ខេត្តស្វាយរៀង ៖ ព័ត៌មានបឋម មានភ្លៀងមួយមេ លាយឡំផ្គររន្ទះ និងខ្យល់កន្ត្រាក់យ៉ាងខ្លាំង បណ្តាលឲ្យប៉ើងដំបូលផ្ទះ ០១ខ្នង ទៅទើរពីលើដំបូលរោងការ បង្កឲ្យមានការភ្ញាក់ផ្អើលយ៉ាងខ្លាំង…
ខេត្តស្វាយរៀង ៖ ព័ត៌មានបឋម មានភ្លៀងមួយមេ លាយឡំផ្គររន្ទះ និងខ្យល់កន្ត្រាក់យ៉ាងខ្លាំង បណ្តាលឲ្យប៉ើងដំបូលផ្ទះ ០១ខ្នង ទៅទើរពីលើដំបូលរោងការ បង្កឲ្យមានការភ្ញាក់ផ្អើលយ៉ាងខ្លាំង និងបណ្តាលឲ្យម្ចាស់ផ្ទះ រងរបួសធ្ងន់ធ្ងរម្នាក់ ត្រូវក្រុមគ្រួសារបញ្ជូននៅមន្ទីរពេទ្យ ដើម្បីសង្គ្រោះ ។
ករណីនេះបានកើតឡើងនៅវេលាម៉ោង៥និង១៥នាទីល្ងាច ថ្ងៃទី០៥ ខែឧសភា ឆ្នាំ២០២៥ ស្ថិតនៅភូមិបុសមនលើ ឃុំបុសមន ស្រុករំដួល ខេត្តស្វាយរៀង ។
បើតាមប្រជាពលរដ្ឋ បានឲ្យដឹងថា មុនពេលកើតហេតុ មេឃពណ៌ខ្មៅ ហើយក៏មានភ្លៀងធ្លាក់ លាយឡំផ្គរ រន្ទះ និងខ្យល់កន្ត្រាក់យ៉ាងខ្លាំង បណ្តាលឲ្យប៉ើងដំបូលផ្ទះមួយខ្នង ដំបូលប្រក់សង្ក័សី ផើតរបើកឡើងលើ ចម្ងាយប្រមាណ ១០០ម៉ែត្រ ទៅទើរពីលើរោងការ ខណៈផ្ទះការ កំពុងចូលរោង បង្កឲ្យមានការភ្ញាក់ផ្អើលយ៉ាងខ្លាំង ក៏ប៉ុន្តែសំណាងល្អ មិនបង្កឲ្យគ្រោះថ្នាក់ដល់ម្ចាស់ការ ឬភ្ញៀវម្នាក់ណាទេ ។ ចំណែកម្ចាស់ផ្ទះរងគ្រោះប៉ើងដំបូល បានរងរបួសធ្ងន់ ត្រូវក្រុមគ្រួសារហៅរថយន្តសាមុយដឹកបញ្ជូនទៅមន្ទីរពេទ្យខេត្ត ដើម្បីសង្គ្រោះ ។
ប្រភពបានបន្ថថា ខណៈខ្យល់កន្ត្រាក់នោះដែរ ក៏មានរន្ទះបាញ់ ចំដើមត្នោតដាច់-ក ។ ប៉ុន្មានថ្ងៃនេះ មានភ្លៀងលាយឡំផ្គររន្ទះ ខ្យល់កន្ត្រាក់ គួរឲ្យព្រួយបារម្ភ ៕
ចែករំលែកព័តមាននេះ