រាជធានីភ្នំពេញ ៖ នគរបាលព្រហ្មទណ្ឌស្រាលក្រុងស្រាវជ្រាវបង្ក្រាបជនសង្ស័យ០៣នាក់ សកម្មភាពលួចដោយយកមួកកាសវា.យប្ល.ន់យកម៉ូតូ ។ ប្រតិបត្តិការណ៍បង្ក្រាបនេះដែរ បានធ្វើឡើង កាលពីវេលាម៉ោង០៧យប់ ថ្ងៃទី១០ ខែឧសភានេះ…
រាជធានីភ្នំពេញ ៖ នគរបាលព្រហ្មទណ្ឌស្រាលក្រុងស្រាវជ្រាវបង្ក្រាបជនសង្ស័យ០៣នាក់ សកម្មភាពលួចដោយយកមួកកាសវា.យប្ល.ន់យកម៉ូតូ ។
ប្រតិបត្តិការណ៍បង្ក្រាបនេះដែរ បានធ្វើឡើង កាលពីវេលាម៉ោង០៧យប់ ថ្ងៃទី១០ ខែឧសភានេះ នៅចំណុចអង់តែនទួលគោក ដែលស្ថិតក្នុងមូលដ្ឋានខណ្ឌទួលគោក រាជធានីភ្នំពេញ ។
ជនសង្ស័យទាំង០៣នាក់ មានឈ្មោះ សំ លាភ ហេង ហៅហេង ភេទប្រុស អាយុ១៧ឆ្នាំ , ឈ្មោះ គួន ហ៊ុនឆៃហៀង ភេទប្រុស អាយុ១៧ឆ្នាំ , ឈ្មោះ អ៊ុន វឌ្ឍនា ហៅម៉ី ភេទប្រុស អាយុ១៦ឆ្នាំ ។
លោក ឧត្តមសេនីយ៍ត្រី ប៊ុត សត្យា ស្នងការរងបានអោយដឹងថា ដោយមានបទបញ្ជាពី ឯកឧត្ដម ឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ចេញកម្លាំងជំនាញព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ អោយបើកការស្រាវជ្រាវបង្ក្រាប បន្ទាប់ពីមានជនសង្ស័យ០៣នាក់ ធ្វើសកម្មភាពលួច ដោយវា.យប្ល.ន់យកម៉ូតូនៅចំណុចផ្លូវបេតុង ក្នុងសង្កាត់គោកឃ្លោង ខណ្ឌសែនសុខ រាជធានីភ្នំពេញ កាលពីថ្ងៃទី០៦ ខែឧសភា ឆ្នាំ២០២៥ វេលាម៉ោង០២នឹង២០នាទីយប់ទាបភ្លឺ ។
លោកវរេសនីយ៍ឯក ម៉ម សាវន នាយការិយាល័យព្រហ្មទណ្ឌបានអោយដឹងថា សមត្ថកិច្ច បានប្រើរយៈពេល០៤ថ្ងៃ ក្នុងការស្រាវជ្រាវចុះបង្ក្រាបឃាត់ខ្លួនជនសង្ស័យចំនួន០៣នាក់ នៅចំណុចអង់តែនទួលគោក ដែលនៅក្នុងខណ្ឌទួលគោក ។ បច្ចុប្បន្នជនសង្ស័យ និងវត្ថុតាងខាងលើកម្លាំងជំនាញការិយាល័យកំពុងឃាត់ខ្លួនបណ្តោះអាសន្ន ដើម្បីសួរនាំ ៕
ចែករំលែកព័តមាននេះ