ខេត្តកណ្ដាល ៖ ក្រុមជួញដូរគ្រឿងញៀនយ៉ាងសកម្ម ក្នុងភូមិសាស្ត្រក្រុងសំពៅពូន ត្រូវបានកម្លាំងជំនាញធើ្វការស្រាវជ្រាវឃាត់ខ្លួនជាបន្តបន្ទាប់បានចំនួន៦នាក់ បញ្ចូនទៅកាន់តុលាការ ។ ប្រតិបត្តិការបង្ក្រាបក្រុមជួញដូរគ្រឿងញៀន ធើ្វឡើងកាលពីវេលាម៉ោង១៤ និង៣០នាទីថ្ងៃទី០៨…
ខេត្តកណ្ដាល ៖ ក្រុមជួញដូរគ្រឿងញៀនយ៉ាងសកម្ម ក្នុងភូមិសាស្ត្រក្រុងសំពៅពូន ត្រូវបានកម្លាំងជំនាញធើ្វការស្រាវជ្រាវឃាត់ខ្លួនជាបន្តបន្ទាប់បានចំនួន៦នាក់ បញ្ចូនទៅកាន់តុលាការ ។
ប្រតិបត្តិការបង្ក្រាបក្រុមជួញដូរគ្រឿងញៀន ធើ្វឡើងកាលពីវេលាម៉ោង១៤ និង៣០នាទីថ្ងៃទី០៨ ខែឧសភា ឆ្នាំ២០២៥ ស្ថិតនៅភូមិកំពង់ថ្កុល សង្កាត់សំពៅពូន ក្រុងសំពៅពូន ខេត្តកណ្តាល ។
បើតាមយោងការបញ្ជាក់ពីសមត្ថកិច្ច បានឲ្យដឹងថា បន្ទាប់ពីទទួលបានព័ត៌មានភ្លាម កម្លាំងផ្នែកជំនាញប្រឆាំងគ្រឿងញៀនអធិការដ្ឋាននគរបាលក្រុងសំពៅពូន បានចុះបង្ក្រាបទីតាំងជួញដូរគ្រឿងញៀនយ៉ាងសកម្ម នៅក្នុងភូមិសាស្ត្រ សង្កាត់សំពៅពូន ក្រុងសំពៅពូន ធ្វើការឃាត់ខ្លួនជនសង្ស័យ បានចំនួន០៦នាក់ និងឆែកឆេររកឃើញគ្រឿងញៀនថ្នាំញៀន (ម៉ាទឹកកក) ចំនួន១៣កញ្ចប់ ធំចំនួន២កញ្ចប់ តូចចំនួន១១កញ្ចប់ (ទម្ងន់សរុប២៥,៩៨ក្រាម) ម្សៅខេ ចំនួន០១កញ្ចប់តូច (ទម្ងន់សរុប០,៨២ក្រាម) ម៉ូតូចំនួន០៣គ្រឿង និងដាវចំនួន០២ដើម ជារបស់ឈ្មោះ តេះ សុភ័ណ្ឌ រួចកម្លាំងសមត្ថកិច្ចបានយកមកអធិការដ្ឋាននគរបាលក្រុងសំពៅពូន ដើម្បីធ្វើការសួរនាំ ។
បន្ទាប់ពីសាកសួរនាំរួចជនសង្ស័យឈ្មោះ តេះ សុភ័ណ្ឌ បានឆ្លើយសារភាពថា គ្រឿងញៀនខាងលើ គឺជារបស់ខ្លួនពិតប្រាកដមែន ព្រោះគ្រឿងញៀននេះ ខ្លួនបានទិញពីឈ្មោះ ជ្រុន សំណាង ភេទប្រុស អាយុប្រហែល៣៧ឆ្នាំ ជនជាតិខ្មែរ ស្នាក់នៅភូមិកោះទៀវ សង្កត់សំពៅពូន ក្រុងសំពៅពូន ខេត្តកណ្តាល ។
ក្រោយពីបានធ្វើការសួរនាំរួចកម្លាំងផ្នែកជំនាញ បានបន្តទៅរកឈ្មោះ ជ្រុន សំណាង ដែលជាអ្នកលក់ថ្នាំញៀនឲ្យឈ្មោះ តេះ សុភ័ណ្ឌ តែរកមិនឃើញបានគេចខ្លួនចេញពីមូលដ្ឋានបាត់។ តាមការស៊ើបអង្កេតសាវជ្រាវ និងដាក់កម្លាំងឃ្លាំមើលរបស់ផ្នែកជំនាញកន្លងមកបានឃើញថា ជនសង្ស័យ០៥នាក់ ខាងលើធ្វើសកម្មភាពក្នុងការជួញដូរដឹកជញ្ជូនថ្នាំញៀនអោយគេ យ៉ាងសកម្ម នៅក្នុងភូមិសាស្ត្រ ។
បច្ចុប្បន្ន ជនសង្ស័យខាងលើទាំង០៦នាក់ រួមជាមួយវត្ថុតាង ត្រូវបញ្ចូនទៅកាន់តុលាការ ដើម្បីកសាងសំណុំរឿងចាត់ការទៅតាមនីតិវិធីច្បាប់ ៕
ចែករំលែកព័តមាននេះ