រាជធានីភ្នំពេញ ៖ លោកឧត្ដមសេនីយ៍ត្រី សម្បត្តិ កុសល ដែលសម្បូរទៅដោយរឿងអាស្រូវត្រូវបានសាលាដំបូងខេត្តសៀមរាបចេញដីកាបង្កប់ឲ្យឃុំខ្លួនបណ្ដោះអាសន្នកាលពីថ្ងៃទី១០ខែឆ្នាំ២០២៥ក្រោមការចោទប្រកាន់៣បទល្មើស ។ លោកឧត្ដមសេនីយ៍ត្រី សម្បត្តិ កុសល…
រាជធានីភ្នំពេញ ៖ លោកឧត្ដមសេនីយ៍ត្រី សម្បត្តិ កុសល ដែលសម្បូរទៅដោយរឿងអាស្រូវត្រូវបានសាលាដំបូងខេត្តសៀមរាបចេញដីកាបង្កប់ឲ្យឃុំខ្លួនបណ្ដោះអាសន្នកាលពីថ្ងៃទី១០ខែឆ្នាំ២០២៥ក្រោមការចោទប្រកាន់៣បទល្មើស ។
លោកឧត្ដមសេនីយ៍ត្រី សម្បត្តិ កុសល ត្រូវបានអង្គភាពប្រឆាំងអំពើពុករលួយ ឃាត់ខ្លួននៅវេលាល្ងាចថ្ងៃទី ៨ ខែ ឧសភា ឆ្នាំ ២០២៥ បន្ទាប់ពីអ្នកនាំពាក្យ អយ្យការអមសាលាដំបូងខេត្តសៀមរាបចេញសេចក្តីប្រកាស់ព័ត៌មាន ផ្ទេរសំណុំរឿងរបស់លោក ប្តឹងឈ្មោះ ចិន ស្រីដា និងឈ្មោះ ទី ប្រាថ្នា ពីបទ ប៉ុនប៉ងសូកប៉ាន់ប្រព្រឹត្តនៅក្រុងសៀមរាប ខេត្តសៀមរាប កាលពី អំឡុងឆ្នាំ២០២៣មកជូនអង្គភាពប្រឆាំងអំពើពុករលួយ។
តាមដីកាបង្គាប់ឱ្យឃុំខ្លួនបណ្តោះអាសន្នរបស់សាលាដំបូងខេត្តសៀមរាបលេខ ៤១៥ ឃខ/ឍចុះថ្ងៃទី១០ឧសភាឆ្នាំ២០២៥បានអោយដឹងថា យើង តុប ផាណារិន ចៅក្រមស៊ើបសួរ នៃសាលាដំបូងខេត្តសៀមរាបបានសម្រេចៈ ឃុំខ្លួនឈ្មោះសម្បត្តិ កុសល ភេទប្រុស អាយុ៤១ឆ្នាំ កើតថ្ងៃទី៧ ខែមករា ឆ្នាំ១៩៨៤ ជនជាតិខ្មែរ សញ្ជាតិខ្មែរ ទីកន្លែងកំណើតសង្កាត់វាលវង់ ក្រុងកំពង់ចាម ខេត្តកំពង់ចាម ទីលំនៅបច្ចុប្បន្នភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កម្រិតវប្បធម៌ បរិញ្ញាបត្រផ្នែកគ្រប់គ្រង មុខរបរ មន្ត្រីនគរបាល នៃនាយកដ្ឋានវិទ្យុទាក់ទង នៃអគ្គស្នងការដ្ឋាននគរបាលជាតិពីបទ ប៉ុនប៉ងសូកប៉ាន់ ប្រព្រឹត្តនៅខេត្តបន្ទាយមានជ័យ កាលពីអំឡុងឆ្នាំ២០២៣ បទល្មើសព្រហ្មទណ្ឌ ដែលចែងឱ្យផ្តន្ទាទោសតាមបញ្ញត្តិមាត្រា ៣២ នៃច្បាប់ស្តីពីការប្រឆាំងអំពើពុករលួយ និងមាត្រា ២៧ និង មាត្រា ៦០៥ នៃក្រមព្រហ្មទណ្ឌ, ពីបទ ប្តឹងបរិហារដោយភូតកុហក ប្រព្រឹត្តនៅខេត្តសៀមរាប កាលពីថ្ងៃទី ២៣ ខែធ្នូ ឆ្នាំ២០២៤ បទល្មើសព្រហ្មទណ្ឌដែលចែងឱ្យផ្តន្ទាទោសតាមបញ្ញត្តិមាត្រា ៤១ នៃច្បាប់ស្តីពីការ ប្រឆាំងអំពើពុករលួយ និងពីបទ សូកប៉ាន់ ប្រព្រឹត្តនៅហាងកាហ្វេ Brown Riverside (សាខាមាត់ទន្លេ) រាជធានីភ្នំពេញ កាលពីថ្ងៃទី២៣ ខែមេសា ឆ្នាំ២០២៥។ បទល្មើសព្រហ្មទណ្ឌដែលចែងឱ្យផ្តន្ទាទោសតាមបញ្ញត្តិ មាត្រា ៣២ នៃច្បាប់ស្តីពីការប្រឆាំងអំពើពុករលួយ និងមាត្រា ៦០៥ នៃក្រមព្រហ្មទណ្ឌ ជាបណ្តោះអាសន្ន។
បង្គាប់ឱ្យប្រធានពន្ធនាគារខេត្តសៀមរាប ឃុំខ្លួនជនត្រូវចោទជាបណ្តោះអាសន្នឱ្យបានសម្រេចតាម ដីកាបង្គាប់នេះ។
គួរបញ្ជាក់ថា លោកឧត្ដមសេនីយ៍ត្រី សម្បត្តិ កុសល ជាអតីតស្នងការរងខេត្តបន្ទាយមានជ័យនិងប្រពន្ធ បានជំពាក់លុយចុងបណ្ដឹងឈ្មោះ ចិន ស្រីដាចំនួន ជាង ២ម៉ឺនដុល្លារ ហើយពុំសងក៏បានលួងលោមម្ចាស់បំណុលអោយកាត់រត់ការចូលក្របខ័ណ្ឌនគរបាលជាជាតិហើយប្រពន្ធ បានអួតអាង និងលួងលោម អូសទាញ ម្ចាស់បំណុល ចូលក្របខ័ណ្ឌនគរបាលជាតិ តែម្ចាស់បំណុលមិនព្រមក៏មានរឿងប្តឹងផ្ដល់គ្នាចាប់ម្ចាស់បំណុលដាក់ពន្ធនាគារពីបទគំរាមគំហែងហែកកេរ្ត៍ហើយត្រូវបណ្ដាញសង្គមផ្សព្វផ្សាយនិងធ្វើការរិះគន់យ៉ាងខ្លាំង ម្ចាស់បំណុលក៍បានដោះលែងវិញ ។
ក្រោយមកលោកឧត្ដមសេនីយ៍ត្រី សម្បត្តិ កុសលក្រសួងមហាផ្ទៃក៍បានដក លោកទៅជាមន្ត្រីនៅនាយកដ្ឋានវទ្យុទាក់ទងតែលោកមិនសុខចិត្តក៍បាន ប្ដឹងម្ចាស់បំណុលពីបទ ប៉ុនប៉ងសូកប៉ាន់ ទៅវិញ ។ តែទីបំផុតត្រូវបានអង្គភាពប្រឆាំងអំពើពុករលួយ(ACU)ចាប់ខ្លួនរួចបញ្ជូនទៅកាន់សាលាដំបូងខេត្តសៀមរាប ឃុំខ្លួនបណ្ដោះអាសន្ន ៕
ចែករំលែកព័តមាននេះ