ខេត្តបាត់ដំបង ៖ លំនៅឋានដ៏ធំមួយខ្នង ត្រូវអគ្គិភ័យលេបត្របាក់យកអស់គ្មានសល់ នៅតែគ្រោងឆ្អឹង ពេលម្ចាស់មិនបាននៅ ដែលគេសង្ស័យ បង្កឡើងពីការទុស្សេខ្សែចរន្តអគ្គិសនី កាលពីល្ងាចថ្ងៃទី១១ ឧសភា…
ខេត្តបាត់ដំបង ៖ លំនៅឋានដ៏ធំមួយខ្នង ត្រូវអគ្គិភ័យលេបត្របាក់យកអស់គ្មានសល់ នៅតែគ្រោងឆ្អឹង ពេលម្ចាស់មិនបាននៅ ដែលគេសង្ស័យ បង្កឡើងពីការទុស្សេខ្សែចរន្តអគ្គិសនី កាលពីល្ងាចថ្ងៃទី១១ ឧសភា នៅចំណុចភូមិព្រៃលាវ ឃុំបន្សាយត្រែង ស្រុកថ្មគោល ។
សេចក្ដីរាយការណ៍បានឲ្យដឹងថា លំនៅឋានដែលរងការខូចខាតដោយអគ្គិភ័យនោះ ធ្វើពីថ្មក្រោម ឈើលើប្រក់ស័ង្កសី មានទំហំ ៦ម៉x៧ម៉ ដែលម្ចាស់ឈ្មោះ ម៉ៅ ចាប ភេទប្រុស អាយុ៥៥ឆ្នាំ ។ អគ្គិភ័យបានកើតឡើងនៅពេលម្ចាស់ផ្ទះបិទទ្វារទុកចោល តែគេមិនដឹងថា ម្ចាស់ផ្ទះនេះទៅណាទេ ?
លុះផ្ទះត្រូវភ្លើងឆេះពេញបន្ទុកទៅហើយ ទើបឃើញម្ចាស់ផ្ទះមកដល់ បានត្រឹមឈរសោកសង្រែងប៉ុណ្ណោះ ។ អធិការស្រុកថ្មគោល លោក សេង លុច បាននិយាយថា ច្រកចូលទៅកាន់ទីតាំងកើតហេតុ មានស្ថានភាពតូចចង្អៀត មិនអាចឲ្យរថយន្តពន្លត់អគ្គិភ័យចូលជួយអន្តរាគមន៍បានទេ ។
លោកថា រថយន្តបានត្រឹមបាញ់ទឹកជួយទប់ស្គាត់ពីចម្ងាយ ការពារមិនឲ្យឆេះរាលដាលប៉ុណ្ណោះ ដូច្នេះហើយទើបមិនអាចជួយសង្គ្រោះលំនៅឋាននោះបាន។ បើតាមយោងតាមរបាយការណ៍របស់សមត្ថកិច្ច តុល្យការនៃការខូចខាតដោយសារអគ្គិភ័យនេះរួមមាន ៖ ខូចខាតលំនៅឋានមួយខ្នងស្ទើរទាំងស្រុង ទ្រព្យសម្បត្តិទាំងអស់នៅក្នុងផ្ទះ រួមទាំងប្រាក់ចំនួនជិត១លានរៀលផង រីឯឯកសារគ្រួសារក៏ត្រូវព្រះអគ្គីលេបយកទាំងអស់ដែរ ដែលសរុបទឹកប្រាក់ខាតបង់ប្រមាណ១៤លានរៀល ។
លោក សេង សុច អធិការស្រុកថ្មគោលបានស្រង់សម្ដីម្ចាស់ផ្ទះ និងអ្នកជិតខាង រួមទាំងការចុះពិនិត្យជាក់ស្ដែងរបស់មន្ត្រីជំនាញផង បានធ្វើការសន្និដ្ឋានជាបឋបថា «អគ្គិភ័យនេះ ទំនងអាចបណ្ដាលមកពីការទុស្សេខ្សែចរន្តអគ្គិសនី» ដែលម្ចាស់ផ្ទះពុំបានត្រូតពិនិត្យត្រឹមត្រូវ មុនពេលចាកចេញពីផ្ទះ៕
ចែករំលែកព័តមាននេះ