រាជធានីភ្នំពេញ ៖ បុរសម្នាក់បានបោកក្បាលស្លាប់នៅនឹងកន្លែង ខណៈពេលដែលជិះម៉ូតូមួយគ្រឿងក្នុងល្បឿនលឿន ជ្រុលទៅបុកពីក្រោយរថយន្តម៉ាកហ៊ីយ៉ាន់ដាយ ដឹកគ្រឿងសំណង់មួយគ្រឿង ដែលកំពុងឈប់ចតនៅលើចិញ្ចើមផ្លូវមុខដេប៉ូរបស់ខ្លួន ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៩និង៣០នាទីព្រឹកថ្ងៃទី២៣…
រាជធានីភ្នំពេញ ៖ បុរសម្នាក់បានបោកក្បាលស្លាប់នៅនឹងកន្លែង ខណៈពេលដែលជិះម៉ូតូមួយគ្រឿងក្នុងល្បឿនលឿន ជ្រុលទៅបុកពីក្រោយរថយន្តម៉ាកហ៊ីយ៉ាន់ដាយ ដឹកគ្រឿងសំណង់មួយគ្រឿង ដែលកំពុងឈប់ចតនៅលើចិញ្ចើមផ្លូវមុខដេប៉ូរបស់ខ្លួន ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៩និង៣០នាទីព្រឹកថ្ងៃទី២៣ ខែតុលា ឆ្នាំ២០២៥ នៅតាមផ្លូវ ភ្នំពេញហាណូយ ស្ថិតនៅភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ ។
បុរសរងគ្រោះភ្លាមៗពុំទាន់ស្គាល់អត្តសញ្ញាណឡើយ ជិះម៉ូតូម៉ាកហុងដាឌ្រីម ពាក់ស្លាកលេខភ្នំពេញ 1CU-9973 ។
តាមសាក្សីបានឲ្យដឹងថា នៅមុនពេលកើតហេតុ គេឃើញជនរងគ្រោះជិះម៉ូតូមួយគ្រឿងខាងលើ ធ្វើដំណើរតាមផ្លូវភ្នំពេញហាណូយ ក្នុងទិសដៅពីជើងទៅត្បូង។ នៅពេលធ្វើដំណើរមកដល់មុខដេប៉ូលក់គ្រឿងសំណង់ «តាំង គឹមហាក់» ក៏បានបុកពីក្រោយរថយន្តដឹកសំណង់មួយគ្រឿង ដែលកំពុងឈប់ចតនៅលើដងផ្លូវពេញទំហឹង ។
ព័ត៌មានពីសាក្សីឱ្យដឹងទៀតថា នៅក្នុងគ្រោះថ្នាក់នោះ បណ្ដាឲ្យម៉ូតូរងការខូចខាតខ្ទេចមួយកំណាត់មុខ ហើយអ្នកបើកបរបានបោកក្បាលស្លាប់នៅនឹងកន្លែងយ៉ាងអាណោចអាធម៌ ។
បន្ទាប់ពីកើតមានគ្រោះថ្នាក់ នគរបាលមូលដ្ឋាន បានចុះទៅកន្លែងកើតហេតុហើយទាក់ទងនគរបាលចរាចរណ៍ មកវាស់វែងរួចនាំយករថយន្ត និងម៉ូតូទៅកាន់ការិយាល័យដើម្បីដោះស្រាយ។ ចំណែកសព សមត្ថកិច្ចបញ្ជូនទៅតម្កល់នៅឈាបនដ្ឋាន ដើម្បីស្រាវជ្រាវរកបងប្អូន ៕
ចែករំលែកព័តមាននេះ