លើកទី១នៅស្រុកខ្មែរ ក្រុមក្មេងទំនើង ដេញគប់ និងវាយគ្នា ដល់ក្នុងបរិវេណស្នងការដ្ឋាននគរបាលខេត្តព្រៃវែង
ខេត្តព្រៃវែង ៖ លោកឧត្ដមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង នៅយប់ថ្ងៃទី៩ ខែឧសភា ឆ្នាំ២០២៥នេះ…
ខេត្តព្រៃវែង ៖ លោកឧត្ដមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង នៅយប់ថ្ងៃទី៩ ខែឧសភា ឆ្នាំ២០២៥នេះ បានអោយដឹងថា ប្រហែលនេះ គឺលើកទី១ហើយ នៅស្រុកខ្មែរ ។ ជាការប្រមាថដ៏ធ្ងន់ធ្ងរមួយដល់កម្លាំងសន្តិសុខខេត្ត ដែលមានខ្ញុំជាអ្នកដឹកនាំមួយរូប និងមិនអាចទទួលយកបានជាដាច់ខាត! ក្មេងៗសត្វមមាចមួយក្រុមនេះដេញគប់គ្នា និងវាយគ្នារហូតដល់ក្នុងបរិវេណស្នងការដ្ឋាននគរបាលខេត្ត ពិតជាមិនគួរឱ្យជឿទាល់តែសោះ ។
លោកឧត្ដមសេនីយ៍ទោ ឈឿន ប៊ុនឆន បន្តថា ៖ «តើខ្ញុំគួរធ្វើបែបណា ចំពោះពួកគាត់ឱ្យសមនឹងទង្វើតិរច្ឆាននេះ ? ខ្ញុំសង្ឃឹមយ៉ាងមុតមាំថា លោកចៅក្រម នៃខេត្តព្រៃវែង នឹងកំណត់ទោសទណ្ឌក្រុមនេះ ដោយសមរម្យបំផុត ពីព្រោះខ្ញុំយល់ឃើញថា ពួកនេះ បើអប់រំត្រឡប់ទៅផ្ទះ ឲ្យកែខ្លួនក៏មិនចំណេញដល់សង្គមជាតិដែរ ។
លោកស្នងការនគរបាលខេត្តព្រៃវែង បានបញ្ជាក់ច្បាស់ថា ជាថ្មីទៀត សូមផ្តាំយ៉ាងទទូច និងម៉ឺងមាត់ថា ក្មេងៗពាល(ក្មេងទំនើង) ដែលចូលចិត្តប្រព្រឹត្តអំពើពាលាអាវ៉ាសែទាំងឡាយ ក្នុងឃុំ-សង្កាត់ ទាំង១១៦ នៃខេត្តព្រៃវែង ឱ្យតែខ្ញុំបានដឹងថា ពួកអស់លោកលោកស្រីឯង បានប្រព្រឹត្តបទល្មើសហើយ ទោះគេចដល់ទីណា ក៏តាមយកដែរ ហើយគ្មានឡើយវិធានការអប់រំនោះ ៕
ចែករំលែកព័តមាននេះ