រាជធានីភ្នំពេញ ៖ សហព័ន្ធកីឡាចំបាប់កម្ពុជា ត្រៀមបញ្ជូនអាជ្ញាកណ្តាលអន្តរជាតិ គ្រូបង្វឹក និងកីឡាករ-កីឡាការិនីចំបាប់ ចំនួន១៥នាក់ ដើម្បីចូលរួមព្រឹត្តិការណ៍ការបកួត “The 2025…
រាជធានីភ្នំពេញ ៖ សហព័ន្ធកីឡាចំបាប់កម្ពុជា ត្រៀមបញ្ជូនអាជ្ញាកណ្តាលអន្តរជាតិ គ្រូបង្វឹក និងកីឡាករ-កីឡាការិនីចំបាប់ ចំនួន១៥នាក់ ដើម្បីចូលរួមព្រឹត្តិការណ៍ការបកួត “The 2025 Southeast Asian Wrestling Championship” កាលពីថ្ងៃទី៩ ខែឧសភា ដែលការប្រកួត នឹងប្រព្រឹត្តទៅចាប់ពីថ្ងៃទី១០ ដល់ថ្ងៃទី១៣ ខែឧសភា ឆ្នាំ២០២៥ នៅប្រទេសសិង្ហបុរី ។
លោក កាង ដែនពិសិដ្ឋ គ្រូបង្វឹកជម្រើសជាតិ បានឲ្យដឹងថា សហព័ន្ធត្រៀមបញ្ជូនអាជ្ញាកណ្តាលអន្តរជាតិ គ្រូបង្វឹក និងកីឡាករ-កីឡាការិនីចំបាប់ ចំនួន ១៥នាក់ខាងលើនេះ រួមមាន ៖ កញ្ញា កាង ណុចបវរ ប្រធានប្រតិភូ, លោក នុត សេរីរដ្ឋ អាជ្ញាកណ្តាលអន្តរជាតិ, លោក កាង ដែនពិសិដ្ឋ គ្រូបង្វឹកជម្រើសជាតិ, លោក នុត សុផាល គ្រូជំនួយជម្រើសជាតិ និងលោកស្រី ចូវ សុធារ៉ គ្រូជំនួយជម្រើសជាតិ ។
ចំណែកកីឡាករ មាន ៩នាក់ ដូចជា ៖ កីឡាករ ហេង វុទ្ធី, កីឡាករ ហេង រត្ន័ថា, កីឡាករ កែវ សុភ័ក្ត, កីឡាករ យុន ប៊ុនណា, កីឡាករ ឈឿង ឈាង, កីឡាករ លឹម សុខលាង, កីឡាករ សឿន សុភាស់, កីឡាករ ឈឿង វាសនា និងកីឡាករ ឆាំ ពិស៊ិន ។ កីឡាការិនី មាន ចំនួន ៣ នាក់ រួមមាន ៖ កីឡាករ ជា កញ្ញា, កីឡាការិនី ជឿន ស្រីឡែន និងកីឡាការិនី សម្បតិ្ត វណ្ណៈ ។
លោក កាង ដែនពិសិដ្ឋ បានបញ្ជាក់ថា លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានជួយឧបត្ថម្ភដល់អាជ្ញាកណ្តាលអន្តរជាតិ គ្រូបង្វឹក ក្រុមកីឡាករ-កីឡាការិនីទាំងការហូបចុក ស្នាក់នៅ និងការធ្វើដំណើរចំនួន ១៧នាក់ ។ លោកបានឲ្យដឹងទៀតថា ការចេញដំណើរទៅចូលរួមប្រកួតជ្រើសរើសជើងឯកអាស៊ីអាគ្នេយ៍លើកនេះ គឺជាឱកាសដ៏ល្អមួយរបស់កីឡាចំបាប់កម្ពុជា ក្នុងការវាស់ស្ទង់កម្រិតបច្ចេកទេស មុនពេលប្រកួតកីឡាស៊ីហ្គេម លើកទី៣៣ ឆ្នាំ២០២៥ នៅប្រទេសថៃ ៕
ចែករំលែកព័តមាននេះ