រាជធានីភ្នំពេញ ៖ កម្លាំងនគរបាលខណ្ឌដង្កោ សហការជាមួយកម្លាំងប៉ុស្តិ៍នគរបាលរដ្ឋបាលពងទឹក និងប៉ុស្តិ៍នគរបាលរដ្ឋបាលព្រៃវែង ដឹកនាំដោយលោកវរសេនីយ៍ឯកជឹម ស៊ីថា អធិការនគរបាលខណ្ឌដង្កោ បានធ្វើការបង្ក្រាបក្រុមក្មេងទំនើ.ង១ក្រុម ដែលមានរហស្សនាម«ទឹកកញ្ចប់…
រាជធានីភ្នំពេញ ៖ កម្លាំងនគរបាលខណ្ឌដង្កោ សហការជាមួយកម្លាំងប៉ុស្តិ៍នគរបាលរដ្ឋបាលពងទឹក និងប៉ុស្តិ៍នគរបាលរដ្ឋបាលព្រៃវែង ដឹកនាំដោយលោកវរសេនីយ៍ឯកជឹម ស៊ីថា អធិការនគរបាលខណ្ឌដង្កោ បានធ្វើការបង្ក្រាបក្រុមក្មេងទំនើ.ង១ក្រុម ដែលមានរហស្សនាម«ទឹកកញ្ចប់ (TKJ)» ដោយឃាត់ខ្លួនបានចំនួន៤នាក់ ព្រមទាំងដកហូតបានកាំបិតនិងដាវកែច្នៃ ដែលជាអាវុធរបស់ក្រុមនេះ ទុកសម្រាប់ប្រយុទ្ធជាមួយគូសត្រូវរបស់ក្រុមខ្លួន ។
ការបង្ក្រាបក្រុមក្មេងទំនើ.ងខាងលើ បានធ្វើឡើងកាលពីវេលាម៉ោង៥ល្ងាច ថ្ងៃទី១២ ខែឧសភា ឆ្នាំ២០២៥ នៅត្រង់ចំណុចវាលស្រែ ស្ថិតនៅតាមផ្លូវលំភូមិព្រៃវែងកើត សង្កាត់ព្រៃវែង ខណ្ឌដង្កោ រាជធានីភ្នំពេញ ។
ក្មេងទំនើ.ងទី១ -ឈ្មោះ ម៉ន សេងហេង ហៅតុងហេង ភេទប្រុស អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅភូមិទួលសំបូរ សង្កាត់ព្រៃវែង ខណ្ឌដង្កោ ។ ទី២-ឈ្មោះ ផល ម៉ារ៉ា ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិតាឡី សង្កាត់ដង្កោ ខណ្ឌដង្កោ ។ ទី៣-ឈ្មោះ តាន់ សុវណ្ណាតារា ហៅ ឌូ ភេទប្រុស អាយុ១៩ឆ្នាំ ជនជាតិខ្មែរ មានទីលំនៅភូមិតាំងរនាម សង្កាត់ប្រទះឡាង ខណ្ឌកំបូល រាជធានីភ្នំពេញ ។ ទី៤-ឈ្មោះ ជ័យ រតនា ភេទប្រុស អាយុ១៦ឆ្នាំ ជនជាតិខ្មែរ មានទីលំនៅភូមិព្រៃកី«ខ» សង្កាត់ពងទឹក ខណ្ឌដង្កោ ។
នគរបាលដកហូតវត្ថុតាងដាវកែច្នៃ ប្រវែង៦៦សង់ទីម៉ែត្រ០១ដើម, កាំបិតប្រវែង៤០សង់ទីម៉ែត្រ០១ដើម ,ទូរស័ព្ទចំនួន០៣គ្រឿង ,ម៉ូតូ០១គ្រឿង ,និងទូរស័ព្ទដៃ ។
នគរបាលបានប្រាប់ថា នៅវេលាម៉ោងខាងលើកម្លាំងនគរបាលខណ្ឌដង្កោ បានសហការជាមួយកម្លាំងប៉ុស្តិ៍នគរបាលរដ្ឋបាលពងទឹក និងប៉ុស្តិ៍នគរបាលរដ្ឋបាលព្រៃវែង ក្រោមការដឹកនាំដោយលោកវរសេនីយ៍ឯកជឹម ស៊ីថា អធិការនគរបាលខណ្ឌដង្កោបានជិះម៉ូតូល្បាតក្នុងមូលដ្ឋាន ។
ខណៈនោះ បានល្បាតតាមផ្លូវប្រឡាយបុរីបុស្បា ស្ថិតនៅភូមិត្រពាំងចក សង្កាត់ព្រៃវែង ខណ្ឌដង្កោ ស្រាប់តែក៏ប្រទះឃើញក្មេងទំនើងទាំង០៤នាក់ខាងលើ ជិះម៉ូតូ០១គ្រឿងឌុបគ្នា តាមផ្លូវនោះដែរ និងប្រដាប់ដោយកាំបិ.ត និងដាវកែច្នៃក្នុងដៃ ។
នគរបាលបានប្រាប់ទៀតថា ឃើញដូចនេះ នគរបាលក៏បានហៅឲ្យឈប់ ប៉ុន្តែក្មេងទំនើ.ងខាងលើ មិនព្រមឈប់ឡើយ ហើយបានបើកម៉ូតូគេចខ្លួន ពេលនោះកម្លាំងក៏បានដេញតាមរហូតឃាត់ខ្លួនបានទាំង០៤នាក់ រួចនាំទៅធ្វើការសាកសួរ នៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ