ខេត្តស្ទឹងត្រែង៖ នារដូវបិទនេសាទឆ្នាំ២០២៥ រដ្ឋបាលជលផលបន្តគោលជំហរការពារធនធានមច្ឆជាតិ ពពួកត្រីមេពូជ និងសត្វផ្សោតទន្លេមេគង្គក្នុងអន្លង់និងតំបន់អភិរក្សឲ្យកាន់តែប្រសើរឡើង បើទោះបីជួបប្រទះនូវបញ្ហាប្រឈមនាៗក្តី ។ លោក ស្រី សំវិចិត្រ…
ខេត្តស្ទឹងត្រែង៖ នារដូវបិទនេសាទឆ្នាំ២០២៥ រដ្ឋបាលជលផលបន្តគោលជំហរការពារធនធានមច្ឆជាតិ ពពួកត្រីមេពូជ និងសត្វផ្សោតទន្លេមេគង្គក្នុងអន្លង់និងតំបន់អភិរក្សឲ្យកាន់តែប្រសើរឡើង បើទោះបីជួបប្រទះនូវបញ្ហាប្រឈមនាៗក្តី ។
លោក ស្រី សំវិចិត្រ នាយខណ្ឌរដ្ឋ បាលជលផលខេត្តស្ទឹងត្រែងបានមានប្រសាសន៍ថាក្នុងរដូវបិទនេសាទឆ្នាំ២០២៥នេះ ខណ្ឌរដ្ឋបាលជលផល រដ្ឋបាលខេត្តស្ទឹងត្រែងបានចេញសេច ក្តីប្រកាសស្ដីពីរដូវបិទនេសាទ ផ្សព្វផ្សាយយ៉ាងទូលំទូលាយតាមផ្លូវគោក និងផ្លូវទឹកទៅដល់អាជីវករ ប្រជានេសាទដែលអាស្រ័យផលលើការនេសាទ បងប្អូនប្រជាពលរដ្ឋរស់នៅតាមដងទន្លេ ដើម្បីចូលរួមទាំងអស់គ្នាថែរក្សាធនធានមច្ឆាជាតិឲ្យបានសម្បូរបែបពីមួយឆ្នាំទៅមួយឆ្នាំ ជាពិសេសផ្សព្វផ្សា យអប់រំពីផលប៉ះពាល់នៃការនេសាទដែលបង្កឲ្យមានការប៉ះពាល់និងបាត់ បង់សត្វផ្សោតទន្លេមេគង្គ។
យោងតាមរបាយការណ៍លទ្ធផលការងាររបស់រដ្ឋបាលជលផលខេត្តស្ទឹងត្រែងរយៈបួនខែដើមឆ្នាំ២០២៥ នេះ ខណ្ឌរដ្ឋបាលជលផលស្ទឹងត្រែងសហការជាមួយអាជ្ញាធរមូលដ្ឋាន សហគមន៍នេសាទ និងស្ថាប័នពាក់ព័ន្ធ ក្នុងការការពារ និងអភិរក្សសត្វផ្សោតទន្លេមេគង្គ ក៏ដូចជា ធនធានជលផលផ្សេងៗ ទទួលបានលទ្ធផលដូចជាការដកហូតមង ដែលនេសាទក្នុងតំបន់ហាមឃាត់ និងលួចនេសាទខុសច្បាប់ប្រវែង ១០.១៤៥ម៉ែត្រ។ដក ហូតសន្ទូចរនងនេសាទក្នុងតំបន់អភិ រក្សសត្វផ្សោត និងតំបន់ហាមឃាត់ចំនួ៨.២៩៤ផ្លែ។
បញ្ជូនជនសង្ស័យទៅតុលាការចំនួន០៤នាក់។កិច្ចសន្យា ប្រជានេសាទចំនួន៣៤នាក់។ផ្សព្វ ផ្សាយ-អប់រំ ណែនាំចំនួន ៩៨នាក់។ ដកហូតទូក០៣គ្រឿងម៉ាស៊ីន០៣ គ្រឿង.កាំភ្លើងកែច្នៃ០១ដើម.អាគុយ ០៤គ្រឿង.ក្បាលឆក់០៤គ្រឿង.ថ្នងដងត្រី០៣គ្រឿង.ដងឆក់០១គូ.ខ្សែ កាប ០៣ខ្សែ ប្រវែង ១០ម៉ែត្រ.ខ្សែ ភ្លើងប្រវែង ១០ម៉ែត្រ.ធុងប្រោសត្រី ០១គ្រឿង.ថ្នាំញៀន០១កញ្ចប់តូច និងប្រដាប់ជក់គ្រឿងញៀន ០១ឈុត.ទូរ ស័ព្ទ ០២គ្រឿង.ជាមួយគ្នានេះមន្ត្រីជលផលឆ្មាំទន្លេនិងសហគមន៍បានលែងត្រីមេពូជ និងត្រីកំពុងរងគ្រោះថ្នាក់ ប្រមាណជា ៤០គីឡូក្រាម ចូល ក្នុងដែននេសាទ ធម្មជាតិវិញផងដែរ។
ជាការពិតក្នុងការខិតខំប្រឹងប្រែងថែ រក្សាការពារអភិរក្សធនធានមច្ឆាជាតិនិងសត្វផ្សោត រដ្ឋបាលជលផលក៏បា នជួបប្រទះនៅបញ្ហាប្រឈមជាច្រើនផងដែរ ក្នុងនោះការចូលរួមរបស់អាជ្ញា ធរមូលដ្ឋាន កងកម្លាំង និងសហគមន៍មូលដ្ឋាន នៅមានកម្រិតនិងការអន្តរា គមន៍ពេលបង្ក្រាបបទល្មើសជលផលបានជាដើម។ រដ្ឋបាលជលផលក៏បានលើកអំពីហេតុផលសកម្មភាពនិងសុវត្ថិភាពក្នុងពេលចុះល្បាតឆ្នាំទន្លេ និងសហ គមន៍ មិនមានអាវុធការពារខ្លួន។
ជនល្មើសមានការតដៃជាមួយមន្ត្រីជល ផល ឆ្នាំទន្លេ និងសហគមន៍ (បាញ់ កាំភ្លើងកែច្នៃ បាញ់ជំពាម ប្រើកាំបិទ ឬដំបង និងមានគ្នាច្រើនព័ន្ធក្រុមការ ងារជាដើម)។ ករណីខ្លះជនសង្ស័យបញ្ជូនទៅពន្ធ នាគារមួយរយៈពេលខ្លីត្រឡប់មកវិញ ហើយប្រព្រឹត្ត បទល្មើសបន្តទៀត និងជាពិសេសករណីជនសង្ស័យខ្លះ ស កម្មក្នុងការប្រព្រឹត្តបទល្មើសក្នុងមូល ដ្ឋាន បានកសាងសំណុំរឿង៣-៤ដង បញ្ជូនទៅអយ្យការអមសាលាដំបូងខេត្ត ប៉ុន្តែមិនឃើញមានចំណាត់ការ និងនៅប្រព្រឹត្តបទល្មើសដដែល។
លោក ម៉ែន គុង នាយករងរដ្ឋបាល និងជាអ្នកនាំពាក្យសាលាខេត្តស្ទឹង ត្រែងបានបញ្ជាក់ថាខេត្តស្ទឹងត្រែងអនុវត្តចាប់ពីថ្ងៃទី១ខែឧសភារហូត ដល់ខែតុលាក្នុងករណីនេះសម្រាប់ជា គោលជំហររបស់ខេត្តបានដាក់ចេញ រួចទៅហើយនៅលិខិតជូនដំណឹងស្ដីអំពីការបិទនេសាទក្នុងភូមិសាស្ត្រដែ នសមត្ថកិច្ចខេត្តស្ទឹងត្រែង។
សេចក្តីជូនដំណឹងនេះ ជាគោលជំហរមួយរបស់រដ្ឋបាលខេត្តហើយ។ដោយឡែកជាក់ស្ដែងសម្រាប់បងប្អូនប្រជាពល រដ្ឋនៅក្នុងតំបន់ដែលបានកំណត់ហា មឃាត់អំពីការនេសាទពាក់ព័ន្ធទៅនឹងតំបន់ការពារអាហ្នឹងគឺត្រូវអនុវត្តជាប្រ ចាំតែម្ដង មិនចាំបាច់ដល់រដូវបិទនេ សាទបានអនុវត្តនោះទេ គឺការហាម ឃាត់ចំពោះការធ្វើនេសាទក្នុងតំបន់ការពារតំបន់អភិរក្ស ដូចជាតំបន់អភិ រក្សសត្វផ្សោតក្នុងអន្លង់នៃការការពារត្រីមេភូតជាដើមអាហ្នឹងត្រូវអនុវត្តជា ប្រចាំតែម្ដង។
ដោយឡែកក្នុងរដូវបិទនេសាទនេះត្រូវអនុវត្តឲ្យបានម៉ឺនម៉ាត់ជាជំហររបស់រដ្ឋបាលខេត្តក៏ដូចជាគណៈបញ្ជាការឯកភាពខេត្ត ឯកឧត្តមអភិបាលខេត្តលោកផ្ដាំហើយផ្ដាំទៀត ត្រូវអនុវត្តនីតិវិធីឲ្យបានម៉ឺងម៉ាត់ក្នុងគោលបំណងការពារឲ្យបានធនធានធម្មជាតិជាពិសេសពពួកត្រីមេពូជក្នុងកំឡុងពេលនៃការពងកូនដើម្បីបង្កើនបាននៅធនធានមច្ឆាជាតិដ៏សំបូរបែបនៅក្នុងទឹកដីខេត្តស្ទឹងត្រែងយើង។
នាឱកាសក្នុងរដូវបិទនេសាទកាល ពីព្រឹកថ្ងៃទី១០ខែឧសភាលោកសរ សុពុត្រា អភិបាលនៃគណៈអភិបាលខេត្តស្ទឹងត្រែងបាននាំយកអំណោយចុះសួ រសុខទុក្ខ និងណេះសំណាលលើក ទឹកចិត្ត និងផ្សព្វផ្សាយសេចក្តីជូនដំ ណឹង ស្តីពី រដូវបិទនេសាទឆ្នាំ២០២៥ នៅខេត្តស្ទឹងត្រែង ដល់បងប្អូនឆ្មាំទន្លេអភិរក្សសត្វផ្សោត និងក្រុមអភិរក្សត្រីមេពូជ ដែលអញ្ជើញមកពីសហគមន៍នេសាទ ចំនួន១២ រួមមាន៖ ១.សហគមន៍ត្បូងខ្លា, ២.សហគមន៍កោះសំពាយ, ៣.សហ គមន៍កាំងដីស, ៤.សហគមន៍ភូមិស្វាយ, ៥.សហគមន៍ស្រែក្រសាំង, ៦.សហគមន៍កោះក្រូច, ៧.សហគម ន៍កោះព្រះ, ៨.សហគមន៍ដំរីផុង,៩.ស ហគមន៍ទន្សោង, ១០.សហគមន៍អូរ ម្រះ, ១១.សហគមន៍អូរច្រឡង់,១២. សហគមន៍កោះជ្រឺម។ ជាមួយគ្នានេះដែរលោកស្រី សំវិចិត្រ នាយខណ្ឌរដ្ឋបាលជលផលខេត្តស្ទឹង ត្រែងក៏បានសំណូមពរស្នើសុំថ្នាក់ដឹក នាំផ្តល់មន្ត្រី និងឆ្នាំទន្លេបន្ថែមដល់ខណ្ឌរដ្ឋបាលជលផលស្ទឹងត្រែង។
ស្នើសុំជួយដល់ឆ្នាំទន្លេ ក្លាយជាមន្ត្រីកិច្ច សន្យារបស់មន្ទីរកសិកម្ម រុក្ខាប្រមាញ់និងនេសាទខេត្ត ព្រមទាំងស្នើសុំគណៈបញ្ជាការឯកភាពរដ្ឋបាលស្រុក -ក្រុង ជាពិសេសកងកម្លាំងប្រដាប់អាវុធទាំង៣ប្រភេទ មេត្តាជួយបង្ក្រា បបទល្មើសជលផលនិងការប្រើប្រាស់អាវុធកែច្នៃក្នុងមូលដ្ឋាន និងជាពិសេ សក្នុងរដូវបិទនេសាទផងដែរ៕
ចែករំលែកព័តមាននេះ