រាជធានីភ្នំពេញ ៖ បញ្ហាសន្តិសុខសណ្តាប់ធ្នាប់ នៅតែជាគោលដៅសំខាន់ ដែលត្រូវបានយកចិត្តដាក់នៅផ្លូវថ្មើរជើង «Walk Street »ស្របពេល ដែលបងប្អូនប្រជាពលរដ្ឋមានការកើនឡើងជាប្រចាំទៅ លេងកម្សាន្តនៅផ្លូវថ្មើរជើង…
រាជធានីភ្នំពេញ ៖ បញ្ហាសន្តិសុខសណ្តាប់ធ្នាប់ នៅតែជាគោលដៅសំខាន់ ដែលត្រូវបានយកចិត្តដាក់នៅផ្លូវថ្មើរជើង «Walk Street »ស្របពេល ដែលបងប្អូនប្រជាពលរដ្ឋមានការកើនឡើងជាប្រចាំទៅ លេងកម្សាន្តនៅផ្លូវថ្មើរជើង ដោយបញ្ហាសន្តិសុខសណ្តាប់ធ្នាប់របៀបរៀបរយសាធារណៈ ត្រូវបានយកចិត្តទុកដាក់ពីរដ្ឋបាលរាជធានីភ្នំពេញ, អាជ្ញាធរដែនដី ពីកងកម្លាំងគ្រប់ជំនាញ ដែលធានាបានថា បញ្ហាសន្តិសុខសណ្តាប់ធ្នាប់ ត្រូវបានពង្រឹង និងផ្តល់ទំនុកចិត្តដល់បងប្អូនប្រជាពលរដ្ឋ ទៅលេងកម្សាន្ត នៅផ្លូវថ្មើរជើងរៀងរាល់ថ្ងៃចុងសប្តាហ៏ ។
ជាក់ស្ដែងនៅផ្លូវថ្មើរជើង Walk Street នារាត្រីថ្ងៃអាទិត្យ ទី០៤ ខែឧសភា ឆ្នាំ២០២៥ បងប្អូនប្រជាពលរដ្ឋមកគាំទ្រច្រើន ដើរលេងសប្បាយក្រោមម្លប់ នៃសន្តិភាព ។
គួររំលឹកថា ៖ ក្នុងកិច្ចប្រជុំដកពិសោធន៏ការអនុវត្តវឌ្ឍនភាព នៅផ្លូវថ្មើរជើងនារសៀលថ្ងៃ ទី៣០ ខែមេសា ២០២៥ លោក ហួត ហៃ អភិបាលរងរាជធានីភ្នំពេញបានគូសបញ្ជាក់ថា មកដល់ពេលនេះ ផ្លូវថ្មើរជើងមានអាយុ១២សប្តាហ៏ ស្មើនឹងរយៈពេល៣ខែមកហើយ ដែលទទួលបានប្រជាប្រិយ៏ភាពយ៉ាងខ្លាំងពីមួយសប្តាហ៏ទៅមួយសប្តាហ៏ រហូតទទួលបានការកោតសរសើរពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជាញឹកញ៉ាប់ ដែលបង្ហាញពីការខិតខំប្រឹងប្រែងអនុវត្តផ្ទាល់ពីលោក ឃួង ស្រេង អភិបាល នៃគណៈអភិបាលរាជធានីភ្នំពេញ។ ជាពិសេសរាជធានីភ្នំពេញ បានជាប់ចំណាក់ថ្នាក់លេខ២ លើពិភពលោក ឈ្មោះថា ជា«ទីក្រុងប្រជុំដោយភាពរីករាយនៅពេលរាត្រី» ដែលបានផ្សាយដោយ Visa 2FLY ដកស្រង់ពី SEAInfographics ក្នុងចំណោមរាជធានី និងទីក្រុង នៃបណ្តាប្រទេសជុំវិញពិភពលោក ចំនួន១៤ ។
លោក ហួត ហៃ ថ្លែងទៀតថា នៅចំណុចផ្លូវថ្មើរជើង នៅសល់ចំណុចខ្វះខាតខ្លះ ត្រូវកែលម្អ បន្ថែមមានដូចជា ៖ ហាមលេងលោតអន្ទាក់នៅកណ្តាលផ្លូវថ្មើរជើងដើម្បីទុកលទ្ធភាពអោយប្រជាពលរដ្ឋ ដើរដោយថ្មើរជើងអោយទូលាយ ។
ជាមួយគ្នានេះ ពាក់ពន្ធ័នឹងបន្ទប់ទឹក នៅផ្លូវថ្មើរជើង លោកអភិបាលរងបន្តថា បន្ទប់ទឹក ត្រូវតែស្អាតជានិច្ច កុំចាំតែអង្គុយយកតែលុយ នៅពេល ដែលចំនួនប្រជាពលរដ្ឋ ចេះតែកើនឡើង ពេលត្រូវការបន្ទប់ទឹក សុទ្ធតែតម្រង់ជួរ និងមានក្លិនអាក្រក់ ។
ចំពោះបញ្ហាសន្តិសុខសណ្តាប់ធ្នាប់ នៅផ្នែកខាងក្រៅផ្លូវថ្មើរជើង គឺប្រគល់អោយកងកម្លាំងជំនាញអ្នកទទួលខុសត្រូវ។ ចំណែកនៅខាងក្នុង គឺប្រគល់ជូនសណ្តាប់ធ្នាប់ខណ្ឌដូនពេញទទួលខុសត្រូវ ។ យើងទាំងអស់គ្នា ខិតខំរក្សាតំណែងលេខ២នេះ នឹងឈានទៅដណ្តើមយកលេខ១ បន្តទៀត ម្យ៉ាងទៀត កុំទុកឲ្យកើតមានរឿងដូចជាចោរកម្មនៅលើដងផ្លូវថ្មើរជើង បណ្តាលឲ្យខូចប្រយោជន៏ធំ ដែលយើងខិតខំធ្វើ ទទួលបានជោគជ័យរហូតមកដល់ពេលនេះ ៕
ចែករំលែកព័តមាននេះ