឃាត់ខ្លួនចំនួន ០៥នាក់ ករណីកាប់ប្លន់យកម៉ូតូផ្សំគំនិតនិងទទួលផល ។
ជនសង្ស័យទាំង៣៦នាក់ត្រូវបានកម្លាំងនគរបាលជំនាញការិយាល័យព្រហ្មទណ្ឌកំរិតស្រាលនិងនគរបាលនៅតាមបណ្ដាខណ្ឌទាំង៩ដែលជាម្ចាស់ករណីបង្ក្រាបបាន កសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញដើម្បីចាត់ការតាមច្បាប់ ៕
ចែករំលែកព័តមាននេះ