រាជធានីភ្នំពេញ ៖ សិប្បកម្មផលិតធុងជ័រស្មាច់មួយកន្លែង ត្រូវបានអគ្គិឆាបឆេះសន្ធោសន្ធៅ និងមានផ្សែងហុយឃ្មួលខ្មាញ់ ក្នុងខណៈពេលដែលកម្មករចេញទៅហូបបាយថ្ងៃត្រង់អស់ ហើយបិទទ្វារចាក់សោចោលគ្មានមនុស្សនៅ ។ ពេលនោះបានបង្កឲ្យមានការភ្ញាក់ផ្អើល ដល់អាជ្ញាធរ…
រាជធានីភ្នំពេញ ៖ សិប្បកម្មផលិតធុងជ័រស្មាច់មួយកន្លែង ត្រូវបានអគ្គិឆាបឆេះសន្ធោសន្ធៅ និងមានផ្សែងហុយឃ្មួលខ្មាញ់ ក្នុងខណៈពេលដែលកម្មករចេញទៅហូបបាយថ្ងៃត្រង់អស់ ហើយបិទទ្វារចាក់សោចោលគ្មានមនុស្សនៅ ។ ពេលនោះបានបង្កឲ្យមានការភ្ញាក់ផ្អើល ដល់អាជ្ញាធរ និងប្រជាពលរដ្ឋ ហើយភ្លាមៗនោះមានរថយន្តពន្លត់អគ្គិភ័យជាច្រើនគ្រឿងចេញទៅអន្តរាគមន៍បាញ់ទឹកពន្លត់ទើបរលត់ទៅវិញទាំងស្រុង ។
ហេតុការណ៌នោះបានកើតឡើង កាលពីវេលាម៉ោង១១ព្រឹក ថ្ងៃទី៨ ខែឧសភា ឆ្នាំ២០២៥ សិប្បកម្មមួយនោះ ស្ថិតនៅតាមផ្លូចូលសាលាខណ្ឌកំបូល ស្ថិតនៅក្នុងភូមិគល់ សង្កាត់កន្ទោក ខណ្ឌកំបូល រាជធានីភ្នំពេញ ។
សមត្ថកិច្ចបានប្រាប់ឲ្យដឹងថា ទីតាំងដែលរងការឆាបឆេះនោះ គឺជាសិប្បកម្មផលិតធុងជ័រស្មាច់ ហើយក៏មានកម្មករមួយចំនួនធ្វើការនៅទីនោះដែរ ដោយឡែកនៅថ្ងៃកើតហេតុ ខណៈដល់ម៉ោងសម្រាក ហើយកម្មករចេញទៅហូបបាយអស់ ដោយសិប្បកម្មនោះ ត្រូវបានចាក់សោចោលគ្មានមនុស្សនៅឡើយ ។
ក្រោយមកក៏ស្រាប់តែមានការឆាបឆេះកាវ និងជ័រ ព្រមទាំងស្មាច់នៅក្នុងអគារសិប្បកម្មនោះឡើង សន្ធោសន្ធៅតែម្ដង ដោយពុំដឹងថាបណ្ដាលមកពីមូលហេតុអ្វីនៅឡើយទេ និងបង្កឲ្យមានការភ្ញាក់ផ្អើលយ៉ាងខ្លាំង ។
សមត្ថកិច្ចដដែលបានប្រាប់ឲ្យដឹងបន្តទៀតថា ខណៈនោះ កម្លាំងអាជ្ញាធរ និងសមត្ថកិច្ចមូលដ្ឋានបានចេញទៅអន្តរាគមន៍ដល់ទីតាំងកើតហេតុ ហើយភ្លាមៗនោះកម្មករបានចាក់សោបើកទ្វារឡើងវិញឲ្យរថយន្តពន្លត់អគ្គិភ័យជាច្រើនគ្រឿង ដែលចេញពីបណ្ដាអង្គភាពនគរបាល និងយោធា ព្រមទាំងក្រុមហ៊ុនឯកជននានាចូលទៅបាញ់ពន្លត់ ទើបរលត់ទៅវិញទាំងស្រុង ។
សមត្ថកិច្ចបានប្រាប់ថា អគារសិប្បកម្មនោះទំហំ៤០ម៉ែត្រ×៥០ម៉ែត្រ (ជាប្រភេទសំណង់ដែក ជញ្ជាំង និងដំបូលប្រក់ស័ង្កសី ដែលមានម្ចាស់ឈ្មោះ chi ភេទប្រុស អាយុ៣៤ឆ្នាំ ជនជាតិចិន ស្នាក់នៅកន្លែងកើតហេតុខាងលើ ហើយឆាបឆេះបណ្ដាលមកពីមូលហេតុឆ្លងចរន្តអគ្គីសនី (ទុស្សេខ្សែភ្លើង) ។
នៅក្នុងហេតុការណ៍គ្រោះអគ្គិភ័យនេះដែរ ពុំបានបណ្ដាលឲ្យឆេះរាលដល់ទីតាំងផ្សេងនោះទេ ហើយក៏ពុំបង្កឲ្យមានមនុស្សរងរបួសដែរ គ្រាន់តែខូចខាតសម្ភារៈមួយចំនួនប៉ុណ្ណោះ ហើយសមត្ថកិច្ចកំពុងធ្វើការស្រាវជ្រាវរកមូលហេតុនៃការឆាបឆេះនោះហើយ ៕
ចែករំលែកព័តមាននេះ