ឯកសារផ្លូវការមួយរបស់ក្រសួងសុខាភិបាលបានបង្ហាញថា ប្រជាជនកម្ពុជាពេញវ័យជាង៨០ភាគរយ គឺហូបបន្លែ និងផ្លែឈើ និងអាហារពីរុក្ខជាតិមិនបានគ្រប់គ្រាន់ឡើយ ដោយធ្វើអោយពួកគេកាន់តែមានហានិភ័យនៃការកើតជំងឺមហារីក ។ ផែនការជាតតប្រយុទ្ធប្រឆាំងនឹងជំងឺមហារីកឆ្នាំ២០២៥ ដល់២០៣០ ដែលកោះសន្តិភាពទទួលបាននោះ…
ឯកសារផ្លូវការមួយរបស់ក្រសួងសុខាភិបាលបានបង្ហាញថា ប្រជាជនកម្ពុជាពេញវ័យជាង៨០ភាគរយ គឺហូបបន្លែ និងផ្លែឈើ និងអាហារពីរុក្ខជាតិមិនបានគ្រប់គ្រាន់ឡើយ ដោយធ្វើអោយពួកគេកាន់តែមានហានិភ័យនៃការកើតជំងឺមហារីក ។
ផែនការជាតតប្រយុទ្ធប្រឆាំងនឹងជំងឺមហារីកឆ្នាំ២០២៥ ដល់២០៣០ ដែលកោះសន្តិភាពទទួលបាននោះ បានអោយដឹងថា ការទទួលទានផ្លែឈើ បន្លែ និងអាហារពីរុក្ខជាតិផ្សេងទៀតមិនគ្រប់គ្រាន់ អាចបង្កអោយកង្វះវីតាមីន សារធាតុរ៉ែ និងសារធាតុប្រឆាំងអុកស៊ីតកម្មដែលចាំបាច់សម្រាប់បង្ការជំងឺមហារីក ។
ឯកសារនេះ និយាយទៀតថា ប៉ុន្តែ៨០,៧ភាគរយ នៃមនុស្សពេញវ័យកម្ពុជាដែលមានអាយុចន្លោះពី១៨ដល់៦៩ឆ្នាំទទួលទានផ្លែឈើ ឬបន្លែតិចជាងតម្រូវការ ។
ដោយសារតែភាពធ្ងន់ធ្ងរនៃជំងឺមហារីកនៅកម្ពុជា នាយករដ្ឋមន្ត្រីសម្តេចធិបតី ហ៊ុន ម៉ាណែត បានអំពាវនាវដល់គ្រប់ភាគីពាក់ព័ន្ធ និងប្រជាជនទាំងអស់រួមគ្នាប្រយុទ្ធប្រឆាំងនឹងជំងឺនេះ៕
ចែករំលែកព័តមាននេះ