រាជធានីភ្នំពេញ៖ បុរសជនជាតិចិនម្នាក់ ត្រូវបាននគរបាលនៃអធិការដ្ឋាននគរបាលខណ្ឌ៧មករា ឃាត់ខ្លួន ក្រោយទាញកាំភ្លើងខ្លី បាញ់គំរាមចំនួន០២គ្រាប់ គ្រាន់តែសន្តិសុខ ហាមមិនអោយជក់បារីពេលចូលក្នុងហាងភោជនីយដ្ឋាន បង្កការភ្ញាក់ផ្អើល។ ហេតុការណ៍នេះ…
រាជធានីភ្នំពេញ៖ បុរសជនជាតិចិនម្នាក់ ត្រូវបាននគរបាលនៃអធិការដ្ឋាននគរបាលខណ្ឌ៧មករា ឃាត់ខ្លួន ក្រោយទាញកាំភ្លើងខ្លី បាញ់គំរាមចំនួន០២គ្រាប់ គ្រាន់តែសន្តិសុខ ហាមមិនអោយជក់បារីពេលចូលក្នុងហាងភោជនីយដ្ឋាន បង្កការភ្ញាក់ផ្អើល។
ហេតុការណ៍នេះ បង្កឡើងកាលពីវេលាម៉ោង២និង៥០នាទីរំលងអាធ្រាតឈានចូល ថ្ងៃទី១១ ខែ ឧសភា ឆ្នាំ ២០២៥ នៅចំណុចមុខ ហាងចិន (ផ្ទះបាយ ជៀស៊ាំង) ផ្លូវ២៣២កែង១១១ សង្កាត់បឹងព្រលិត ខណ្ឌ៧មករា រាជធានីភ្នំពេញ ។
បុរសជនជាតិចិនមានឈ្មោះ លី ជែម៉ុង ភេទប្រុសអាយុ ៣៤ឆ្នាំ បុគ្គលិក ហួយវ័នផេ និងស្នាក់នៅបន្ទប់លេខ៥០៤ជាន់ទី៥ អគារហួយវ័នផេ ។
បើតាមប្រភពព័ត៌មានពីបុគ្គលិកខាងក្នុងហាងបានបញ្ជាក់ថា មុនពេលកើតហេតុ គាត់បានឃើញ បុរសជនជាតិចិនម្នាក់ បានដកបារីចេញពីហោប៉ាវ រួចទាញដែកកេះអុច បម្រុងនឹង ជក់ ប៉ុន្តែស្របពេលនោះសន្តិសុខ បានដើរទៅហាមមិនអោយជក់បារីពេលចូលក្នុងហាងភោជនីយដ្ឋានឡើយ ។ ភ្លាមៗ ជនជាតិចិនខាងលើ ស្រាប់តែ ទាញកាំភ្លើងខ្លីចេញពីចង្កេះ បាញ់ឡើងលើមេឃ ចំនួន០២គ្រាប់ ដើម្បីគម្រាម ធ្វើអោយមានការភ្ញាក់ផ្អើល ស្របពេលនោះ បុគ្គលិកក្នុងហាង ក៏ធ្វើការរាយការណ៍ជូន នគរបាលចុះជួញអន្តគមន៍ឃាត់ខ្លួន យកទៅសួរនាំភ្លាមៗតែម្តង ។
ជាក់ស្តែងកម្លាំង បានដកហូតសម្ភារៈ និងវត្ថុតាងរួមមាន អាវុធខ្លីម៉ាក GLOCK19 , គ្រាប់កាំភ្លើងចំនួន០៨គ្រាប់, សំបកគ្រាប់ចំនួន0២គ្រាប់ រួមនឹង ទូរស័ព្ទដៃម៉ាកអាយIPHONE 7 ពណ៌ផ្កាឈូក និងទូរស័ព្ទដៃម៉ាក IPHONE 15promax ពណ៌ខ្មៅ ។
បច្ចុប្បន្ន ជនសង្ស័យខាងលើ ត្រូបនគរបាលខណ្ឌ៧មករា កសាងសំណុំរឿងបញ្ជូនទៅតុលាការដើម្បីអនុវត្តតាមនីតិវិធីច្បាប់ ៕
ចែករំលែកព័តមាននេះ