រាជធានីភ្នំពេញ ៖ សម្តេចប្រធានរដ្ឋសភាកម្ពុជា បានគូសបញ្ជាក់ថា រដ្ឋសភាកម្ពុជាបានកំពុងជំរុញការកសាងភាពជាដៃគូរវាងផ្នែកសាធារណៈ និងឯកជនក្នុងការលើកកម្ពស់សេវាសង្គម ការព្យាបាល ថែទាំសុខភាព និងការអភិវឌ្ឍធនធានមនុស្ស ។…
រាជធានីភ្នំពេញ ៖ សម្តេចប្រធានរដ្ឋសភាកម្ពុជា បានគូសបញ្ជាក់ថា រដ្ឋសភាកម្ពុជាបានកំពុងជំរុញការកសាងភាពជាដៃគូរវាងផ្នែកសាធារណៈ និងឯកជនក្នុងការលើកកម្ពស់សេវាសង្គម ការព្យាបាល ថែទាំសុខភាព និងការអភិវឌ្ឍធនធានមនុស្ស ។
សម្តេចប្រធានរដ្ឋសភា បានលើកឡើងបែបនេះនៅក្នុងឱកាសអញ្ជើញបើកសិក្ខាសាលាស្ដីពី «ការឈ្វេងយល់ពីកបខ័ណ្ឌយុទ្ធសាស្ត្រកម្ពុជា ២០២៤-២០៣០: ពន្ធលឿនការអនុវត្ដកម្មវិធី សកម្មភាពនៃសន្និសីទអន្តរជាតិស្ដីពី ប្រជាជន និងអភិវឌ្ឍន៍ (ICPD) នៅវិមានរដ្ឋសភា នាព្រឹកថ្ងៃទី១២ ខែឧសភា ឆ្នាំ២០២៥ ។
សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានមានប្រសាសន៍ថា រដ្ឋសភានីតិកាលទី៧ បានកំពុងជំរុញដល់ការកសាងភាពជាដៃគូរវាងផ្នែកសាធារណៈ និងឯកជនក្នុងការលើកកម្ពស់សេវាបង្ការ ព្យាបាល និងថែទាំសុខភាព ឈរលើគោលការណ៍ផលប្រយោជន៍សុខភាពសាធារណៈ និងធុរកិច្ច ដោយផ្តោតលើការផ្តល់សេវា សុខាភិបាល ការអភិវឌ្ឍសមត្ថភាព ធនធានមនុស្ស សុខាភិបាល និងការប្រើប្រាស់បច្ចេកវិទ្យា សុខាភិបាលឌីជីថលជាដើម ។
បន្ថែមពីនេះ រដ្ឋសភាក៏បានកំពុងជំរុញការស្រឡាញ់សុខភាព ការអនុវត្តទម្លាប់ល្អនាំមកនូវសុខភាព ក្រោមទិសដៅស្លោកថា «ពលរដ្ឋមានសុខភាពល្អ កម្ពុជាបវររុងរឿង» ។ ឆ្លៀតនៅក្នុងឱកាសនោះ សម្តេចប្រធានរដ្ឋសភា បានថ្លែងអំណរគុណជូនសមាជិកសមាជិការដ្ឋសភាដៃគូអភិវឌ្ឍន៍នានា ថ្នាក់ដឹកនាំ និងមន្ត្រីអគ្គលេខាធិការដ្ឋានរដ្ឋសភា និងព្រឹទ្ធសភា ដែលតែងតែចូលរួមយ៉ាងសកម្មនៅក្នុងសិក្ខាសាលា និងវេទិកានានាដែលរដ្ឋសភាបានរៀបចំឡើងដែលបង្ហាញឱ្យឃើញពីការរួមសហការគ្នាយ៉ាងជិតស្និទ្ធក្នុងស្មារតីទទួលខុសត្រូវ ចំពោះប្រជាពលរដ្ឋនៅក្នុងការស្វែងយល់ ចង់ដឹងចង់ចេះដោយមិនចេះនឿយហត់ ដែលជាកត្តាសំខាន់ជំរុញធ្វើឱ្យសភាកម្ពុជា បម្រើផលប្រយោជន៍ជូនពលរដ្ឋកាន់តែមានប្រសិទ្ធភាព ។
សម្តេចរដ្ឋសភាធិបតី បានគូសបញ្ជាក់ថា សិក្ខាសាលាថ្ងៃនេះជាព្រឹត្តិការណ៍ដ៏សំខាន់មួយទៀត និងសមស្របបំផុតសម្រាប់សមាជិកសមាជិកាព្រឹទ្ធសភា រដ្ឋសភា និងភាគីពាក់ព័ន្ធបានស្វែងយល់ពីវឌ្ឍនភាព សមិទ្ធផល និងបញ្ហាប្រឈមនានា ជាពិសេសឱកាសក្នុងការជជែកពិភាក្សា និងផ្លាស់ប្តូរយោបល់ទស្សនៈ សំដៅរួមគ្នាស្វែងរកនូវវិធីសាស្ត្រ និងដំណោះស្រាយសមស្រប ក្នុងការដោះស្រាយបញ្ហាប្រឈម ដែលនៅសេសសល់ក្នុងការអនុវត្តផែនការសកម្មភាពនៃសន្និអន្តរជាតិស្តីពីប្រជជន និងអភិវឌ្ឍន៍(ICPD)ក្នុងរយៈពេល៣០ឆ្នាំកន្លងមកនេះក៏ដូចជា ឈានទៅម្រេចបានគោលដៅអភិវឌ្ឍន៍ប្រកបដោយចីរភាព នៅឆ្នាំ២០២៣០ ដែលមានដូចជា ការសម្រេចពុំមានភាពក្រីក្រ គ្រោះស្រេកឃ្លានស្មើសូន្យ សុខភាព និងសុខុមាលភាព មាំមួន ការអប់រំប្រកបដោយគុណភាព សមភាពយេនឌ័រ ការងារសមរម្យ និងកំណើនសេដ្ឋកិច្ច និងភាពជាដៃគូ ដើម្បីសម្រេចគោលដៅអភិវឌ្ឍន៍ ដោយចីរភាពជាដើម ៕
ចែករំលែកព័តមាននេះ