ការវាយប្រហារមួយចំនួនកាលពីយប់ថ្ងៃទី៣ និងថ្ងៃទី៤ កក្កដា នៅអ៊ីរ៉ាក់បណ្តាលឱ្យមនុស្សស្លា.ប់៨នាក់ និងរបួស១៧នាក់ក្នុងជួរប៉ូលិស និងកងទ័ពអ៊ីរ៉ាក់។ ប៉ូលិសបញ្ជាក់ថា ការផ្ទុះរថយន្តបង្កប់គ្រឿងផ្ទុះមួយបានសម្លា.ប់ប៉ូលិស២នាក់ និងធ្វើឱ្យរបួស៤នាក់ទៀតនៅភាគកណ្តាល SAKLAOUIA ខេត្តអានបារចម្ងាយ៥០គីឡូម៉ែត្រខាងលិច
ការវាយប្រហារមួយចំនួនកាលពីយប់ថ្ងៃទី៣ និងថ្ងៃទី៤ កក្កដា នៅអ៊ីរ៉ាក់បណ្តាលឱ្យមនុស្សស្លាប់៨នាក់ និងរបួស១៧នាក់ក្នុងជួរប៉ូលិស និងកងទ័ពអ៊ីរ៉ាក់។ ប៉ូលិសបញ្ជាក់ថា ការផ្ទុះរថយន្តបង្កប់គ្រឿងផ្ទុះមួយបានសម្លាប់ប៉ូលិស២នាក់ និងធ្វើឱ្យរបួស៤នាក់ទៀតនៅភាគកណ្តាល SAKLAOUIA ខេត្តអានបារចម្ងាយ៥០គីឡូម៉ែត្រខាងលិចក្រុងបាដាដ។ នៅក្រុងបាដាដប៉ូលិស៣នាក់ស្លាប់ ដោយសារការផ្ទុះគ្រាប់បែកមួយគ្រាប់ក្នុងសង្កាត់ម៉ាន់សួរ ហើយជនអត្តឃាតម្នាក់បានធ្វើឱ្យគ្រឿងផ្ទុះដាក់ជាប់ខ្លួនគេផ្ទុះនៅជិតចំណុចត្រួតពិនិត្យមួយបណ្តាលឱ្យទាហាន៥នាក់ត្រូវរបួស។
កាលពីយប់ថ្ងៃទី៣ កក្កដា ប៉ូលិសពាក់ស័ក្តិ២ម្នាក់បានត្រូវជនមិនស្គាល់មុខបាញ់សម្លាប់នៅភាគឥសានរដ្ឋធានី។ ប៉ូលិសម្នាក់ត្រូវរបួសក្នុងការវាយប្រហារអត្តឃាតមួយទៀតនៅហាឌីថា ចម្ងាយ១៩០គីឡូម៉ែត្រភាគពាយ័ព្យក្រុងបាដាដ។ នៅក្រុងគៀរគុកប៉ូលិសម្នាក់បានត្រូវគេបាញ់សម្លាប់នៅមុខគេហដ្ឋានរបស់គេ ហើយទាហានម្នាក់ដែលកំពុងដើរល្បាតត្រូវស្លាប់ដោយសារការផ្ទុះគ្រាប់បែកមួយគ្រាប់នាយប់ថ្ងៃទី៣ កក្កដា នៅក្រុងម៉ូសស៊ូល ៕
ចែករំលែកព័តមាននេះ