ខេត្តកណ្តាល ៖ កម្លាំងទ័ពពិសេស៩១១ កំពុងដុតដៃជើង ដើម្បីស្វែងរកប្តីប្រពន្ធ០២នាក់ ដែលបានបាត់ខ្លួនលិចទៅក្នុងទឹកទន្លេនៅកំពង់ដរចម្លងកោះមាស កាលពីយប់មិញ រកមិនទាន់ឃើញនៅឡើយទេ គិតមកត្រឹមវេលាម៉ោង១២ថ្ងៃត្រង់ថ្ងៃទី ២៧…
ខេត្តកណ្តាល ៖ កម្លាំងទ័ពពិសេស៩១១ កំពុងដុតដៃជើង ដើម្បីស្វែងរកប្តីប្រពន្ធ០២នាក់ ដែលបានបាត់ខ្លួនលិចទៅក្នុងទឹកទន្លេនៅកំពង់ដរចម្លងកោះមាស កាលពីយប់មិញ រកមិនទាន់ឃើញនៅឡើយទេ គិតមកត្រឹមវេលាម៉ោង១២ថ្ងៃត្រង់ថ្ងៃទី ២៧ ខែមិថុនា ឆ្នាំ២០២៥ នៅចំណុចកំពង់ដរចម្លងកោះមាស ស្ថិតនៅ ភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល ។ គួររំលឹកថា ករណីលិ.ចទូកដ បា.ត់ខ្លួនប្តីប្រពន្ធ២នាក់ យប់មិញ សកម្មភាពស្វែងរុករកកំពុងតែបន្ត
ប្តីប្រពន្ធដែលបាត់ខ្លួនក្នុងហេតុការណ៍ខាងលើ រួមមាន១-ឈ្មោះ ភោគ ផុន ភេទប្រុស អាយុ ៧៧ឆ្នាំ មានទីលំនៅស្ថិតនៅកោះមាស ភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល និង២-ឈ្មោះ ព្រុំ រ៉ុង ភេទស្រី អាយុ ៧២ឆ្នាំ មានទីលំនៅស្ថិតនៅកោះមាស ភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល ។
បើយោងតាមប្រភពព័ត៍មានពីប្រជាពលរដ្ឋបានអោយដឹងថា នៅយប់ថ្ងៃទី២៦ ខែមិថុនា ឆ្នាំ ២០២៥ ជនរងគ្រោះទាំងពីរនាក់ ប្តីប្រពន្ធ តែងតែស្នាក់នៅលើទូកដរជាប្រចាំ រហូតដល់វេលាម៉ោង ៣ទៀបភ្លឺឈានចូលព្រឹកថ្ងៃទី ២៧ ខែមិថុនា ឆ្នាំ២០២៥ ទើបក្មួយរបស់គាត់មកកំពង់ដរដើម្បីចម្លងទូកដរ ស្រាប់តែមកដល់ ក៏ឃើញទូកដរក្រឡាប់ទៅហើយ ។ ភ្លាមៗនោះ ក្មួយរបស់គាត់បានឆោរឡោរហៅបងប្អូនប្រជាពលរដ្ឋលើកោះមាសឱ្យមកជួយ ព្រមទាំងរាយការណ៍មកអាជ្ញាធរឃុំ និងប៉ុស្តិ៍រដ្ឋបាលភូមិធំ ចុះមកពិនិត្យ និងរកវិធីសង្គ្រោះជនរងគ្រោះទាំងពីរនាក់ ។
ក្រោយពីបានទទួលដំណឹងខាងលើ និងបទបញ្ជារបស់លោកអធិការនគរបាលស្រុក កម្លាំងប៉ុស្តិ៍ បានសហការជាមួយអាជ្ញាធរឃុំ ភូមិ ប្រជាការពារ និង កម្លាំងប្រតិបត្តិការណ៍រុករក ៩១១ បានធ្វើការមុជទឹក ដើម្បីរាវរកជនរងគ្រោះទាំងពីរ ។
បច្ចុប្បន្នកម្លាំងពិសេស៩១១ កំពុងធ្វើការស្វែងរុករកលោកតា លោកយាយ ដែលបានបាត់ខ្លួនខាងលើនេះហើយ ។
គួរបញ្ជាក់ផងដែរថា ជនរងគ្រោះបានទិញទូកដរចម្លង ដែលលិចនេះ ក្នុងអំឡុងឆ្នាំ២០១៩ មកពីខេត្តកំពង់ឆ្នាំង ប្រើប្រាស់ដល់ឆ្នាំ២០២៤ ក៏បានជួសជុលម្តង គឺប្តូរបន្ទះដែកមួយផ្ទាំង និងមានរុនតូចៗលិច ប្រមាណជា១០ប្រលោះទៀត ដែលជនរងគ្រោះគ្រាន់តែយកក្រណាត់ញ៉ាត់ប៉ុណ្ណោះ រហូតមកដល់យប់កើតហេតុជនរងគ្រោះទាំងពីរមកសម្រាកនៅក្នុងទូកដរក៏បានលិចទូក បណ្តាលឱ្យបាត់ខ្លួនទាំង២នាក់តែម្តង ៕
ចែករំលែកព័តមាននេះ